Njɔyn 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Wùə vɛ ə piə è chaʼa wìynke nyi wùə èwàmnə, pîza wùə vɛ ə piə è Zuʼsə Fezhə̀sè nyi Sezuʼ.

Njɔyn 3:6 Referans Kwoze

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

1 Njɔyn 3:9

Nâʼàpî ndè vɛ ə è nyi Va Fèzhə̀ nə̀ va pi, kûmə̀ nə ghənə nyiə kyi ètsɨsə̂ Fezhə̀zè. Ghənə e va se nə̂ pi kûmə̀ nə ghənə nyi əghɔ Fezhə̀ghè.

1 Kɔlìŋ 6:17

Ə̀ nyi wùə vɛ ə è tsɨ̀yntə̀ yî Pɛ̂pɛ, è tə nə̂ ə è və nyi sə afɨa àmɔ̀ʼ yî vəyn ə Sezuʼ.

Ŋwàʼlè ə̀ Pɔ̂l sê ghɨə Lûmghè 7:18

M kendô nə ghɛ echûŋ zhîze va ə mì əfètə̂ təm, zɛ mə tyə̂nə̀ nə ə mì əfètə̂ ewìyn ə wûə m̀sɔ̀ŋve. Pi kə təm ghɨmghe chiyntə mi nə m nəyn chùŋ, e tɛ ghaʼa ndò mi se nə̀yn.

Ŋwàʼlè ə̀ Pɔ̂l sê ghɨə Lûmghè 8:13

Kûmə̀ nə ə ghàyn ndam kə njà saynse wìynse kyiŋə, ə ghàyn tə kwu, pîza ə ghàyn zhwi ghɛ ə pi ghaynghe è tyaʼa sezuʼ sə Fezhə̀sè, ə ghàyn tə kyî èndam.

Ɛfesùs 2:3

Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Ngàleshyà 5:24

Ghɨ ghɛ ə̀ nyi əghɨ ə Klâys Njisə̀sə̀ nyi mə ghənə zhwi njà èwìyn è ghɛ ghɛ ə njà èwìyn kyiŋə nâʼà ètyaʼke.

Njɔyn 1:13

Ghənə tè pâʼà pə̀yn chi ghɔ Fezhə̀ endom vɛ ə wùə èwàmnə piə vayn ətəyn, kə ə̀ nyi ə̀ghɔ pɨ̀a wùə m̀sɔ̀ŋə; Zhə̀fè è ngɨŋə̂ Vəyn tè nyi pɨ̀a ə̀ ghənə̂.

Ŋwàʼlè ə̀ Pɔ̂l sê ghɨə Lûmghè 7:5

Kûmə̀ nə shîŋə̀ kɛ ə ghâsènì tè nyi etyə̂ ètsɨsə̂ ə wûə m̀sɔ̀ŋze, lâŋkè tè nyîə ndwisə̀ ə̀ghɛ epi ghɛ ə wîyn mə ghasènîəm kyiŋə. Zɨnə tè nyiə nə̂ ghâsènì e nə̂ əghɛ epi ghɛ ə ghe pə̂yn ekwuze.

Ŋwàʼlè ə̀ Pɔ̂l sê ghɨə Lûmghè 7:25

Zɔ̀ŋnèkè nyì sê Zhə̀fè. E və fi za ndam zɨmze tɔynə̂ ə Va Vəyn Pɛ̂pɛ ə̀ ghâsènì Njisə̀s Klâys. Təm ghɨmə tsâ se mi nə m chumte lâŋ ə Fezhə̀kè, pîza wiyn vɨm və wûə msɔ̀ŋve e chûmtə̀ pi zɛ ə è nyi ə mì əfètəyn.

Njɔyn 3:7

Kə ghàyn ə nyi è kaynze kə m pî nə ə kyi se kɛsə piə ghàyn əkɨ̂m sə fe.