Njɔyn 3:2 - Ŋwàʼlè ə̀ Fèzhə̀ Mkâyn Mə̂ Fèm

² Tuʼ fîfe è tuʼve, è və ndùə sê Njisə̀s ə pìə se Vəyn nə, “Tyə̀ynsè, ghàs ke ndô nə ò nyi tyə̀ynsè mə ə̀ tom Fezhə̀. Wùə vîvè vayn kàʼa è nəyn ghɛ ə kayntə ghɛ ə Ò nə̀ ə̀ tsɛ̂ kə va mə Zhə̀fè nyì yî vəyn.”

Njɔyn 3:2 Referans Kwoze

Njɔyn 5:36

Pîza, M kyi ndô tsɛ̀ èsaʼ è tsɨ̂ə tsɛ vɛ Njɔyn tè kyi. Fɨ̂aʼ tɛ M nə̂, mə nyi tefɨaʼ tɛ ə Pɨ̀a Vɨ̂mvè tè fo nə Mə nə̂, fɨ̂aʼ tə təynte wâmnə̀ ndò ə Mì azhəm chwîtə̀ nə ə̀ Mi tè tom Pɨ̀a.

Ətefɨ̂aʼ 10:38

Ghàyn kyi sə̂ ke nə Zhə̀fè ə tə kɨmnê Njisə̀s, ə wùə Nazalɛ̀t, ə fo Sezuʼ se Ŋwaʼase sê Vəyn è tyaʼa. Njisə̀s tè kwiə ka kə luʼ tekɨ̂m, nə̂ əghɛ echûŋə̀. Kə Zhə̀fè tè nyì yî Vəyn, È tè tsuʼə nâʼà pîndè vɛ ə è tè nyi ə ndə̂plè etyə̂ àtyaʼ.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Njɔyn 9:16

Ghɨə Falàsî yîghe ə pìə nə, “Wùə vɛ ə È nə̀yn zɨnə vayn kaʼa ə nyi wùə mə ə̀ tom Fèzhə̀, kûmə nə è paʼà kɔʼsê tuʼ endaʼve.” Pîza yîghe e pîə nə, wùə ə̀ghɛ piə vayn kàʼa è və nə̂ ə̀ghɛ ə kayntə nyi. Kè sə ashìŋə̀, chyâsè ewìynze ə fɨə ə ghənə ə fètəyn.

Njɔyn 12:37

Pî kə nɔ̂yn ə ghɨ̀ nə kɨ̂yn tè fe ghɛ kayntə ghɛ ə Njisə̀s tè nə̂ ə̀kɨ̂m, ghənə ə tàʼa pa pomə̂ sê Vəyn.

Njɔyn 1:38

Njisə̀s ə kə̀mnə̀ èwiyn, ə fe kə ghənə chûmtə̀ Vəyn, ə pfɨfə nə, “Ghàyn kyiŋə ghè?” Ghənə ə pə̀ynsə̀ nə, “Ò ndamə ghayn ə Lapày?” (Lapày zɨ̀nə tyə̀nə̀ nə, Tyə̀ynsè.)

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Njɔyn 7:31

Pîza, ghɨghe setsɨ̀ ə fètə̂ ànɔ̀yn ə pomə̂ Vəyn. Ghənə tè pîə nə, “Shîŋə̀ kɛ ə vɛ ə chɔʼ ndə̂m tə pə̂, è tə nə̂ ndò ghɛ ekayntə ghe tsɨ̂ə tsɛ̂ kə wùə vɨ̀nə nyi mə è və nə̀yn ə?”

Njɔyn 20:16

Njisə̀s ə ke tɔŋtə vəyn nə, “Mèli!” Mèli ə feʼtə̂ naynə̂ Njisə̀s ə pɨa pîə ewàmnè ə Ipilò nə, “Làponi!” (Mə e tyə̂nə̀ nə, “Tyə̀ynsè.”)

Njɔyn 15:24

Ə̂ tè nyi nə m paʼà nə̀yn ghɛ nə ghɨ̂yn ə ghənə əfètəyn, ndɔ̀ʼɔ wùə tyəm nəyn, mə ze tyə̀nə̀ va nə ghənə ə nə̀yn pi kə ze tyə̀nə̀ zôyn. Ə̀ zô sè nyi mə ghənə ə fe ghɛ əkayntə nə ghɨ̂yn pîza fɨnə pànə̀ kə ndò mi, è kɨsè Pɨ̀a vɨm.

Njɔyn 3:26

Ghənə ə ke ndù sê Njɔyn ə tsà se vəyn nə, “Tyə̀ynsè, o kàʼa ò fɨyn kwâʼtè wùə vɛ ə ghâyn vəyn fe nyi engyinə̂ tsô Njondàyn za, ə vɛ ə ò tè wàmnə̀ kûmə̀ Vəyn. È nyîə fo m̀mo sê ghɨə zôyn, nâʼàpî ndè e ndûə se vəyn.”

Ŋwàʼlè ə̀ Mâk 12:14

Ghənə ə pə̀ sê Njisə̀s ə pìə nə, “Tyə̀ynsè, ghàs ke ndô nə ò nyîə wâmnə̀ səmɔʼ. Ò tɔ̀ʼɔ̀ va wùə vîvè. Ò fànə̀ va wùə vîvè, Ò wàmnə̀ kə chichi. Pîza Ò ndɨŋə zaʼlə̂ ə̀ghɨ èghɛze kûmə̀ Fèzhə̀. Tsàyn sê ghàs, ə̀ nyi alâŋ nə kə maʼà tâks sê Kaysà, fɔ̀yn èghaʼâ ə Lûm mə? Ə mâʼà mə, kə nə maʼa?”

Filìpây 1:14

Ndɛ chaʼ zɨ̂nə̀ ə m nyi ətəyn ə nə̀yn ghɨə pomə setsɨ̀ ghɛ ghe fɨyn fɛte fo təm ə ghənə̂ghè sê Pɛ̂pɛ kûmə̀ èghɛ zɛ ə ghənə fe kə è nə̀yn sê mi. Ghənə e sè ndaʼà tom ə̀ Fèzhə̀ zôyn è təm ə tɛ fɨnə fànə̀ va wùə.

Matyò 23:7

Ghənə kɔ̀ŋɔ̀ nə ə tɔŋtə̂ ghənə è kɔʼsêzè ə telùʼ tə ezhɔynte è kɨsè nə ghɨghə tɔŋtə̂ ghənə nə, ‘Tyə̀ynsè.’

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

Njɔyn 2:11

Njisə̀s tè nə̀yn eghɛ e kaynte ə vəyn zə shi nə zɨ̂nə̀ endaʼ ə Kanà apàs endaʼ ə Ngalìlîkè. Ə̀ nyì fumə kə è tè tyə̀yn paynsê èpomsê ə vəynze, chùmtè èpàm sə vəynse ə pomə̂ sê vəyn.

Njɔyn 4:31

Ə̀ tè nyi mə chùmtè èpàm sə Njisə̀sè chyatə̂ Vəyn pîə nə, “Tyə̀ynsè, zhi fɨake.”

Njɔyn 6:2

Nɔ̂yn ə ghɨ̀kè e chûmtə̀ Vəyn, kûmə̀ nə ghənə tè nyi mə ə fe ghɛ ə kayntə ghɛ ə è tè nə̂, tsuʼə ə̀ghɨ ezafə.

Njɔyn 10:38

Pîza, ə M nə̂ fɨ̂aʼ ətəyn, ghàyn ə tàʼa pomə pì sê Mi, ghàyn ə pomə̂ ə̀ghɛ ghɨm ghe nəghe, endom kə ghàyn ke kwəynsê sə eshìŋə̀ ekwuŋsəze nə Pɨ̀a nyì ghasè Vəyn, M nyi ghasè Pɨ̀a kə ghè tə ghayn.”

Njɔyn 14:10

Ò pomə va ə Filìp nə M nyi ə̂ Pɨ̀a vɨ̂mvè ewìyn, Pɨ̀a vɨ̂mvè e nyi ə Mì ewìyn ə? Njisə̀s ə pìə sê chùmtè èpàm sə vəynse nə, ghɛ ghɛ ə m pîə sê ghàyn va ə ghɛ ghɨmghə ngɨŋə̂. Pîza ə̀ nyi Pɨ̀a vɨ̂m vɛ ə è nyi ə Mi èwiyn ə È nə̀ fɨaʼa Vəynze.