Njɔyn 20:2 - Ŋwàʼlè ə̀ Fèzhə̀ Mkâyn Mə̂ Fèm

² È və ndò pə̀ è nyɨŋe ə pə̀ fe Shimuyn Pità è chùmtè èpàm ə̀ mɔ̀ʼɔ̂ vɛ ə Njisə̀s tè kɔ̀ŋɔ. Mèli ə tsà se ghənə nə, “Ə fɨsê pfɨyn ə Pɛ̂pɛze eshyə̀ eghaʼâzè, ghàse ke va nə ə ndəm ghayn və!”

Njɔyn 20:2 Referans Kwoze

Njɔyn 13:23

Chùmtè èpàm ə̀ Njisə̀s zhîzè emɔ̀ʼ vɛ ə è tè kɔ̂ŋɔ̀ sə nɨŋ e tsɨs paʼsê sê vəyn.

Njɔyn 20:13

Tsì sə təynse ə pfɨfə sê Mèli nə, “Wùzhɔyn, ò chìə ghe?” È və pə̀ynsə̀ ə pîə nə, “M chîə kûmə̀ nə ə njì ndo è pfɨyn ə Pɛ̂pɛ vɨ̂mvè, m ke va nə ə ndəm ghayn Vəyn ə?”

Njɔyn 21:24

Chùmtè èpàm ə̀ Njisə̀s nə zɨ̂yn ə nyi zɛ ə è tsâ ghɛ nə ghɨ̂yn, ə nyì kepî zə̂yn zɛ ə è tè nyàʼ ghɛ ətəynghe. Ghàs tè ke ndô nə ghɛ zɛ ə è pìə nyì ke səmɔʼ.

Njɔyn 21:7

Chùmtè èpàm ə̀ Njisə̀s zɛ ə È tè ngəsə̂ kɔ̂ŋɔ̀ zâ, ə pìə sê Pità nə, “Wùə vîə nyì zâ, ə̀ nyi Pɛ̂pɛ!” Ə pə̀ kə Shimuyn Pità zɨ zâ, ə njìə fèpfɨ̂ fə vəynfe ə màʼa ə vəyn ewìyn, (kûmə̀ nə, è tè nyi mə è və chɔʼ ndəm), ə tânə̀ ə tsô.

Njɔyn 19:26

Njisə̀s ə fe nyìə Vəyn è chùmtè èpàm ə̀ Vəyn vɛ ə è tè kɔ̂ŋɔ̀ è tyəm fumə, È və pìə se nyì nə, “Nyì Vɨ̂mè, ə̀ vɨ̀nə nyi vayn vɛ̂vè.”

Njɔyn 21:20

Pità ə kə̀mnə̀ naynə̂ ə fe chùmtè zɛ ə Njisə̀s tè ngəsə̂ kɔ̂ŋɔ̀ zâ, è pə̂ ə ghənə epàm, ə nyi kepî vɛ è tè zaʼnə ndùə ə Njisə̀s ewìyn elùʼ ə ezhiəve zâ ə pfɨfə sê vəyn nə, “Pɛ̂, ə̀ nə̀ pəʼlə̂ ndè ghò ə?”

Njɔyn 20:15

Njisə̀s ə pfɨfə sê vəyn nə, “Wùzhɔyn ò chîə ghè? Ò kyiŋə ndè?” Mèli e sè kwâʼtə̀ nə ə̀ nyi wùə vɛ ə è fɨ̀aʼà afùʼ fumə, ə pìə sê vəyn nə, “Ə̂ nyi mə ə̀ njì ndô ghò èpfɨyn ə vəynve ə Pɛ̀ apɨəyn, ò tsà eluʼ vɛ ə ò ndù ndə̂m vəyn ətəyn sê mi, kə m kɛse ndu nji.”

Njɔyn 20:9

Pi kə ghənə tè nyi ndɔ̀ʼɔ nyiəm kê èghɛ zɛ ə tè nyàʼ ə ŋwàʼlè ə̀ Fèzhə̀ nə Njisə̀s tə zômə̀.)