Njɔyn 2:19 - Ŋwàʼlè ə̀ Fèzhə̀ Mkâyn Mə̂ Fèm

¹⁹ Njisə̀s ə pə̀ynsə̀ sê ghənə nə, “Ghàyn pɨyte Ndɛ Ètsə̀mə zɨ̂yn, ə M kɛse pɛ zə̂yn sə m̀tuʼ mta.”

Njɔyn 2:19 Referans Kwoze

Ŋwàʼlè ə̀ Mâk 14:58

“Ghàs tè zɨ kə è pìə nə, ‘M nə̀ pɨ̂sə̀ Ndɛ Ètsə̀mə zɨ̂yn ə pɛ è gho nyî, ə m kɛse pɛ zə̂ndò ə mtuʼ mta, mə paʼà pɛ ègho.’”

Ŋwàʼlè ə̀ Mâk 15:29

Ghɨghe e tsɛ̂ èndom, nəʼə̀ ètu, sôylə̀ vəyn pîə nə, “Àa! Ò tè pi nə Ò nə̀ pɨ̂ytè Ndɛ Ètsə̀mə, ə Ò kɛse pɛ sə mtuʼ mta!

Matyò 27:40

pîə nə, “Piə ò tè pi nə ò kàʼa ò pɨyte Ndɛ Ètsə̀mə ə ò kɛse pɛ ə fètə̂m mtuʼ mta? Sɔ̀se ngɨŋ zɛzè zôyn! Ə ò nyi ke nâʼà Va Fèzhə̀, o tso pə̂ fɛ etûə awâmnè ə ghàs fe.”

Matyò 12:40

Njonà tè nyi ə mbwɔ̀ èghaʼâ ke ndwɔ̀ sə mtuʼ mta. Kè eghɨ ə̀ nyi nyiə mə kə Va Wùə tè nyi etyiə m̀chi sə mtuʼ mta.

Ŋwàʼlè ə̀ Pɔ̂l sê ghɨə Lûmghè 8:11

Ə zuʼsə Fezhə̀ sɛ ə se tè zòmse Njisə̀s ekwu nyi ə ghàyn ə fètəyn, nyiəmə, nâʼàpî m̀wiyn mâynm̀ mɛ m̀ nyi mə m̀ mə kàynè kwu, Zhə̀ fɛ ə fe tè zòmse Klâys tə zômsə̀ kəpi m̀wiyn nə mɛ. È tə nə̂ zɨnə mə è tyaʼa sezuʼ kɛ ə ke kayne nyi ə ghàyn ə fètəyn.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Ətefɨ̂aʼ 2:32

Ghasə ə̀kɨ̂m nyi setsɛ̀ èsaʼ nə Zhə̀fè ə nə̀yn, Njisə̀s nə vɨ̂yn ve è zômə̀.

Ətefɨ̂aʼ 2:24

Pîza Zhə̀fè ə nə̀, È və zômə̀, ə sɔ̀zâ Vəyn sê tyaʼ ekwuke kûmə̀ nə kwuze tè vayn kàʼa e kyi Vəyn kə wùə ndɛ̂ ə̀chaʼ.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

Njɔyn 11:25

Njisə̀s ə pìə sê vəyn nə, “Ə̀ nyi Mi è zomsêzè, ə̀ nyi Mi èndamze. Ghɨ ghɛ ə pomə se Mi nə̀ ndamə, pi kə ghənə nyi mə ə kwu.

Ŋwàʼlè ə̀ Mâk 8:31

Njisə̀s ə zhə̀tə̀ sè zaʼlə̂ ə sechùmtè èpàm sə vəynse nə, “Va wùə kyi se fe ngəʼ èghaʼâ. Ə chəʼse yî ghɨ kɔʼsə nə eshyə̀ ndɛ̂ Fèzhə̀ghe ghaʼâghè, è tyə̀ynsè sə alàŋsè tə vəyn. Ə zhwi vəyn, ə ə̀ nyi ə mtuʼ mta ə è kɛse zômə̀.”

Kòlosè 2:12

Kə tè fo mômè se ghàyn, e tè nyi kəpiə ghàyn ə kwu, ə pfɨ̀mə̀ ghàyn, Zhə̀fè ə zômsə̀ ghàyn è Klâys. Zɨnə tè kyàyn se ghàyn kûmə̀ nə, ghàyn ə tə pomə̂ nə tyaʼa Fezhə̀ kɛ ə ke tè zòmse Klâys tə zômsə̀ kəpi ndò ghàyn.

1 Kɔlìŋ 15:12

Zôyn kə tom zâszè se nyi nə Klâys ə tə zòmə̀, ghàyn yîghe kaʼa pi zayn nə ghɨ ghɛ ə nyi mə kwu tə zômə̀ va?

Ŋwàʼlè ə̀ Pɔ̂l sê ghɨə Lûmghè 4:24

Ə tè nyâʼ kepî ə̀ghɛ nə ghɨnə mə sê ghâsènì. Zhə̀fè tə njiə kəpi ghâsènì ghɛ ə pomə nə ə nyi kepî kə ghɨ ə Vəynghe. Ə̀ zòmse Vəyn Pɛ̂pɛ ə ghâsènì Njisə̀s Klâys.

Ətefɨ̂aʼ 3:26

Zhə̀fè ə ke chɔʼə Wufɨ̀aʼa ə̀ Vəyn ə tomə sê ghàyn sə shi, nə È nəyn kə nâʼàpî ndè ə ghàyn əfètəyn za ndomte pite ə è kyi pɔsê nə zɨ̂nə̀.”

Njɔyn 5:19

Njisə̀s ə ke pə̀ynsə̀ ghənə nə, “M pîə sê ghàyn səmɔʼ nə Vâ Fèzhə̀ vayn kàʼa è nəyn ghɛze sə və ngɨŋ, È nə̀ kə èghɛ zɛ È fe Pɨ̀a e nə̂. Ghɛ zɛ ə Pɨ̀a nə̀, ə̀ nyì kepî zəynze ə Vayn nə̂.

Matyò 27:63

ə pìə sê vəyn nə, “Pɛ̀ àpɨəyn, ghàs kɛsə̂ pɨ̂əytə̀ nə kə wùə àkaŋ vɛ tè pa nyi ètwɔ ə pìə nə, ‘M tə zômə̀ epàm mə̂ m̀tuʼ mta.’

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

Ətefɨ̂aʼ 6:14

Ghàs ə tə zɨ kə è pìə nə Njisə̀s ə̀ Nazalɛ̀t nə vɨ̂yn tə pɨ̂sə̀ ndɛ̂ ètsə̀mə, ə È fɨyn kwiynê endam zɛ ə Mosîs tè zaʼle ghâsènì ətəyn.”