Njɔyn 2:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Ə tè se paʼsə̂ pə̂ ashìŋə̀ kɛ ə ghɨ ə Njûsə̀ tè nə̂ e zhiə è zaʼâ tsɛ zə ətəyn, Njisə̀s ə ke ndo ndù endaʼ ə Njèlusalɛ̀mzè.

Njɔyn 2:13 Referans Kwoze

Tom èchùŋ kè kə Lûk tè nyaʼ 2:41

Pɨ̀a Njisə̀s yî nyiə vəyn tè ndamə kɔʼɔ kə pìŋ sekɨ̂m ə Njèlusalɛ̀m se zhiə etuʼ Ezaʼa tsɛe.

Njɔyn 11:55

Tuʼ mə̂ Èzaʼa tsɛ̂ mə ghɨə Njûsə̀m ə paʼsə, ghɨghe e kɔʼɔ ə Njèlusalɛ̀m, tsɨ̀ə kə nyi, se shùə se ngɨŋ sə ghənə̂sè endom vɛ lâŋ ə Mosîskè tè chwìtə, se pɨaʼtê se tuʼ fe zaʼâ tsɛfe.

Njɔyn 2:23

Ə tè nyi kə Njisə̀s nyi ə Njèlusalɛ̀m ashìŋə̀ azhi ə zaʼatsɛke, ghɨ etsɨəghe ə pomə̂ sê Vəyn, kûmə̀ ə̀ghɛ ə kayntə ghɛ ə ghənə fe kə è nə̀yn.

Njɔyn 6:4

Shîŋə̀ azhi ezaʼa tsɛke tè paʼsə pə̂ ndò.

Njɔyn 5:1

Epàm mə zɨ̂nə̀, Njisə̀s ə ndùə ə Njèlusalɛ̀m ə fetuʼ fə azhi ə ghɨə Njûsfè.

Matyò 21:12

Epàm ətəyn, Njisə̀s ə njiə ə Ndɛ Ètsə̀mə sè chûmə̀ fɨsə̂ ə̀ghɨ ghɛ ə ghe tè zhɔnə, pəʼlə̂ nâʼà ə̀kɨ̂m. È və pɨŋsə̂ maʼà èlwɔ̂ŋ əghɨ̀ ghɛ ə ghe tè kwiynə kɛve ə pɨŋsə̂ maʼà kəpî mkyə̂ mə ghɨ̀ ghɛ ə tè pəʼlə kwɨ̀lə̂m.

Ŋwàʼlè ə̀ Mâk 11:15

Kə ghənə tè ndù fɨ ə Njèlusalɛ̀m, è və njiə apɨəyn ə Ndɛ Ètsə̀məke sè chûmə̀ fɨsə̂ ə̀ghɨ ghɛ ə tè nə̂ pə̂ʼlè fu. È və pə̀ŋsə̀ maʼà èfɨa vɛ ghɨ tè kwiynə kɛve etu ə̀təyn, ə pə̀ŋsə̀ mâʼà m̀kyə̂ mɛ ə ghɨə tè tsɨs ətəyn se pəʼlə̂ m̀kwɨ̀lə̂.

Tom èchùŋ kè kə Lûk tè nyaʼ 19:45

È və nə̀ ə ndùə njiə apɨəyn ə Ndɛ Ètsə̀məke sè chûmə̀ fɨsə əghɨ ghɛ ə ghe tè pəʼlə fɨau əfètə̂ ətəyn,

Njɔyn 13:1

Ə̀ tè faŋ fetuʼ kə ə zhi Zaʼatsɛze, mə Njisə̀s se ke ndò nə shîŋə̀kè ə kwəyn kə È ndo fâ mbi ə È ndu sê Pɨ̀a Vəyn. È tè nyîə kɔ̂ŋɔ̀ ə̀ghɨ ə mbi ghɛ ə ghe tè pomə sê Vəyn, È və tyə̀ynə̀ èkɔ̂ŋ ə vəyn sê ghənə se nduə fɨ ə kwùŋse.