Njɔyn 13:9 - Ŋwàʼlè ə̀ Fèzhə̀ Mkâyn Mə̂ Fèm

⁹ Shimuyn Pità ə ke pì nə, “Ə zho e nyi za ə Pɛ̂, kə ò shu ke ə̀ghol ghɨmə, shuə kəpî gho ghɨmə è tu kɨmke!”

Njɔyn 13:9 Referans Kwoze

1 Pità 3:21

Mô nə mɨ̂yn tyəm kə mmo mɛ ə ghàyn fiə ndâyn, m̀ sɔzâ kəpî ghàyn; fiə mmò nə zɨ̂yn vachi se shuə tsɨ̀sè eliŋ ewìynze pîza ə̀ nyi etsɨ̂nè zɛ ə ghâsènì tsɨ̀nè sê Zhə̀fè mə təm ə ghasènìghe saʼa va ghâsènì. Fi mmò nə zɨ̂yn sɔ̀zâ ghàyn tɔynə̂ ezômə̀ ə Njisə̀s Klâyszè.

Ipilù 10:22

Kə ze nyi nyî, ə ghâsènì pəyn paʼsê ə Zhə̀fè ə ngwùŋ è təm ə səmɔʼghe, èkyî epomə̂ ə səmɔʼze, è təmghe mə ə shù zosê ə tə̂ ghɛ ghɛ ə ghe saʼa ghâsènì, è wîyn mə ghasènîəm mə ə shù ə mmò mə̂ èzomè.

Matyò 27:24

Kə Paylɛ̀t tè fe nə ə̀ nyi e njìsè ashìŋə̀zè sə pfɨftə̂ ə̀ghɛ se ghənə fânə̀ nə ghɨ ətə kaʼa ghɨ pəyn ènôzè, è və njìə eluʼ mmòve ə shùə ə̀gho ə vəynghe ə nɔ̂ynkè əshi, ə pìə nə, “M kyi va ghɛze kûmə̀ èkwu ə wùə vɨ̂ynəze. Ə̀ ke ke ghàyn.”

Njɔyn 13:8

Shimuyn Pità ə kwiynsə̂ ə pìə nə, “Ò nə shuə va ghol ghɨmə nâʼà tuʼ fife.” Njisə̀s ə pìə sê vəyn nə, “Ə M va se shù əghôl ghɛ, ə o fɨyn va chùmtè èpàm zɨ̂mzè.”

Njɔyn 13:10

Njisə̀s ə pìə nə, “Pindè vɛ ə è nyi mə è və kàynè shu wiynve, è fɨyn kyi va se shùə ewiyn ekɨ̂m, ə̀ tsɛ̂ kə va gholə. Ghàyn nyîə zo zôyn, pîza zo va əkɨ̂m.”