Njɔyn 11:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Chùmtè èpàm sə vəynsə ə tɔŋtə̂ tso vəyn ə pìə nə, “Tyə̀ynsè, ə̀ tè kwùʼte nyi ke nyi ghɨə Njûs ghe kyiŋə se tɨmnə̂ ghô è chîə, Ò pa pɨaʼtə̂ kəpî se fɨnə ndù fumə?”

Njɔyn 11:8 Referans Kwoze

Njɔyn 10:31

Ghɨ nə ghɛ ə se fɨnə komtə̂ əchi se tɨmnə̂ vəyn ətəyn.

Njɔyn 8:59

Ə pə̀ kə ghɨə tə zɨ zamə, ghənə ə komtə̂ ə̀chi se tɨmnə̂ Vəyn ətəyn, pîza Njisə̀s ə ndə̀ytə̀ ngɨŋə̂ Vəyn ə ndò fu ə Ndɛ Ètsə̀mə.

Njɔyn 10:39

Ghənə ə mɔ̀msə̀ kwəynsə̂ se kyîə ə Njisə̀s, pîza È və ndinə fɨə ə ghənə gho.

Ətefɨ̂aʼ 20:24

Pîza m njiə pi va ndam zɨme nâʼà sə eghɛ zhîze, kè ezhoghɛ m mɨsè nyɨŋ nə zɨ̂yn, ə mɨ̂sə̀ àfɨaʼ kɛ ə Pɛ̂pɛ Njisə̀s nyi mə è və fo se Mi, mə ə̀ nyì se ndàʼà ə tom èchùŋ kûmə̀ àfùʼ kɛ ə Zhə̀fè kyi sê ghɨghe.

Matyò 23:7

Ghənə kɔ̀ŋɔ̀ nə ə tɔŋtə̂ ghənə è kɔʼsêzè ə telùʼ tə ezhɔynte è kɨsè nə ghɨghə tɔŋtə̂ ghənə nə, ‘Tyə̀ynsè.’

Matyò 23:8

Pîza kə ghàyn za nə ə tɔŋtə̂ ghàyn nə, ‘Setyə̀ynsè’ kûmə̀ nə ghàyn kyi ke tyə̀ynsè èmɔ̀ʼ, mə ghàyn əkɨ̂m nyi əghɔnyì ə Və.

Njɔyn 4:31

Ə̀ tè nyi mə chùmtè èpàm sə Njisə̀sè chyatə̂ Vəyn pîə nə, “Tyə̀ynsè, zhi fɨake.”

Njɔyn 11:19

mə ghɨə Njûsə̀ se tsɨ̀ ə pə̀yn se fe Maltà yî Mèli se pì nə ghənə kol təmə kə ànyìə ghənə̂ kwu.