Ipilù 9:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Fɨa vîve tè tyəm etùə àntayntayn nə kɨ̂yn èpɨ̀a kə Zhə̀fè Pom kyi tèghɛ. Ve tè nyì fumə se tyə̀yn nə Zhə̀fè nyiə nyi fumə elùʼ, ghɛ tə ghənə̂tè tè nyi mə tə kɨyte luʼ vɛ ə tè lɛ̀sə̀ fo sepi sə ghɨ̀sè ətəyn. Pîza ə̀ zo vachi àshîŋə̀ se piə paynse əghɛ nə ghɨ̂yn ə̀kɨ̂m.

Ipilù 9:5 Referans Kwoze

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ɛfesùs 3:10

ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

Ŋwàʼlè ə̀ Pɔ̂l sê ghɨə Lûmghè 9:4

Ghɨ ghɨm nə ghɨ̂yn nyi əghɨə Isìlây ghɛ ə Zhə̀fè tè njì sə Vəyn ə ghɔyn se tyə̀ynə paynsê epomsê ə Vəyn sê ghənə. Ə zhiə mkâyn yî ghənə ə fɨnə fo alàŋ ə Vəynke sê ghənə. È və tə chwìtè se ghənə kə ghənə kyi sə̂ ngɨmnə̂ Vəyn, ə̀ nyi se ghənə ə È tè pi nə zhi tə nə̂ èghɛ se ghənə, mə È tə nə̂.