Ipilù 9:12 - Ŋwàʼlè ə̀ Fèzhə̀ Mkâyn Mə̂ Fèm

¹² Klâys tè paʼà njì ndəm mə nyàm nyiə kə pfɨ kɨ̀sə nyàm ə̀ mbɔ̀lɔ se nji è mənə̀m Elùʼ eŋwaʼ engaŋtə kwəynəve. È tè pɨl nji ke mndəm mə Və̂ynmè ə nji fu, shîŋə̀ze èmɔ̀ʼ, ə zhɔnə àtuə ghasènìke kè eshîŋə̀.

Ipilù 9:12 Referans Kwoze

Ipilù 10:4

E nyi nyî kûmə̀ nə ndə̂m mə sèmbɔŋə̂m è ndə̂m mə sèpfɨm vayn kàʼa m kəʼsê pisə wûəsè.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

Ɛfesùs 1:7

Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Etyə̂yn ə paynsêzè 1:5

è kɨsè sê Njisə̀s Klâys ə vɛ ə è tsà kə ghɛ zɛ ə è fe. Ə̀ nyi wùə ə shi vɛ ə tè zòmse ekwu, ə̀ nyi kepî vəyn vɛ ə è nyi fɔ̀yn se fɔ̂yn tə mbi tekɨ̂m. È kɔ̂ŋɔ̀ ghâsènì, mə tɔynə̂ ə vəyn ekwu, e və sɨsə̀ m̀ndəm mə Və̂ynmè se sɔzà ə ghâsènì ə ghâsènì ə sepi,

Ipilù 10:19

Ghâsènì ke ndô zôyn səmɔʼ ə ghɔnyìə ghɨmə nə ə tə njiə Eluʼ Eŋwaʼ Engaŋtə Kwəynəve kûmə̀ m̀ndəm mə Njisə̀sə̀m.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Ipilù 7:27

È vachi kə ghɨ kɔʼsə nə eshyə̀ engaŋtə kwəynə ə mɔ̀ʼɔghe ə ghe tè kyi sə̂ fo tèfo kûmə̀ sèpi sə ghənə̂sè tuʼmè m̀kɨ̂m, tsɔ̀fə se fɨnə fo kûmə̀ sepi sə ghɨ̀sè. È tè fo efo shîŋə̀ze emɔ̀ʼ ze ə kɨlə sèpi sə ghɨ̀sè sekɨ̂m, mə za nyi ngɨŋə̂ vəyn kə è fo.

Ipilù 9:13

Ə̀ tè nyi sə shi, mə wùə zo va endom endam endaʼze, ə njìə mndəm mə pfɨm è mə nyàm ə̀mbɔ̀lɔʼmè e ndômə̀ ə fɨnə njìə àpfɨchia ə va nyàmkè kə ə nyɔ̂ʼɔ̀ ə wàŋtə̀ ə vəyn ewìyn. Ə ghənə nə̂yn nyi, ze ə shùə ghənə ə nə̀ nə wîyn mə ghənə̂ mè ə zo ə pɨəyn.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

1 Tèsàlonikà 1:10

Ghənə ə fɨyn tsayn kə ghàyn lɨmtə nə Va Fèzhə̀ tə kɛse pəyn ekwùtwəyn. Ə və zòmsè Njisə̀s nə vɨnə mə, è vɛ è sɔ̀zâ ghâsènì ə Zhə̀fè enyɔ̀ʼsè etɔŋ vɛ ə ve tə pɔynsə ghɨ ghɛ ə ghe nə̂yn pi.

Kòlosè 1:14

Zhə̀fè ə lɛ̀sè fo pisə ghasènìse kûmə̀ nə Va ə vəyn ə zhɔyn tuə ghasènìke è ndə̂m mɛ ə è tè sɨ̀s awâmnè.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Ŋwàʼlè ə̀ Mâk 3:29

Pîza mə ə sòylè pîndè Zuʼse Ŋwaʼase, ə tə tàʼa fɨnə lɛ̀sə fo vəyn. È və nə̀yn pi mə ə vayn kàʼa tə lɛsè fo.”

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ipilù 9:7

Pîza ə̀ tè njiə kə wùə èkɔʼsə nə̂ èshyə̀ engaŋtə kwəynə ə apfɨ̀ə əfètəynke, nə̂ zɨnə mə kè shîŋə̀ze mɔ̀ʼ ə pîŋ. È tè piə è njiə ndò, è və njìə m̀ndəm mə nyàmə̀m se njiə fo sê Zhə̀fè kə fe lɛse fo sèpi sə vəynse è pi sə ghɨ mɔ̀ʼɔ sɛ ə ghənə nyi mə ə nə̀yn pi, keva nə ə nə̂ pi.

Tom èchùŋ kè kə Lûk tè nyaʼ 1:68

“Tsîtèzè nyì sê Zhə̀ fə ghɨə Isìlâyfè kûmə̀ nə fe ə pə̀yn se naynə̂ əghɨə fəynfe, se fɨnə zhɔnə atu ə ghənəà

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.

Ipilù 9:19

Ə̀ tè nyi kə Mosîs tsàyn lwɔ̂ŋvè ekɨ̂m vɛ ə Zhə̀fè fo sê ghɨghe əkɨ̂m, è və tsɨ̀ə ngɔyn ə fekàʼ fə isòpfè mə ə kol paʼsê è leshì ə paŋəke mndəm mə sènyàm sə mbɔ̀lɔʼ se ndômə̀sè è mə sèpfɨm mə ə fiəs è môm ə wə ŋwàʼlè Àlâŋ ətəyn ə fɨnə wə ə̀ghɨ ətəyn.

Ipilù 13:12

E za nyi kepî èghɨ kə Njisə̀s tè fe tsôsvè ə kwuə etipì ə tɔ̂ŋ èghaʼâ ə̀ Njèlusalɛ̀m, kə è shu zosê sèpi sə ghɨ̀sè è ndə̂m mə Və̂ynmè.