Ipilù 9:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Pîza Klâys nyi mə è və pə̀yn. È nyi wùə èkɔʼsə nə èshyə̀ èngaŋtə kwəynə vɛ ə è pə̀yn è ghɛə chûŋ ghɛ ə ghâsènì kyi zôyn. È fɨaʼà fepfɨ̀ə fe kɔʼnə̂ fɨnə kwəynə̂ mɨ̂sə̀ tsɛ fɛ ə ghɨ èkɔʼsə nə eshyə̀ ə mbi ghɨnə fɨ̀aʼà ətəyn. Luʼ ətəyn nyi mə pâʼà fɛte wùə m̀sɔ̀ŋ, ə̀ vachi àpâs ə mbi kɨ̂nə̀ ə Zhə̀fè tè pom.

Ipilù 9:11 Referans Kwoze

2 Kolìŋ 5:1

Ghâsènì nyiə ke nə pfɨ̀ə kɨnə ə ghâsènì ndamə ətəyn fayn ə mbi mə za nyi ewiyn ə ghasènìve, ezhoghɛ ə sâʼ tsɨ̂se, ə Zhə̀fè fo ndɛ sê ghâsènì ekwùtwəyn ndɔ̀ʼɔ pom è ghoghe, è nyi se ndamə faŋ.

Ipilù 10:1

Lâŋ ə Mosîskè tè nyi ke anyɨ̂ŋsè eghɛ èchùŋ zɛ ə ze tè nyi se tə pə̀yn. Ə̀ tè nyi ke ànyɨ̂ŋsè afɨa echûŋ kɛ ə ke tè kyi se pə̀yn, ə̀ ndɨŋ vachi àfɨa ətəynke. Kûmə̀ nə ə̀ kɨnə mə tè nyì ke ànyɨ̂ŋsè, ghɨ tè fo zɔmtə̂ tèfo sê Zhə̀fè kè ə pîŋ ə pîŋ, fo nə tɨnə mə tè vayn kàʼa te nəyn nə ghənə ghɛ ə kyiŋə sə̂ kɔʼsə̂ Fèzhə̀ ə kwəynə̂ mɨ̂sə̀.

Ŋwàʼlè ə̀ Mâk 14:58

“Ghàs tè zɨ kə è pìə nə, ‘M nə̀ pɨ̂sə̀ Ndɛ Ètsə̀mə zɨ̂yn ə pɛ è gho nyî, ə m kɛse pɛ zə̂ndò ə mtuʼ mta, mə paʼà pɛ ègho.’”

1 Njɔyn 5:20

Ghâsènì ke kepî ndò nə Va Fèzhə̀ ə tə pə̀yn ə mbi, ə zaʼlə ghâsènì kə ə ke Fèzhə̀ fɛ ə Fe nyi səmɔʼ, ə ghâsènì ə tsɨ̂yntè nyi sə afɨa àmɔ̀ʼ, kûmə̀ nə ghâsènì nyì sə afɨa àmɔ̀ʼ è Vâ Vəyn Njisə̀s Klâys. È nyi Fezhə̀ fɛ ə fe nyi səmɔʼ, fo èndam zɛ ə ze tə mîə va.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ətefɨ̂aʼ 7:48

Pîza, Zhə̀ fɛ ə fe ngaŋtə kwəynə, ndamə va ə sendɛ mə ə̀ pɛ əghɨ kè kə Fɨ̀aʼtè pì nə Zhə̀fè pi nə,

2 Njɔyn 1:7

Ghɨə akaŋ ghə fɨ kwîə tsɛ̂ ə mbi, tsɨ̀ə kə nyi, pomə̂ va nə Njisə̀s Klâys ə tə pə̀ ə chi ewiyn ə wûəvè. Nâʼàpî ndè əfètə̂ ə̀ ghɨ nə ghɨyn nyi pàyn ə Klâys, lesə̂ əghɨ.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Njɔyn 4:25

Wùzhɔyn ə̀təyn ə ke pì sê vəyn nə, “M ke ndô nə vɛ ə chɔʼ ndə̂m tə pə̂ ndò se tsâ paynsê əghɛ ə̀kɨ̂m sê ghâsènì.”

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

Ipilù 7:1

Mèlkisendèk nə vɨnə tè nyi fɔ̀yn ə Salèm fɨyn nyi kepî wùə èkɔʼsə nə̂ èshyə̀ ə̀ Fezhə̀ fe ngaŋtə kwəynəfe. Ə̀ tè nyi kə Aplàghâm səʼ tɨm eghɔ̀ŋze yî ghɨ vəynghe ə ndùə tɨmə zhiə tefɔ̂yn tèkyàʼ, ə kɛse piə kwɨlə̂ ndò, Mèlkisendèk ə fe vəyn endom ə pɔsə̂ vəyn.

Ipilù 4:15

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Matyò 11:3

È və pìə nə ghənə pfɨf sê Njisə̀s nə, “Tsàyn sê ghàs” Ə̀ nyì ghô vɛ ə Zhə̀fè tè pi nə è nə̀ tomə ndò mə ghàs ə lɨmtə̂ wùə ndò ə?

Matyò 2:6

‹Sê ghàyn ə ghɨ Petlɛ̀ghemə̀, ə mchi mə Njondàmè, tə̀ʼ zâynzè nyi tə̀ʼ èkɔʼnə èmɔ̀ʼ ə fètə̂ sètə̀ʼ endaʼa Njondàzè. Kûmə̀ nə wùə tə fɨə ə ghàyn əfètəyn, ə è və nyi àtu sê ghɨ ghɨmə ə Isìlây.›”

2 Kolìŋ 4:18

Nyiəmə ghàs ndə̀mə̀ va təm ghasghe efɨa vɛ ə kaʼa fe è shiə, ghàs pɨlə ndə̂mə̀ ndûə èfɨa vɛ ə vayn kàʼa fe, kûmə̀ nə fɨa vɛ ə fe ndamə kə sə fendîŋə̀ fə ashìŋə̀fè, pîza vɛ ə fe va tə ndamə faŋ.

Ipilù 12:27

Se pì nə è nə̀ fɨnə “Nə̀ʼsə̀ kwəynsə̂” mbi tyə̂nə̀ ə ndayn nə nâʼàpî akè kɛ ə fɛte, ə nə̀ nə̂ʼsə̀ ə chɔʼ, ə fɨa vɛ ə vayn kaʼa nəʼse faŋ.

Ipilù 13:14

Ghâsènì nyiə ke nə tɔ̂ŋ èghaʼâ zhîzè va fâ mbi ə è tə ndamə faŋə mə nyi zə ghâsènì. Ghâsènì pa naynə̂ ndûə ndò tɔ̂ŋ èghaʼâ nə zɛ ə è nyì se tə pə̀yn.