Ipilù 8:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Fɨ̂aʼ zɛ ə ghənə tè nə kə ghɨ ə kɔʼsə nə eshyə̀ghè nyi kə anyɨ̂ŋsè ə eghɛ zɛ ə ze nyi ekwùtwəyn. Ə̀ za nyi eghɛ zɛ ə Zhə̀fè tè fo fɨ̀as sê Mosîs etuʼ vɛ è tè kyiŋə se pɛ fendɛ fɛ sê Zhə̀fè. Fe ə pìə sê vəyn nə, “Tɔ̀ʼne se fe nə ò fɛte nəyn nâʼàpî èghɛ èkè kè endom vɛ ə tè tyə̀yn sê ghò etûə pfɨ̀yn.”

Ipilù 8:5 Referans Kwoze

Kòlosè 2:17

Nâʼà èlwɔ̂ŋ ətəynve ekɨ̂m nyì ke enyɨ̂ŋsè vɛ ə ve tyə̂nə̀ ghɛ ə chûŋ ghɛ ə Zhə̀fè tè kyi se tom, ə̀ nyi Klâys ə è lwiynse ghɛ ətəynghe.

Ipilù 10:1

Lâŋ ə Mosîskè tè nyi ke anyɨ̂ŋsè eghɛ èchùŋ zɛ ə ze tè nyi se tə pə̀yn. Ə̀ tè nyi ke ànyɨ̂ŋsè afɨa echûŋ kɛ ə ke tè kyi se pə̀yn, ə̀ ndɨŋ vachi àfɨa ətəynke. Kûmə̀ nə ə̀ kɨnə mə tè nyì ke ànyɨ̂ŋsè, ghɨ tè fo zɔmtə̂ tèfo sê Zhə̀fè kè ə pîŋ ə pîŋ, fo nə tɨnə mə tè vayn kàʼa te nəyn nə ghənə ghɛ ə kyiŋə sə̂ kɔʼsə̂ Fèzhə̀ ə kwəynə̂ mɨ̂sə̀.

Ipilù 9:9

Zɨnə nyi chwìə kûmə̀ mbi ə̀ zôyn nə, fote è nyàm sɛ ə fo sê Zhə̀fè vayn kàʼa te nəyn nə təm ə ghɨ ghɛ ə ghe ngɨmnə Zhə̀fè ə saʼa va ghənə.

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ipilù 11:7

Ə̀ tè nəyn ekyî epomə̂zè nə Nuwà zɨ fɨ̀as zɛ ə Zhə̀fè tè fo kûmə̀ əghɛ ghɛ ə ghe nyi se tə kyàyn ndɔ̀ʼɔ è nyiəm fe è shize. Nyiəmə ə pofsə̂ mbi, Zhə̀fè ə njìə Nuwà sə wûə chichi kûmə̀ èkyî èpomə̂ ə vəynze.

Ətefɨ̂aʼ 7:44

Shìtifɨ̀yn ə kwəynsə̂ ə pìə nə, “Ghə̀pɨ̀a ə ghâsènì ghəshiə tè kyi fe pfɨ̀ə fîfe, fe tyə̂nə̀ nə Zhə̀fè nyi ə ghənə əfètəyn elùʼ ashəshəve. Ə tè pɛ fepfɨ̀ fə təynfe kè endom vɛ ə Zhə̀fè tè tyə̀yn, nə Mosîs pɛ ətəyn.

Matyò 2:12

Ghənə ə kɛsə̂ kwɨlə̂ ə ghənə endaʼ ndomve endom ə ndôvè kûmə̀ nə Zhə̀fè tè pì sê ghənə ə tsəm nə kə ghənə kɛse ndu sê fɔ̀yn Ɛlɔ̀t.

Ipilù 13:10

Ghâsènì nyiə kyi àlaŋ ə kɔʼsə nə eshyə̀kè, ghɨə èkɔʼsə nə èshyə̀ ghɛ ə fɨaʼà elùʼ ə ghɨə Njûs ve ngɨmnə teshyə̀vè kyi va tyaʼa se zhi efo zhîze ə ghâsènì etûə àlaŋ ə kɔʼsə nə teshyə̀kè.

Etyə̂yn ə paynsêzè 15:5

Epàm ə zɨnə mə, mə fe ndɛ ètsə̀mə ekwùtwəyn mə è za tyəm sə atu ə fepfɨ̀ kɛ ə ghɨ ə Isìlâyghè tè pɛ elùʼ ashishive se ndə̀m elwɔ̂ŋ ə Fezhə̀vè ətəyn èghɨm. Chondɛ ndɛ ètsə̀mə ə̀təynve tè nyi mə ə chwìə.