Ipilù 8:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Sə̂ tɔŋtə̂ m̀kâyn mɨ̂nə̀ nə, “me èfemè”, endom nə vɨnə mə, è nə̀ nə ə mə shîmè mɨse; mə nâʼàpî àkè kɛ ə ke mɨsə, pofə, ə ke tə môtè ke nyi ə ke saŋ.

Ipilù 8:13 Referans Kwoze

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ipilù 9:15

Ə̀ za nyi eghɛ ze ə Klâys nyi wùə vɛ ə è pɨaʼte kâyn me fɛ̂m se nə̀yn nə ghɨ ghɛ ə Zhə̀fè tɔŋɔ kyi pɔsê endamə faŋə zɛ ə fe tsɨ̂nè. E nyi nyî kûmə̀ nə Klâys ə tə kwu se sɔza əghɨ ə sepi sɛ ə ghənə tè nə̂ ə shɨŋ zɛ ə kàyn mə èmɨmè tè pa kyi àtyaʼ.

1 Kɔlìŋ 13:8

Kɔŋè mìə tsɛ̂ va, pîza tom sɛ ə fɨ̀aʼtèsè fo nyi ke sə fendiŋə̀ fə ashìŋə̀fè; ghɨghe e wâmnə̀ tèwâmnè mə ə paʼà zaʼlê pîza mə te nə mîə; ghɨghe e kyi kepî ètɔf pîza mə ze tə pə̂ tsɛ̂.

Matyò 24:35

Kwutwəynve è chike tə tsɛ̂ ndô pîza, ghɛ zɨme tə ndamə faŋə kə ndò.

Tom èchùŋ kè kə Lûk tè nyaʼ 22:20

È və fɨnə nə kəpiə zamə è wà mlɨ̂ kə ghənə zhi mɨ̂sè e piə nə, “wà zɨ̂yn nyi wà mkàyn me fɛ̂m kə Zhə̀fè kɨl endəm mə̂m mɛ ə m sɨs sê ghàyn.)

2 Kolìŋ 3:6

Ə̀ nyi Vəyn kə è nə̀yn nə ghàs ə kɔʼɔ kwəynə̂ sə ndaʼà kûmə̀ m̀kâyn me fɛ̂m, ə paʼà nyàʼ chi kàyn me fɛ nə mɨ̂nə̀ mə ə ŋwàʼlè kə ə nyâʼə̀ lâŋkè, pîza ə̀ nyi Sezuʼ. Lâŋ kɛ ə nyi mə ə nyaʼ ndô nyîə zhwiə, pîza Zuʼse fo èndam.

Ipilù 1:11

Fɨa nə vɨ̂nə ə ò tè fɛte e nyi se tə tsɛ̀. Fɨa ətəyn tə twinə̀ kəpi kə sendzɨs, pîza ə o faŋ:

Ipilù 7:22

Kûmə̀ èkâyn nə zɨnə ə Zhə̀fè nə̀yn nyî, Njisə̀s nyi wùə vɛ ə è nə̀ nə kàyn mə etsɔ̀fə nə mɨ̂nə̀ mə kyayn.

Ipilù 8:6

Pîza zôyn, ə nyi mə ə fo fɨ̂aʼ ə wûə èkɔʼsə nə̂ eshyə̀zè sê Njisə̀s, ze ngaŋtə̂ tsɛ̂ zə ghənə̂zè, kè kə kàyn mɛ ə è tè fɛte sê Zhə̀fè è ghɨə Fezhə̀ghè tè tsɔ̀fə tsɛ̂ mə èmɨmè, kûmə̀ nə kàyn mə təynmè zaʼnə̂ etsɨ̀nè əghɛ ghɛ ə ghe tsɔ̂fə̀ tsɛ̂ kəpî.

Ipilù 8:8

Pîza Zhə̀fè ə tə ghàm ghɨə vəynghe kə fe pî nə, “Pɛ̂pɛ pi nə Shîŋə̀kè pə̂ ndò, kə m tə zhi m̀kâyn me fɛ̂m ghasè ghɨ ə Isìlâyghè è ghɨ ə Njòndyâghè.

Ipilù 12:24

Ghàyn ə pə̀yn sê Njisə̀s vɛ ə è tè pɨaʼte kàyn mə èfɛ̂m. Ghàyn ə pə̀yn ə mndəm mə Njisə̀s mɛ ə tè wə mə ə m̀ tsɨ̀nə̀ fɨa echûŋve tsɨ̂ə tsɛ̂ àfɨa kɛ ə ndə̂m mə Apɛ̀lmè tè tsɨ̀ne.