Ipilù 8:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ghɛ zɛ ə ghàs paynsə̂ pîə nyi nə ghâsènì nyiə kyi wùə èkɔʼsə nə eshyə̀ engaŋtə kwəynə nyiə kə vɨ̀nə mə, vɛ è tsɨs ə ekɔyn etwɔ ə fekyə̀ fə efɔ̀yn ə Fezhə̀vè ekwùtwəyn.

Ipilù 8:1 Referans Kwoze

Kòlosè 3:1

E nyi zôyn kəpi, kə Zhə̀fè zòmsè Klâys, ghàyn ə zômə̀ kepî ghâyn ghə̀ vəyn. Nyiəmə, ghàyn e kyi ə̀təm efɨa vɛ ə ve nyi ekwùtwəyn, eluʼ vɛ ə Klâys tsɨs ə və fekyə̀ fə efɔ̀ynfè ə Zhə̀fè ekɔyn etwɔve.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Etyə̂yn ə paynsêzè 3:21

Ə̀ nò zhi pîndè, ə m fo vəyn è tyaʼke nə è tsɨsə ə mì etipì, ə mì ə fekyə̀ fə efɔ̀ynfè. Kè kə M se nyi mə mə nò ə zhiə sè tsɨs zôyn ə Pɨ̀a vɨ̂mvè etipì, ə Vəyn elùʼ efɔ̀yn.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Ipilù 10:12

Pîza Klâys tè fo ngɨŋə̂ vəyn sə efo shîŋə̀ze emɔ̀ʼ ə njìə tsɨsə̀ sèpi sə ghɨ̀sè sə teshìŋə̀ tèkɨ̂m, zamə è və tsɨsə apàs ekɔyn e twɔ ə Fezhə̀kè.

Ipilù 1:13

Zhə̀fè tè paʼà pì sê tsì vəyn vîvè nə: “Tsɨsə apàs ekɔyn twɔ kɨmke se zaʼâ kə m nəyn ə pàyn sɛse ə nyi afɨa kɛ ə ghɨə tɔmtə gholə ə ghənə̂ghè ətəyn, kə ò tɔmte ghol ghɛghe ətəyn.”

Ɛfesùs 6:20

M nyi mə tom nə m pəyn ə mə ndâʼà tom èchùŋ nə zɨ̂yn nâʼà pî kə m nyi zôyn ə chaʼ. Ghàyn tsə̂m nə mə tsâ kè kə m kyi sə̂ tsâ, fànə̀ va fɨake.

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Ipilù 3:1

E za nyi nə ghàyn kyi se fɛtə̂ ndə̀mə ekwâʼtè zaynze sê Njisə̀s ə ghɔnyìə ghɨm ghe Ŋwaʼa ghɛ ə Zhə̀fè pɔŋ tɔŋɔ nə ghàyn ə nyi ə̀ghɨ vəynghe. Ə̀ nyi vəyn vɛ ə ghâsènì njì kə wùətom ə̀ ghâsènì è wùə èkɔʼsə nə èshyə̀ èngaŋtə kwəynə.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.