Ipilù 7:21 - Ŋwàʼlè ə̀ Fèzhə̀ Mkâyn Mə̂ Fèm

²¹ pîza ə piə è ndə̂mə̀ vɨnə mə, ə kàyntə̀ pîə nə: “Pɛ̂pɛ ə kàyn, va se kwiynê ekwâʼtè ə vəynze ə pìə nə: ‘O faŋ sə wùə èkɔʼsə nə̂ èshyə̀ sə teshìŋə̀ tèkɨ̂m.’”

Ipilù 7:21 Referans Kwoze

Ipilù 7:17

Ə nyàʼ kûmə̀ vəyn ə Ŋwàʼlè ə Fèzhə̀ nə: “Ò nə̀ faŋə sə wùə èkɔʼsə nə̂ èshyə̀ sə teshìŋə̀ tèkɨ̂m, kèpî endom vɛ ə Mèlkisendèk tè nyi ətəyn.”

Ŋwàʼlè ə̀ Pɔ̂l sê ghɨə Lûmghè 11:29

Zɨnə mə nyi nyî kûmə̀ nə ə Zhə̀fè chite wùə ə pɔsə̂ vəyn, fe vayn fɨnə kwiynê ətəm ə vəynghe.

Ipilù 5:6

Fə tè pì kepî elùʼ vîve nə, “O nə̀ faŋə sə wùə èkɔʼsə nə èshyə̀ sə teshɨ̀ŋə̀ tèkɨ̂m, kèpi endom vɛ ə Mèlkisendèk tè nyi wùə èkɔʼsə nə̂ èshyə̀ ətəyn.”

Ipilù 7:20

Zhə̀fè tè piə è tsɨ̀nə̀ èghɛ nə zɨ̂yn ə pìə zəynze se ekàyntè. Kə è tè ndə̀mə ghɨə mɔ̀ʼɔghe sə ə̀ghɨ̀ ə kɔʼsə nə eshyə̀ghè, Fe tè pâʼà nə̀yn kâyntèzè,

Ipilù 7:23

Sənɨŋ ə̀mɔ̀ʼɔ̂ fɨyn nyi nə, ghɨ èkɔʼsə nə eshyə̀ tè nyiə tsɨ̂ə sə shi kûmə̀ nə ə tè ndə̀mə wùə sə wûə èkɔʼsə nə èshyə̀, è və tə kwu ə za èfɨaʼ ə vəynze.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.