Ipilù 7:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ə tè paʼà ndə̂m vəyn sə wùə èkɔʼsə nə èshyə̀ tɔynə̂ elwɔ̀ŋ ə ghɨ̀vè pîza tɔynə̂ atyaʼ endam zɛ ə ze tə mîə va.

Ipilù 7:16 Referans Kwoze

Kòlosè 2:20

E nyi zôyn kəpi ghàyn ə kwu paʼse ghâynghə̀ Klâys. Nyiəmə lwɔ̂ŋ ə mbive fɨyn kyi va tyaʼke ə ghàyn ətu. Ə̀ nəyn ghe nə ghàyn ə pa chûmtə̀ èlwɔ̂ŋ nə vɛ mə kəpiə mbi fɨyn kyi ndò tyaʼke ə ghàyn ətuə?

Etyə̂yn ə paynsêzè 1:18

ə vɛ ə È Fo Ndamze, mə tə kwu, zôyn, fekə m nyîə ndamə nâʼà kə ghè tə ghayn. M nyi vɛ È ə è pì nə zhi tè kwu ə kɛsə̂ sè ndamə, nyi sə̂ nyi ke ndò sə teshìŋə̀ tekɨ̂m! Zôyn m kyi ndô tyaʼke se chɔʼ eluʼ vɛ ə ghɨə kwuəghe nyi ətəyn se nə̀yn nə ghənə kɛse pəyn endam.

Ipilù 10:1

Lâŋ ə Mosîskè tè nyi ke anyɨ̂ŋsè eghɛ èchùŋ zɛ ə ze tè nyi se tə pə̀yn. Ə̀ tè nyi ke ànyɨ̂ŋsè afɨa echûŋ kɛ ə ke tè kyi se pə̀yn, ə̀ ndɨŋ vachi àfɨa ətəynke. Kûmə̀ nə ə̀ kɨnə mə tè nyì ke ànyɨ̂ŋsè, ghɨ tè fo zɔmtə̂ tèfo sê Zhə̀fè kè ə pîŋ ə pîŋ, fo nə tɨnə mə tè vayn kàʼa te nəyn nə ghənə ghɛ ə kyiŋə sə̂ kɔʼsə̂ Fèzhə̀ ə kwəynə̂ mɨ̂sə̀.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.

Ipilù 7:3

Ə paʼà tsàyn ə ŋwàʼlə̀ Fezhə̀ nə pɨ̀a vəyn tè nyi nde ə, nyìə vəyn e nyi ndè ə. Ə pâʼà pì pî ghɛze kûmə̀ ghə̀pɨ̀a vəynghe, ə tàʼa pi eghɛ kûmə̀ ètuʼ vɛ ə tè piə vəyn ətəyn, e vɛ ə è tè kwu ətəyn. E za tyə̀nə̀ nə è və faŋ sə wùə èkɔʼsə nə èshyə̀ sə teshìŋə̀ tekɨ̂m kèpî kə Va Fèzhə̀.

Kòlosè 2:14

È nyi kəpiə è və zə̀s tsɨsè pi sə ghâsènì sekɨ̂m elùʼ vɛ ə è tè nyaʼ. E tyə̂nə̀ nə pi ə̀təyn fɨyn va. Zhə̀fè ə payntê pi ə̀təyn awâmnè, kè kə è paynte Klâys awâmnè, è ve kwu.

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ipilù 7:21

pîza ə piə è ndə̂mə̀ vɨnə mə, ə kàyntə̀ pîə nə: “Pɛ̂pɛ ə kàyn, va se kwiynê ekwâʼtè ə vəynze ə pìə nə: ‘O faŋ sə wùə èkɔʼsə nə̂ èshyə̀ sə teshìŋə̀ tèkɨ̂m.’”

Ipilù 7:17

Ə nyàʼ kûmə̀ vəyn ə Ŋwàʼlè ə Fèzhə̀ nə: “Ò nə̀ faŋə sə wùə èkɔʼsə nə̂ èshyə̀ sə teshìŋə̀ tèkɨ̂m, kèpî endom vɛ ə Mèlkisendèk tè nyi ətəyn.”

Ŋwàʼlè ə̀ Pɔ̂l sê ghɨə Lûmghè 7:14

Ghâsènì nyiə ke nə Lâŋ kɛ ə ghâsènì wàmnə̀ kûmə̀ kəynke nyi afɨa ə sezuʼ. Pîza m nyi wùə m̀sɔ̀ŋ. M nyi kə wùə ə pəʼle etyə̂ pi kə akɔ̂s.

Ipilù 7:15

Ghɛ ətəynze fɨyn tɔʼ payn kûmə̀ nə wùə èkɔʼsə nə̂ èshyə̀ ə̀ ndò ə pəyn nyi kepî kə Mèlkisendèk.

Ipilù 9:14

Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.