Ipilù 7:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Zhə̀fè tè fo Alâŋ ə Mosîskè sê ghɨə Isìlâyghè tɔynə̂ əghɨ èkɔʼsə nə eshyə̀ ə ngwàʼ esas ə ndɛ ə Levìzè. Nyiəmə, ə̂ tè nyi nə fɨ̂aʼ əghɨ̀ èkɔʼsə nə eshyə̀ ə ngwàʼ esas ə ndɛ ə Levìzè tè nyi kə ze ə kwəynə̂ mɨ̂sə̀, mə ghɛ zhîze tè paʼà nə̀yn nə kyì ə wûə èkɔʼsə nə èshyə̀ ndò pəyn, ə wùə èkɔʼsə nə èshyə̀ esas ə ndɛ ə ghɨ̀ə èkɔʼsə nə eshyə̀ghè e tɔŋtə̂ nə Mèlkisendèk, ə̀ vachi esas ə ndɛ ə Ɛlɔ̀tzè.

Ipilù 7:11 Referans Kwoze

Ipilù 8:7

Ə tè nyi nə kàyn mə shiə mə kyi va ləʼke, mə Zhə̀fè tè paʼà fɨyn zhi kômte mkàynkè yî ghə̀ ghɨghe.

Ngàleshyà 2:21

M vayn kàʼa m kwiynse fùʼ ə Fezhə̀kè. Pîza ə wùə nyi chichi yî Zhə̀fè kûmə̀ kə nə è ndə̀mə̀ Àlâŋ, ə nyi nə Klâys tè kwu ke səndô.”

Ipilù 7:21

pîza ə piə è ndə̂mə̀ vɨnə mə, ə kàyntə̀ pîə nə: “Pɛ̂pɛ ə kàyn, va se kwiynê ekwâʼtè ə vəynze ə pìə nə: ‘O faŋ sə wùə èkɔʼsə nə̂ èshyə̀ sə teshìŋə̀ tèkɨ̂m.’”

Ipilù 7:15

Ghɛ ətəynze fɨyn tɔʼ payn kûmə̀ nə wùə èkɔʼsə nə̂ èshyə̀ ə̀ ndò ə pəyn nyi kepî kə Mèlkisendèk.

Ipilù 5:6

Fə tè pì kepî elùʼ vîve nə, “O nə̀ faŋə sə wùə èkɔʼsə nə èshyə̀ sə teshɨ̀ŋə̀ tèkɨ̂m, kèpi endom vɛ ə Mèlkisendèk tè nyi wùə èkɔʼsə nə̂ èshyə̀ ətəyn.”

Ngàleshyà 4:9

Pîza ghàyn e sè ke Fèzhə̀ zôyn, me m kaʼa m pi nə ə̀ pɨl ndô fəynfe ə kê ghàyn. Ghàyn kàʼa ghàyn fɨyn kɛse zàyn sə fɨaʼà àkɔ̂s sê zuʼ sɛ se kyi va tyaʼke, va nâʼà eghɛ ə? Kûmə̀ ghè ə ghàyn kyiŋə se fɨnə kə̀mnè se ekɔ̀s sê zuʼ nə sɨ̂nə̀ ə?

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

Ipilù 5:10

Zhə̀fè tè ndəm vəyn nə è və nyi wùə èkɔʼsə nə èshyə̀ engaŋtə kwəynə kèpi endom vɛ ə Mèlkisendèk tè nyi ətəyn.

Ngàleshyà 4:3

E za nyi kepî èghɨ kə ghâsènì tè pa tsɨs ndɔ̀ʼɔ nyiəm tɔʼ kê ə̀ghɛ ghɛ ə ghe nyi səmɔʼ, fɨaʼà kə ekɔ̂s sê zuʼ sɛ ə se saʼa mbi.

Ipilù 7:10

Shɨ̂ŋə̀ kɛ ə Mèlkisendèk tè kwəyne yî Aplàghâm, è tè nyi ndɔ̀ʼɔ è nyiəm pîə Levì.

Ipilù 7:12

Ə ze nyi səmɔʼ nə Zhə̀fè nyiə kwiynə̂ ə̀ghɨ ghɛ ə ghe kyi sə̂ nyi ə̀ghɨ kɔʼsə nə eshyə̀ghè, ə fe pɔŋ kwiynê kepî àlâŋ.

Ipilù 7:13

Pɛ̂pɛ ə ghâsènì vɛ ə wâmnə̀ kûmə̀ vəyn tè fɨ etàŋ ə ndôzè ndɔ̀ʼɔ wùə tyəm fɨ ətəyn sə wùə èkɔʼsə nə èshyə̀.

Ipilù 9:6

Ə̀ tè nyì kə ə pɨaʼte fɨa ətəyn endom nə vɨ̂yn, ghɨ èkɔʼsə nə eshyə̀ghè e njiə ndùə nə̂ èfɨ̂aʼ ə ghənə̂zè ə apfɨ̀ə ə pɨəynke, kè tuʼmè m̀kɨ̂m.