Ipilù 6:5 - Ŋwàʼlè ə̀ Fèzhə̀ Mkâyn Mə̂ Fèm

⁵ ə fɨnə fe chùŋ èghɛ ə Fezhə̀zè, ə mɔ̀mə̀ fe àtyaʼ kɛ ə ke tə pə̂ ə ke ə nyi ə mbi èfe,

Ipilù 6:5 Referans Kwoze

Tom èchùŋ kè kə Lûk tè nyaʼ 8:13

Zɛ ə è tàyntè enwɔyn nyi kə ghɨ ghɛ ə zɨ ghɛ ətəyn, ə zàŋsə̀ pomə kə ndò èsaŋnêzè, pîza e pâʼà tɔ̀ʼ nji ə ghənə ətəm. Ghənə ə pomə̂ kə sə fendiŋə̀ fə ashìŋə̀fè nyi, mɔ̂mzè ə pə̀, ghənə pfɨ̀ə kə ndò.

1 Pità 2:3

Ghàyn kyi sə̂ nə̂ kə nyi kûmə̀ nə ghàyn se nyi mə ghàyn ə fe sə ghàyn ə ngɨŋ nə Pɛ̂pɛ nyîə tsɔ̂fə̀.

2 Pità 2:20

Ə ghɨə nyi mə ə tə fɨə əghɛ mbighe tsɛ tɔynə̂ ekê ə Pɛ̂pɛ ə̀ ghâsènì Njisə̀s Klâys, ə fɨnə kɛsə̂ ndûə njiə əghɛ ə mbighe, ghe ə ko ghənə kə atam mə ghənə vayn kɛsə fɨ, ə ndamtə ghɨ̀ ətəynghe ə pofə tsɛ̂ kə te tè nyì chi sə shi.

Ipilù 2:5

Zhə̀fè tè paʼà ndə̀m nə ə̀ tə pə̂ ə chisə̂ sètsì sə vəynse mbi è fe zɛ ə è nyì se pə̀yn, mə za nyi zɛ ə ghàs wàmnə̀ kûmə̀ zə̂yn.

Ŋwàʼlè ə̀ Mâk 6:20

Ɛlɔ̀t tè nyîə fànə̀ kə̂ è tè ke nə Njɔyn tè nyi wùə chichi, fɨyn nyi èŋwaʼze. È tè pomə̂ tsɛ̂ va nə ə nəyn ghɛ epi sê Njɔyn, kɔ̀ŋɔ̀ kə sə̂ zɨtə̂ ə̀ghɛ ghɛ ə è pìə, nâʼàpî kə è tè zɨtə, ghɛ ətəyn ghe fɨmsə̂ vəyn nâʼà sə ŋaŋ.

Matyò 12:32

Ə̂ pîə pîndè ghɛ epize kûmə̀ Va Wùə, Zhə̀fè kàʼa fe lɛ̀sè fo vəyn, pîza mə ə pìə pîndè ghɛ epize kûmə̀ Sezuʼ se ŋwaʼase, ə fe tə tàʼa lɛ̀sə fo vəyn zôyn, pî ashìŋə̀ kɛ ə ke nyi se pə̀yn ə shi.”

Ɛfesùs 6:17

Ghàyn nji kepî èsɔza zɛ ə Zhə̀fè sɔ̀zâ ghàyn sə afɔ eghɔ̀ŋke ə njìə Sèzuʼ sɛ ə Zhə̀fè fo, mə za nyi eghɛ ə Fezhə̀ sə fenyi.

Ipilù 4:12

Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Ipilù 11:3

Ə̀ nəyn ekyî epomə̂zè nə ghâsènì ke səmɔʼ nə Zhə̀fè tè pom mbi kè è kyə̀ vəyn zə ècho. E za tyə̀nə̀ nə nâʼà pî ghè kə ghâsènì fe nyi mə ə fɛte èfɨake, mə ə fe va.

1 Pità 1:25

pîza ghɛ ə Pɛ̂pɛze tə ndamə faŋə.” Ghɛ ə Fezhə̀ nə zɨnə mə nyi tom èchùŋ zɛ ə tè ndàʼa sê ghàyn.