Ipilù 6:4 - Ŋwàʼlè ə̀ Fèzhə̀ Mkâyn Mə̂ Fèm

⁴ E pɔynə̂ va se ghɨ ghɛ ə nyi mə ə tə kyî chi payn ə Fezhə̀zè, ə mɔ̀mə̀ zɨə è fo ə Fezhə̀zè, ə fɨnə kyiə Sèzuʼ se Ŋwaʼa ə Fezhə̀sè,

Ipilù 6:4 Referans Kwoze

Matyò 5:13

Ghàyn nyiə kɔʼnə̂ sê ndam tə ghɨ̀tè ə mbi kè kə ngwaŋfe kɔʼnə se fɨazhiəve. Mə ə tɔfə fengwaŋ mî, ə kaʼa nəyn zayn nə fə fɨnə tɔfə? Ə fə fɨnə tsɔ̂fə̀ va sê ghɛ zhîze, ə̀ tsɛ̂ kə va nə ə sɨs mâʼà, ə ghɨə tsə̂yle.

Njɔyn 15:6

Ghɨ ghɛ ə tàʼa faŋə kə Mì ewìyn, ə nə nji tsɨsè ghənə kə ngɔ̂nə̀ fèkàʼ. Ə ngɔyn ə̀təyn ə nyi tsɛ ke mə è zə zom. Ə komtə̂ ekyì ə sengɔyn nə sɨ̂nə̀ mə ə màʼà ndzɨsə̂ ewùs, elùʼ vɛ ə se nə pɛ.

Ɛfesùs 2:8

Zhə̀fè sɔ̀zâ ghàyn tɔynə̂ ekyî epomə̂ zaynze kûmə̀ àfùʼ kɛ ə Fe kyi. Ghàyn pâʼà fɨ̂aʼ fɨ̂aʼ kyîke sə ghàyn ə ngɨŋ kə Zhə̀fè ndaʼ è sɔza nə zɨ̂nə̀. Ə̀ nyi ke èfo ə Fezhə̀zè. E za tyə̀nə̀ nə wùə vayn kàʼa è pfɨyn fètwɔ̀ʼ nə zhi ə fɨ̂aʼ fɨake tsɔ̀fə kə ndaʼ è sɔza nə zɨ̂nə̀.

Njɔyn 3:27

Njɔyn ə pə̀ynsə̀ sê ghənə nə, “Wùə vîvè vayn kyi afɨa mə ə̀ paʼà fo Zhə̀fè.

Ipilù 10:32

Ghàyn kɛse kwàʼtè m̀tuʼ me pàmə̂ kə ghàyn tè pomə Zhə̀fè sə shi ətəyn, ghàyn ə tə zɨ tsôs te tsɨəte pîza wəynsə̂ kə ndò.

Matyò 12:45

Sə kɛsə̂ ndùə njiə pə̀ sèzuʼ se pi sə mɔ̀ʼɔ̂se, esɛ̀mbɛ̂, se pofə tsɛ̂ pîə səynse, ə se nji ə wùə təyn ewìyn ə sə ndamə fu. Famə ashìŋə̀ ə̀ wùə ə̀təyn ə pofə tsɛ̂ kə è tè nyì sə shi. E za nyi nə ə̀ zɨnə nyi eghɛ zɛ ə ze tə kyânə̀ sê ngwàʼ èpi zɨnə zôyn.”

Ngàleshyà 3:2

Ghàyn tsayn ghɛe se mi. Ghàyn tsayn se mi nə̂, ghàyn tè kyi Sezuʼ sə Fezhə̀sè kûmə̀ kə ghàyn ndə̀mə̀ Laŋà mə ghàyn tè kyi kûmə̀ nə ghàyn zɨ tom èchùŋ ə pomə ə?

2 Timotì 2:25

chisə ə̀ghɨ ghɛ ə ghe kəmnə ghɛ zɛ ə è pìə è pɔ̂ynè, ke nə Zhə̀fè nə̀ nə̂ ə ghənə kwiyne ə pəyn se kê səmɔʼ.

1 Njɔyn 5:16

Ə fe pi ndè ànyìə vəyn kə è nə̀yn pi, ə va pi se chyàsə vəyn yî Zhə̀fè, è və tsə̀mə̀ sê vəyn kə Zhə̀fè nəyn ə ànyìə vəyn nə vɛ ə ndamə. M pîə ə̀ghɨ ghɛ ə ghe nə̂ pi è va se chyâsè əghənə yî Zhə̀fè. Pi zhîzè nyîə nyi, ə zɛ ə wùə nə̀yn, è zə chyasə̀ vəyn yî Zhə̀fè, m piə va nə ghàyn tsəm kûmə̀ èkyì ə pi nə zɨ̂nə̀.

Ipilù 2:4

Zhə̀fè ə tə nə̀yn kepî chwiə sə ghɛ ə kayntəghe, ə tekì ə tekì, ə fɨnə fo tèfo tə Sezuʼ Seŋwaʼase sê ghɨə kè kə fe kɔ̂ŋɔ̀ se tyə̀yn nə tom nə zɨnə nyì ke nâʼà səmɔʼ.

1 Timotì 4:14

Kə ò lɛse fo zɛ ə Zuʼse Ŋwaʼase tè fo sê ghò za kə fɨ̀aʼtèsè wàmnè ghɛ kûmə̀ ghò, nɔ̂yn ə sechəʼ sə ndɛ̂ Fèzhə̀sè ə ndə̀mə̀ əgho ə ghò tu.

Ətefɨ̂aʼ 11:17

Mə ke fe səmɔʼ nə Zhə̀fè ə fo foze sê ghɨ ghɛ ə̀ vachi ə̀ghɨ ə Njûsghè kèpi kə fe tè fo sê ghâsènì kə ghâsènì tè pomə sê Pɛ̂pɛ Njisə̀s Klâys. M nyiə tè nyì nâʼà ndè se tàm eghɛ zɛ ə Zhə̀fè tè kyi se nə̀yn ə.”

Ɛfesùs 4:7

Pîza nâʼàpî ndè ə ghâsènì əfètəyn fɨ̂aʼnə̀ kyiə èfo ə vəyn kè eghɨ kə Klâys kɔ̀ŋɔ̀ se fo.

Ɛfesùs 3:7

M tè zhə̀te efɨ̂aʼ ə tom èchùŋ nə zɨ̂nə̀ mə ə̀ fo Fezhə̀ tyaʼa vəynke nə mə nə̂. Ə tè fo vəyn tyaʼa nə ke fɨ̂aʼ ə mì ətəm ə ke tsamte kə mə nə̂ èfɨ̂aʼ ətəyn. Zhə̀fè tè nəyn nyi kûmə̀ ə̀təm əchûŋ ə vəynghe.

Ətefɨ̂aʼ 10:45

Ghɨ Njûs ə pomə ghɛ ə yîghə̀ Pità tè ndò pə̀yn ə Njopà əmɔʼ e sè nyi èkaynze kə Zhə̀fè fo Zuʼse Ŋwaʼase sê ghɨ ghɛ ə̀ tè va ə ghɨ ə Njûsghè.

Ətefɨ̂aʼ 8:20

Pîza Pità ə pə̀ynsə̀ ə pìə nə, “Ə ò kwàʼtə̀ nə ò kàʼa ò zhɔyn fo ə Fezhə̀zè è kɛve, ə gho ghâyn kɛ vɛve ə ndùə tânə̀ elùʼ ewùs!

Njɔyn 6:32

Njisə̀s ə pìə sê ghənə nə, “M pîə sê ghàyn səmɔʼ nə, ə̀ vachi Mosîs ə è tè fo payn ə kwaŋ kɛ ə ke ndô pə̂yn ekwùtwəyn se ghàyn, ə̀ nyi Pɨ̀a Vɨ̂mvè ə è fo kàyntè àpayn ekwùtwəyn.

Ngàleshyà 3:5

Zhə̀fè tè fo Sezuʼ sə vəynse sê ghàyn ə fɨnə nə̀ ə̀ghɛ ə kayntəghe ə ghàyn ə fètəyn kûmə̀ kə ghàyn ndə̀mə̀ Lâŋà mə, mə kûmə̀ kə ghàyn zɨ tom è chùŋ ə pomə̂ ə?

Ətefɨ̂aʼ 15:8

Zhə̀ Fɛ Fe ke nâʼà ə̀ghɛ ə̀kɨ̂m ghɛ ə ghe nyi ə ghɨghe ətəm ə tyə̀yn mɨ̂sè nə ghɨ ghɛ ə vachi əghɨ Njûsghè kàʼa ə ghe pɔŋ pomə endom nə, fe ə nə̀yn Zuʼse Ŋwaʼase ə pə̀ sê ghənə kèpî kə se tè pə̀yn sê ghâsènì.

Njɔyn 4:10

Njisə̀s ə pə̀ynsə̀ sê vəyn nə, “Ə ò fè ke fɨa vɛ Zhə̀fè fo sê ghɨə fɨyn ke wùə vɛ è ndɔnə mô nə mɨ̂yn sê ghò, ə ò ndɔyn sê Vəyn, ə È fo ghô è môm mɛ m̀ fo ndamze.”

2 Timotì 4:14

Àlɛ̀ksandà vɛ ə è tsɨə ndâmkè za, ə tə mɔ̀m ghɛze sê mi, ze kwûəmə̀ kə nyî. Pɛ̂pɛ nə fo ngəʼ sê vəyn kûmə̀ èghɛ nə zɨ̂yn.

Ŋwàʼlè ə̀ Pɔ̂l sê ghɨə Lûmghè 1:11

M tsə̂mə̀ nyiəmə kûmə̀ nə m nyîə kɔŋə̀ nâʼà àchûŋ se pə̂ mòtè ə ghàyn, kə m kaʼa m tsamte ghàyn è pɔsê zɛ ə Zuʼse Ŋwaʼase nyiə fo sê mi.

2 Kolìŋ 4:4

Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.

2 Kolìŋ 4:6

Zhə̀ fɛ ə Fe tè pi nə, “Payn tə panə əfètə̂ àlɨm.” Ə̀ nyì kepî Fezhə̀ Fə təynfe ə Fe nə̂ nə payn ə Vəynze ə panə ə ghâsènì ətəm, kə ze pəyn ghâsènì è tɔf ə epomsê ə Fezhə̀zè mə ze panə ə Klâys ekyàʼ.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,