Ipilù 6:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

Ipilù 6:12 Referans Kwoze

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.

Ipilù 10:36

Ghàyn e wəynsə̂ kə ndò kə ghàyn nəyn ghɛ zɛ ə Zhə̀fè kyiŋə nə ghàyn nəyn, endom nə vɨnə mə ə ghàyn kyi fɨa kɛ ə è tè tsɨ̀ne nə è tə fo sê ghàyn.

1 Njɔyn 2:25

Famə afɨa àmɔ̀ʼ, ə ghâsènì kyi ndam zɛ ə ze tə mîə va mə za nyi vɛ ə Zhə̀fè kɨmne ndə̂m tè tsɨ̀ne se ghâsènì.

Ŋwàʼlè ə̀ Pɔ̂l sê ghɨə Lûmghè 12:11

Kə wùə vîvè ə zɔlə. Nâʼàpî ndè e fɨaʼà ètyaʼa sê Pɛ̂pɛ è təm ə vəynghe əkɨ̂m.

Ipilù 5:11

Ghɛghe nyi tsɨ̀ə kə nyî se pì sê ghàyn kûmə̀ èghɛ nə zɨ̂yn pîza e pɔynə̂ va se pì kûmə̀ nə ghàyn zâŋsə̀ zɨə kê va ghɛghe.

2 Pità 1:10

Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.

Njə̂m 1:3

kûmə̀ nə ghàyn ke ndô nə mɔ̂mtè pə̀yn ə ghàyn ə tendom, ghàyn ə zhiə fɨə təynte, ə ghàyn ə ke se wəynsê ewiyn.

Ipilù 12:1

Se ghâsènì, ghâsènì kyi setsɛ̀ sə saʼse anɔ̀yn mə sə kyìŋ nga ghâsènì. Ghâsènì kyi se maʼa nâʼà pî àpɨ̀aʼa àkè kɛ ə ke tàsə̀ ghâsènì ə fɨyn mâʼà nâʼà pî pi èkè zɛ ə è kolə ghâsènì ə wəynse nyiŋ ènyɨŋ zɛ ə Zhə̀fè ndə̀m nə ghâsènì ə nyɨŋə.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ŋwàʼlè ə̀ Pɔ̂l sê ghɨə Lûmghè 4:12

Zɨnə mə tè nyì kə è və nyi kepî pɨ̀a ə̀ghɨ̀ ghɛ ə nyi mə ə se nam ə ghənə̂ghè, mə ghənə ə pomə kepî Zhə̀fè eghɨ kə pɨ̀a ghâsènì tè pomə ndɔ̀ʼɔ nyiəm se ə̀nam ə vəynghe.

Ŋwàʼlè ə̀ Pɔ̂l sê ghɨə Lûmghè 2:7

Ghɨə mɔ̀ʼɔ ghə kol təmə ə faŋə nə̂ ndûə kə əghɛ əchûŋghè, kyiŋə epomsê, è kɔʼsêzè. Ghənə tə kyîə èndam zɛ ə ze tə mìə va. Zhə̀fè tə fo èndam zɛ ə ze tə mîə va se kyì əghɨ̀ nə ghɨ̂yn.

Etyə̂yn ə paynsêzè 13:10

Ə tè nyì se tə kyiə fà nâʼà pîndè, ə tə kyî fa kə ndò. Ə tè nyi se tə zhwi nâʼà pîndè efe eghɔŋ, ə tə zhwi ke ndò vəyn è fɛ̂ eghɔ̀ŋze. Zɨnə mə tyə̂nə̀ nə ghɨə Fezhə̀ghè kyi sə̂ kyi èkol ətəmze, è kyî epomə̂zè.”

Ipilù 11:33

Tɔynə̂ epomə̂, ghɨ nə ghɨnə mə ə tə nò ghɔŋte ə zhiə tèndâʼà, ghənə tè ndamə èndam ə chichize ə Zhə̀fè shi, ə kyiə èfɨa vɛ ə fe tè tsɨ̀ne. Ghənə ə kimtə̂ ə̀ cho ə senyàm sə se pìkəmse.

Ipilù 6:15

Aplàghâm ə tə kol təmghe təm lɨmtə̂, nyiəmə, è və kyîə àfɨa kɛ ə Zhə̀fè tè tsɨ̀ne se tə fo sê vəyn.

2 Tèsàlonikà 1:4

Ə̀ za nyi eghɛ zɛ ə ghàs pìə wàmnə̀ kûmə̀ ghàyn sê ghɨ ə pomə mɔ̀ʼɔghe, ə ghɨə Fezhə̀ghè ə fètəyn, ghàs e tyalə. Ghàs nə̀ nyî kûmə̀ nə ghàs nyîə pfɨ̂nə̀ àngàŋtè endom vɛ ə ghàyn kolə təmghe ə ghàyn epomə̂, nâʼàpî kə ghɨghe tsə̂fsə̀ ghàyn, ghàyn e zɨə àpi.

Tom èchùŋ kè kə Lûk tè nyaʼ 8:15

Zhi zɛ è tàyntè əmchi mê chùŋə̀m nyi kə əghɨ ghɛ ə ghe zɨ ghɛə Fezhə̀e, ə kyiə kə səmɔʼ è təm əchûŋə̀, ə ndə̀mə̀, ze muə etwɔm ə ghənə endam.

Matyò 22:32

‘M nyi Fezhə̀ fə Aplàghâmfè, nyi Fezhə̀ fə Azɨ̀kfè, nyi Fezhə̀ fə Njàkɔ̂pfè.’ Zhə̀fè nyi Fezhə̀ fə ghɨ̀ ghɛ ə pa ndamə, ə̀ va Fèzhə̀ fə ghɨə ghɛ ə nyi mə ə kwutê.”

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

Tom èchùŋ kè kə Lûk tè nyaʼ 16:22

È və tə kwuə, tsìsè ə njìə vəyn ə ndùə ndə̀mə ə Aplàghâm ngwùŋ. Wùə èghaʼâ nə vɛ ə tə pɔŋɔ kwuə, ə pfɨ̀mə̀ vəyn.

Matyò 25:26

Pɛ̀ èfɨaʼ ə̀ vəyn ə pìə sê vəyn nə, ‹Wùə èpi! wùə èfɨ̀aʼa ezɔlə, ò tè nyîə ke nə m kwîə mə m tè paʼà zho, zûŋtə̀ èfɨa elùʼ mə m tè paʼà waŋ ngwàʼ,