Ipilù 5:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Fə tè pì kepî elùʼ vîve nə, “O nə̀ faŋə sə wùə èkɔʼsə nə èshyə̀ sə teshɨ̀ŋə̀ tèkɨ̂m, kèpi endom vɛ ə Mèlkisendèk tè nyi wùə èkɔʼsə nə̂ èshyə̀ ətəyn.”

Ipilù 5:6 Referans Kwoze

Ipilù 7:17

Ə nyàʼ kûmə̀ vəyn ə Ŋwàʼlè ə Fèzhə̀ nə: “Ò nə̀ faŋə sə wùə èkɔʼsə nə̂ èshyə̀ sə teshìŋə̀ tèkɨ̂m, kèpî endom vɛ ə Mèlkisendèk tè nyi ətəyn.”

Ipilù 7:21

pîza ə piə è ndə̂mə̀ vɨnə mə, ə kàyntə̀ pîə nə: “Pɛ̂pɛ ə kàyn, va se kwiynê ekwâʼtè ə vəynze ə pìə nə: ‘O faŋ sə wùə èkɔʼsə nə̂ èshyə̀ sə teshìŋə̀ tèkɨ̂m.’”

Ipilù 7:3

Ə paʼà tsàyn ə ŋwàʼlə̀ Fezhə̀ nə pɨ̀a vəyn tè nyi nde ə, nyìə vəyn e nyi ndè ə. Ə pâʼà pì pî ghɛze kûmə̀ ghə̀pɨ̀a vəynghe, ə tàʼa pi eghɛ kûmə̀ ètuʼ vɛ ə tè piə vəyn ətəyn, e vɛ ə è tè kwu ətəyn. E za tyə̀nə̀ nə è və faŋ sə wùə èkɔʼsə nə èshyə̀ sə teshìŋə̀ tekɨ̂m kèpî kə Va Fèzhə̀.

Ipilù 5:10

Zhə̀fè tè ndəm vəyn nə è və nyi wùə èkɔʼsə nə èshyə̀ engaŋtə kwəynə kèpi endom vɛ ə Mèlkisendèk tè nyi ətəyn.

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

Ipilù 7:15

Ghɛ ətəynze fɨyn tɔʼ payn kûmə̀ nə wùə èkɔʼsə nə̂ èshyə̀ ə̀ ndò ə pəyn nyi kepî kə Mèlkisendèk.

Ipilù 7:8

Sê ghɨ kɔʼsə nə eshyə̀ ghɛ ə ghe tè fiə pâs afɨake amɔ̀ʼ əfètəyn èfɨa èghɨm za, ghənə tè nyi əghɨ mə ə kaʼa kwu, pîza sê Mèlkisendèk vɛ Aplàghâm tè chyàte fɨave pɨ̂asvè eghɨm ə fo àmɔ̀ʼ sê vəyn, è kwuə va kè eghɨ kə ə nyâʼ ə Ŋwàʼlè Fèzhə̀.

Ipilù 7:11

Zhə̀fè tè fo Alâŋ ə Mosîskè sê ghɨə Isìlâyghè tɔynə̂ əghɨ èkɔʼsə nə eshyə̀ ə ngwàʼ esas ə ndɛ ə Levìzè. Nyiəmə, ə̂ tè nyi nə fɨ̂aʼ əghɨ̀ èkɔʼsə nə eshyə̀ ə ngwàʼ esas ə ndɛ ə Levìzè tè nyi kə ze ə kwəynə̂ mɨ̂sə̀, mə ghɛ zhîze tè paʼà nə̀yn nə kyì ə wûə èkɔʼsə nə èshyə̀ ndò pəyn, ə wùə èkɔʼsə nə èshyə̀ esas ə ndɛ ə ghɨ̀ə èkɔʼsə nə eshyə̀ghè e tɔŋtə̂ nə Mèlkisendèk, ə̀ vachi esas ə ndɛ ə Ɛlɔ̀tzè.