Biblia Todo Logo
Bib sou entènèt

- Piblisite -




Ipilù 5:2 - Ŋwàʼlè ə̀ Fèzhə̀ Mkâyn Mə̂ Fèm

2 Wùə èkɔʼsə nə eshyə̀ engaŋtə kwəynə nə vɨ̂yn nyi kàʼa ə è və pɔynə̂ sê ghɨ ghɛ ə ghe ke va ghɛghe nə̂ pofsə̂, kûmə̀ nə nâʼà vəyn sə və ngɨŋ nyi kepî wùə pɔŋɔ pɔylə̂.

Gade chapit la Kopi




Ipilù 5:2
24 Referans Kwoze  

Ghâsènì nyiə kyi wùə èkɔʼsə nə eshyə̀ engaŋtə kwəynə, è fɛtê ke tèndom tɛ ə ghâsènì pɔlə̂ ətəyn, kosə̂ èsəyn sê ghâsènì, mə mɔ̂m zè ə tè pə̀yn sê vəyn kè ə tendom ə tendom, kèpi kə ze pə̂ sê ghâsènì, pîza è və tàʼa nə̂ pi.


Ə̀ zô nyi mə è kàʼa è tsamte ghɨ ghɛ ə mɔ̂mè pə̀ sê ghənə kûmə̀ nə mɔ̂mzè ə tə pə̀yn kepî sê vəyn, è və fe ètsôs.


Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.


Ghàyn e kwiə kə endom e naynə ve kə fɨəyn kɛ ə ke nyi mə kə ndəm za tàʼa fɨ̀as ə mɨ̀sè, ə ke pɨl tɛ ndò.


Ghàyn ke nə m tè pə̀yn tsâyn tom è chùŋ sê ghàyn sə shi mə ə̀ nəyn ezaf kə m zafə.


M nə̀ pfɨnə ngàŋtèkè kûmə̀ wùə nə vɨ̂yn, va sə̂ pfɨnə̀ kûmə̀ ngɨŋ zɨ̂mzè. M kaʼa m pfɨyn ke àngàŋtè kûmə̀ ngɨŋ zɨm ə fe nyi eghɛ se tyə̀yn nə m nyîə pɔ.


pi kə m tè nyi mə mə wàmnè ghɛ epighe sə mɨ kûmə̀ Vəyn, ə tsə̀fsə̀ Vəyn, ə fɨnə sôylə̀ Vəyn. Pîza Zhə̀fè tè nyîə kyi èkosê esəyn sê mi kûmə̀ nə m tè nyìəm kyi va kyî epomə̂zè, nyiəmə, nə̂ èghɛ nə zɨnə mə kepî va ghɛ zɛ m nə̂.


Ə m nyi sə̂ pfɨ̂nə̀ àngàŋtè, ə mə pfɨnə̀ kûmə̀ ə̀ghɛ ghɛ ə ghe tyə̀nə̀ nə m nyîə pɔ.


pîza mə tsə̀m se ghò nə kə̂ pomə zɛze nə pfɨ mɨ̂sè. O kɛse pəyn se mi o nəyn kə təmə ghɔnɛ ghə tɛ.”


Ghənə zɨə kê va ghɛ, ke va ghɛ kûmə̀ èndam ə Fèzhə̀ kûmə̀ àngo ə ghənə̂kè mə ə̀ pə̀yn atu ə tɛ kɛ ə ghənə kyi.


Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.


Pîza ə̀ tè njiə kə wùə èkɔʼsə nə̂ èshyə̀ engaŋtə kwəynə ə apfɨ̀ə əfètəynke, nə̂ zɨnə mə kè shîŋə̀ze mɔ̀ʼ ə pîŋ. È tè piə è njiə ndò, è və njìə m̀ndəm mə nyàmə̀m se njiə fo sê Zhə̀fè kə fe lɛse fo sèpi sə vəynse è pi sə ghɨ mɔ̀ʼɔ sɛ ə ghənə nyi mə ə nə̀yn pi, keva nə ə nə̂ pi.


Ghɔnyì ghɨmə, ə wùə sê ghàyn ndò zâ səmɔʼ, wùə ə̀ mɔʼɔ ə kɛsə̂ pə̂ è vəyn,


kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.


Swiv nou:

Piblisite


Piblisite