Ipilù 4:12 - Ŋwàʼlè ə̀ Fèzhə̀ Mkâyn Mə̂ Fèm

¹² Ghɛ zɛ ə Zhə̀fè pì nyi kə ze nyîə ndamə, kyi àtyaʼ, tɔfə tsɛ̂ efɛ̂ eghɔ̀ŋ zɛ ə ze tɔfə pɨ̂asvè èpɨ̀a. E nyîə se njiə ndûə nâʼà ə fètəyn, se nduə tàyn elùʼ vɛ ə təmə yî zuʼse kə̂mnə̀ fɨnə ndûə tânə̀ elùʼ vɛ ə fɔmze yî zhûŋəke pə̂ kə̂mnə̀. Ze ke ndô ghɛ ghɛ ə ghɨ kwâʼtə̀, è ghɛ ə ghənə kyiŋə.

Ipilù 4:12 Referans Kwoze

Ɛfesùs 6:17

Ghàyn nji kepî èsɔza zɛ ə Zhə̀fè sɔ̀zâ ghàyn sə afɔ eghɔ̀ŋke ə njìə Sèzuʼ sɛ ə Zhə̀fè fo, mə za nyi eghɛ ə Fezhə̀ sə fenyi.

1 Pità 1:23

E kyi sə̂ nyi nyî kûmə̀ nə ə kɛse pîə ghàyn kə ghɔyn ə ghɨ̀ msɔ̀ŋghe ə ghe kwuə, pîza sê Zhə̀ fɛ ə fe kwuə va.

Etyə̂yn ə paynsêzè 1:16

È tè kyi mlî èsɛ̀mbɛ ə vəyn agho ekɔyn e twɔke, fɛ̂ etɔfe eghɔ̀ŋze ə fɨə ə vəyn cho mə ze təmə pɨ̂asvè èpɨ̀a, kyâʼ ə vəynze e nyaynə̂ kə kə ezhwi ashìŋə̀ kɛ chwì payn tɛ.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Etyə̂yn ə paynsêzè 19:15

Ghɛ zɛ ə è tè pî tè nyi kə efɛ̂ eghɔ̀ŋze ə è nə̀ njîə se no zhi əghɨ ə tɛ nə atu ə tendaʼàghè. È nə saʼa ghənə nâʼà è tyaʼ eghaʼâkè kəpiə è njìə mbàŋə̀ anyà se saʼ ə ghənə ətəyn. È tə kamə sèpàyn sə vəynse kepî endom vɛ ə kamə lɨ̀m epə ekamə nə mlɨ̀zè. È tə nə̂ zɨnə mə sê Zhə̀fè Pɛ̀ àtyaʼ akɨ̂m vɛ è zafsə̂ ndwɔ̂vè nâʼà sə ŋaŋ kûmə̀ sèpi sə ghənə̂sè.

Ɛfesùs 5:13

Pîza mə ə fɨse nâʼàpî ghè ə ndayn, ə nâʼàpî ndè fe.

Tom èchùŋ kè kə Lûk tè nyaʼ 8:11

“Ə̀ zɨ̂nə nyi eghɛ zɛ ə ngàyn nə zɨnə zaʼlə. Ngwàʼ ətəyn nyi kə eghɛ ə Fezhə̀e.

Njɔyn 6:51

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Etyə̂yn ə paynsêzè 19:21

Sokə̀ʼ sə ghənə̂sè ə kwuə mə ə̀ zhwi fenyi fə eghɔ̀ŋ fɛ ə fe tè fɨ ə wùə vɛ ə echo ə è tè nyɨŋə etûə àkenyàm; nɨ̂ŋmè m̀kɨ̂m ə kwɨlə sènjyà sə ewìyn sə ghənə̂sè ə pɔ.

Etyə̂yn ə paynsêzè 2:16

Kə̀mne ə gho ghɛ pighe, ə̀ va za, ghafke fɨnə tyâfə̀ va kə m pəyn elùʼ vɛ ə ò nyi ətəyn ə m no ghɨ nə ghɛ è efɛ̂ eghɔ̀ŋ zɛ ə ze tè fɨ ə mì echo.

Ipilù 13:7

Ghàyn e kwâʼtə̀ ètu vayn vɛ ə ve tè ndàʼa ghɛ ə Fezhə̀zè sê ghàyn sə shi. Ghàyn e kwâʼtə̀ tèndam tɛ ə ghənə tè ndamə è ndom vɛ ə ghənə tè kwuə ətəyn. Ghàyn səyne kyî epomə̂ zɛ ə ghənə tè kyi.

Ətefɨ̂aʼ 4:31

Ə pə̀ kə ghənə tsə̀m mɨ̂sè, luʼ vɛ ə ghənə tè nyi ətəyn, və shɨŋə nəʼə̀. Zuʼse Ŋwaʼase ə lwinə ə ghənə ewìyn nâʼà ə̀kɨ̂m. Ghənə ə zhə̀tə̀ sè ndaʼa tom ə̀ Fèzhə̀ ètəm a tyaʼa.

Ətefɨ̂aʼ 2:37

Ghɨ nə ghɨyn ə zɨə əghɛ ghɛ ə Pità wàmnè, ghe ə njiə ghənə ətəm nâʼà sə ŋaŋ, ghənə pfɨfə sê Pità yî ghɨətom ə Njisə̀s əmɔ̀ʼɔ̂ nə, “Ghɔnyì ghasə, ghàs nyiə kàʼa ə ghàs ghayn ghe?”

Etyə̂yn ə paynsêzè 2:23

M nə̀ zhwiə kəpî əghɔ vəynghe, ə ndɛ sə Fezhə̀ sekɨ̂m ke nə m nyi wùə vɛ ə m ke kwâʼtè tə ghɨ̀ tekɨ̂m è kɨsè ghɛ zɛ ə ghənə kyiŋə. M nə̀ ndaʼà nâʼàpî ndè kè eghɨ endom vɛ ə è tè fɨ̀aʼa.

Etyə̂yn ə paynsêzè 20:4

Mə ke fe mkyə̂ mə tefɔ̀yn mə ghɨ ghɛ ə ghe tè tsɨs ətəyn tè nyi ghɛ Zhə̀fè tè nyiə fo tyaʼke nə ghənə ə saʼa. Mə fɨnə fe àzɨlə ghɨ̀ ghɛ ə tè tsɔyn tuə ghənə̂vè kûmə̀ kə ghənə tè ndàʼa tom ə̀ Fèzhə̀ è kɨsè səmɔʼ zɛ ə Njisə̀s tè tyə̀n paynsê. Ghənə tè nyi əghɨ mə ə kwiynsê nə ngɨmnə va nyàm èpamə zɛ kɨ̀sə afɨâʼsè ətəynke, ə kwiynsə̂ nə kə̂ ə ndəm chwìə nyàm èpamə ə̀təyn ə ghənə echo àtu è kɨsè akɔyn. Ghənə ə tə kɛsê zômə̀ sè saʼa yî ghə̀ Klâys sə sepìŋ kam.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

2 Kolìŋ 2:17

Ghàs va kə tsɨ̀tsɨ̂ ə̀ ghəmɔ̀ʼɔ ghɛ ə ghe nji ghɛ Fezhə̀ sə afɨa ezhɔynke, pəʼlə̂ sə ekɛ. Ə̀ tom Fèzhə̀ ghàs nə ə nə̂ èfɨ̂aʼ nə zɨ̂nə̀, ghàse ndàʼà kə nâʼà səmɔʼ ə Zhə̀fè əshi kə əghɨ efɨaʼa ə Klâysghè.

1 Kɔlìŋ 1:24

Pîza sê ghɨ ghɛ ə Zhə̀fè tɔŋə, kɨ̀sə ə̀ nyi əghɨə Njûsə̀, kɨ̀sə ə̀ va əghɨ ə Njûsə̀, ghənə ke nə Zhə̀fè tyə̀nə̀ àtyaʼ ə vəynke è tɔf eghaʼâ ə vəynze tɔynə̂ ə Klâys.

Ətefɨ̂aʼ 5:33

Ə tè pə̀yn kə ghɨə saʼa zɨ ghɛ nə ghɨ̂yn, ghe ə zafə ghənə nâʼà sə ŋaŋ, ghənə e sè kyiŋə se zhwi əghɨtom ə Njisə̀sghè.

Njɔyn 12:48

Ghɨ ghɛ ə tə Mi, ə tàʼa pomə tom zɨ̂mzè, nyîə kyi wùə vɛ ə è tə saʼa ghənə. Ghɛ ghɛ M nyi mə mə wàmnè tə pə ə nyi ə̀ghɛ ghɛ ə tə saʼa ghənə ətəyn etuʼ ekwuŋsəve.

Ətefɨ̂aʼ 7:38

Ə̀ nyì vəyn vɛ ə è tè nyì tsɨ̂yntè yî ghɔyn Isìlâyghè endaʼ ashəshəze. È tè nyi fu yî pɨ̀a ghâsènì ghəshiə ashìŋə̀ kɛ tsì zɛ ə Zhə̀fè tè tom tom ə pfɨ̀ynə̀ Sinày wàmnè sê ghənə. Tom nə zɨnə ə Mosîs tè fi sê tsì nyi zɛ ə ghâsènì pa chùmtə̀.

Ɛfesùs 5:26

È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.

Ipilù 6:5

ə fɨnə fe chùŋ èghɛ ə Fezhə̀zè, ə mɔ̀mə̀ fe àtyaʼ kɛ ə ke tə pə̂ ə ke ə nyi ə mbi èfe,