Ipilù 3:6 - Ŋwàʼlè ə̀ Fèzhə̀ Mkâyn Mə̂ Fèm

⁶ Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 3:6 Referans Kwoze

2 Kolìŋ 6:16

Ghɨə pomə nyi kə ndɛ ètsə̀mə ə̀ Fèzhə̀ mə ghənə vayn kàʼa kyi èghɛ se tsɨ̀yntə nə̀yn yîghə̀ fɨ̂aʼsèvè. Ghàyn e ke nə ghâsènì nyi ndɛ̂ ètsə̀mə ə Fèzhə̀ fɛ ə Fe ndamə, kè eghɨ kə È tè pi nə: “M nə̀ nə̂ eluʼ vɨmve ndaməve ə ghənə əfètəyn, ə m mə ndamə ə ghənə ə fètəyn; ə m mə nyi Fèzhə̀ fə ghənə̂fè, ghənə e nyi ə̀ghɨ ghɨmə.”

1 Kɔlìŋ 3:16

Ghàyn keva nə ghàyn nyì ke kə ndɛ ètsə̀mə mə ə̀ kyi Fezhə̀ ə, Zuʼse ə Fezhə̀sè e ndamə ə ghàyn ewìyn ə?

1 Pità 2:5

Ghàyn pɔŋ nyi kepî kə əchi ghɛ ə ghe kyi ndamze. Ghàyn za ngɨŋ saynse kə ə nji ghàyn ə pɛ ndɛ ə̀ Fèzhə̀ ətəyn, mə ghàyn fɨaʼà kə əghɨ èkɔʼsə nə eshyə̀ ə ŋwaʼaghe, fo tèfo tɛ ə zuʼsə Fezhə̀ sè chiyntə nə ghənə ə fo mə Zhə̀fè nyîə fiə təynte kûmə̀ èghɛ zɛ ə Njisə̀s Klâys nyi mə È və nə̀yn.

Ipilù 10:35

Nyiəmə, ghàyn e nyi ke endom vɛ ə ghàyn tè nyì chi sə shi, kə ghàyn fayn ghɛ zhîze kûmə̀ nə təm ə tɛ ghaynghe nə̀ pə̂ ghàyn èmaʼte eghaʼâzè.

Ipilù 6:11

Ghàs kɔ̂ŋɔ̀ nə nâʼà ghàyn əkɨ̂m ndəm ke atu efɨ̀aʼ nə zɨ̂yn se zaʼâ əkwùŋse kə fɨa vɛ ə ghàyn kwaʼtə̀ lɨmtə̂ sê vəynve tə pəyn səmɔʼ.

1 Kɔlìŋ 6:19

Pîə e za nyi nə ghàyn keva nə wiyn vaynve nyi kə ndɛ̂ ə̀ Sèzuʼ se Ŋwaʼa sɛ ə Zhə̀fè fo nə sə ndamə ə ghàyn əfètəyn mə? Ə̀ kyi chiva ghàyn ngɨŋ saynse, ə kyi Fezhə̀.

Ipilù 10:23

Ə ghâsènì fɛte kyî mə ə nə̂ʼlə̀ va eghɛ zɛ ə ghâsènì kwàʼtə̀ lɨmtə, fɨnə wâmnə̀ kûmə̀ zəynze, kûmə̀ nə ghɛ zɛ ə Zhə̀fè tsɨ̀nè, è nə̀ nə̂ kə kə è pì.

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 3:14

Ə ghâsènì tyəm ə ghâsènì epomə̂ se zaʼâ əkwùŋse, kèpî kə ghâsènì tè tyəm ə zhə̀te, ə ze ə tyə̂nə̀ nə ghâsènì tsɨ̀yntə̀ fɨaʼà ghasènìəghə̀ Klâys.

Etyə̂yn ə paynsêzè 3:11

Ə̀ faŋ ke fèndîŋə̀ kə m pəyn. Fɛte ndə̀m fɨa kɛ ə ò kyi, kə wùə tə kyi fi èmâʼtè ve vɛ ò nò zhi.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

Kòlosè 1:23

Ghàyn kyi se faŋə kə ghàyn epomə̂ mə ze nə̂ʼlə̀ va, kyi se tɔ̀ʼɔ̀ tyə̂m, è kɨsè se ndə̀m ətəm ghaynghe əkɨ̂m ətə̂ tom èchùŋ zɛ ə ghàyn zɨ. Tom èchùŋ nə zɛ mə ə ghàyn nyi mə ə kàynè zɨ nyi zɛ ə è nyi mə è zə waŋ mbi èkɨ̂m, ə nyi zə̂ynzè ə è nə̀yn mi Pɔ̂l nə mə nyi wùə àfɨ̀aʼ se Zhə̀fè se ndàʼa zə̂ynzè.

Matyò 10:22

Ghɨghə əkɨ̂m tə pânə̀ ghàyn ə mì ezə. Pîza mə ə kol pîndè təmə se nduə tàyn ə mɨ̀se ə è tə kyî èzɔzaze.

1 Tèsàlonikà 5:16

Ghàyn e sɨŋə shîŋə̀ tekɨ̂m,

Ŋwàʼlè ə̀ Pɔ̂l sê ghɨə Lûmghè 15:13

Ə Zhə̀fè mə za nyi eluʼ vɛ ə kwâʼtèzè ndò pə̂ ətəyn, lwiynse ghàyn è saŋnêzè ekɨ̂m, ə ghàyn ə nyi è pɔ̂ynè kûmə̀ èpomə̂ zaynze sê vəyn. Zɨnə mə tə nə̂ ə pomə̂ zaynze ə ndəmə̂ ndûə kə èshike atyaʼ ə Sezuʼ se Ŋwaʼake.

Matyò 24:13

Pîza, mə ə wəynse pîndè zɨə ngəʼze kûmə̀ Mi se nduə tàyn ə kwùŋse, ə è zhi fɨ.

Etyə̂yn ə paynsêzè 2:25

M pìə kə nə, ghàyn fɛte kyî èpomə̂ zaynze se zaʼâ kə m kɛse pəyn.

Etyə̂yn ə paynsêzè 2:18

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Tyàtilà nə: Ə̀ ghɨnə̀ nyi əghɛ mə ə̀ pi Va Fèzhə̀ vɛ ə shiə vəynghe nyi kə andəm ewûske za, gholə vəynghe e nyanə̂ kə nyî kə akas ə chûŋkè kə ə pûŋsè echi.

2 Tèsàlonikà 2:16

Ə Pɛ̂pɛ ə ghâsènì Njisə̀s Klâys nâʼà è ngɨŋ ə vəyn yî Zhə̀fè Pɨ̀a ghâsènì vɛ ə è tè kɔ̀ŋə ghâsènì ə fo ghâsènì è təmə tɛghe, è kwaʼtè elɨmtə zɛ ə ze tə mîə va tɔynə̂ ə vəyn afùʼ.

Ŋwàʼlè ə̀ Pɔ̂l sê ghɨə Lûmghè 5:2

Ə̀ chwi vəyn èndomve sê ghâsènì ətə epomə̂ zɛ ə ghâsènì kyi, ze nə̂ nə ghâsènì ə ke àfùʼ ə Fezhə̀kè. Nyiəmə ghâsènì saŋnə̂ nâʼà sə ŋaŋ kûmə̀ nə ghâsènì kyi ndô kwâʼtèzè nə ə tə kyîə èpomsê ə Fezhə̀zè.

1 Pità 1:8

Ghàyn nyîə kɔ̂ŋɔ̀ vəyn pi kə ghàyn tàʼa tyəmə fe vəyn, ghàyn e fɨnə pomə sê vəyn, fe pî va vəyn zôyn. Ghàyn e saŋnə nâʼà sə ŋaŋ, endom e kayntə vîve mə wùə vayn kàʼa è tsayn.

Ngàleshyà 6:9

Kə ghâsènì nə pɔ se nə chùŋ, kûmə̀ nə ghâsènì tàʼa pɔ, ə shîŋə̀kè tə kwəyn, ə ghâsènì kwi, mə nyi emaʼtè ə ghasènìve.

Ŋwàʼlè ə̀ Pɔ̂l sê ghɨə Lûmghè 11:22

Ghàyn ə fe nə, ə apàs àmɔ̀ʼ, Zhə̀fè nyiə pɔynə̂ nâʼà àchûŋ, ətə kəmɔ̀ʼɔke fe tɛ nâʼà sə ŋaŋ. È nyiə tɛ se ghɨ ghɛ ə nyi mə ə njìsè ndomve, kyi ə̀təm ə chûŋghè ezhoghɛ ə ghàyn pa chûmtə̀ ndom ə vəynve. Pîza ə ghàyn chùmtə̀ va ndom ə vəynve, ə è tə fɨaftê tsɨ̂sè kepî ghàyn.

Matyò 16:18

M pîə sê ghò Pità nə, ò nyi anayn, mə fa etûə anayn M nə̀ pɛ ndɛ àtsɨ̂ynte zɨ̂mzè. Mə pî àtyaʼ ekwuke vayn kaʼa ə ke nəʼse zə̂ynzè.

Ŋwàʼlè ə̀ Pɔ̂l sê ghɨə Lûmghè 12:12

Nâʼàpî ndè e saŋnə̂ kûmə̀ ə̀ghɛ ghɛ ə è ndə̀m təmə se tə̂ kyî, kolə ə̀təm ə və ətetsòs, kolə ə̀təm əfètə̂ ètsə̀m shîŋə̀ tekɨ̂m.

Ngàleshyà 6:10

E za tyə̀nə̀ nə ə ghâsènì kyi ndomnə̀fè nâʼà pî ashìŋə̀ àkè se nə chùŋ, ghâsènì mɔmsə̀ se nə kə sê ghɨ ghəkɨ̂m, fɨnə nə̂ nâʼà setsɨ̀ sê ghɨ ghɛ ə ghâsènì ghə̀ ghənə kyi kyî epomə̂zè emɔ̀ʼ.

Ɛfesùs 3:12

Epomə̂ ghasènìze è tsɨ̂yntè zɛ ə ghâsènì kyi ghâsènì ghə̀ Klâys ə nə̀yn nə ghâsènì ə nyi mə ə kaʼa piə nduə ndò sê Zhə̀fè mə fânə̀ va fɨa, ke səmɔʼ nə fe nə̀ fiə ghâsènì.

Ipilù 4:16

Ə̀ za nyi eghɛ zɛ ə ze tsɔ̂fə̀ nə ghâsènì maʼa fâynzè ə pəyn paʼsê etipì ə fekyə̂ fə elùʼ efɔ̀yn ə Fezhə̀vè elùʼ vɛ ə fûʼkè nyi. Ə nyì fumə ə ghâsènì nə̀ kyiə kosê esəynze, è fùʼkè, se tsàmtə ghâsènì ashìŋə̀ etsòskè.

Ipilù 6:18

Ghɛ nə ghɨ̂nə̀ ə̀ pɛ̀ nyîə nyi, mə ghe vayn kaʼa ə ghe kwiyne, Zhə̀fè e va se wam kûmə̀ ghəynghe, kə ghe tɨmse ghâsènì ghɛ ə tə ndû ndə̂tè ə Zhə̀fè ngùŋ ə nə̀ ghâsènì e tɛ, ke səmɔʼ nə ə tə kyîə àfɨa kɛ ə naynə ndùə kəynke.

Ipilù 7:19

Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.

Ipilù 10:19

Ghâsènì ke ndô zôyn səmɔʼ ə ghɔnyìə ghɨmə nə ə tə njiə Eluʼ Eŋwaʼ Engaŋtə Kwəynəve kûmə̀ m̀ndəm mə Njisə̀sə̀m.

Ipilù 10:21

Ghâsènì kyi wùə èkɔʼsə nə èshyə̀ èghaʼâ, è naynə̂ nâʼàpî ghè ə ndɛ̂ Fèzhə̀.

Ipilù 11:1

Sə̂ kyi èkyî epomə̂zè nyì nə fɨa vɛ ə ghâsènì kwàʼtə̀ lɨmtə vəynve, ghâsènì nyîə ke səmɔʼ nə ə tə kyiə vəynve. Pomə̂zè nyi sə̂ ke səmɔʼ nə fɨake nyiə nyi nâʼà pî kə ò pa tsɨs ndɔ̀ʼɔ ò fe fɨa ətəynke è shize

1 Pità 4:17

E nyi nyiə kûmə̀ nə shîŋə̀kè ə kwəyn kə Zhə̀fè saʼ mbi, È ve nyi se zhə̀tə̀ è ghɨ vəynghe. Mə ə fe zhə̀tè se saʼ ə ghâsènì sə shi, ə ze tə pəyn ə ze ə nyi zàyn sê ghɨ ghɛ ə ghe tàʼa pomə̂ ə tom èchùŋ zɛ ə è ndò sê Zhə̀fè ə?

Etyə̂yn ə paynsêzè 2:26

Ə̂ nò zhi pîndè pi, nə̂ kə ə̀ghɛ ghɛ ə m kyiŋə se zaʼâ əkwùŋse, ə m fo tyaʼa sê vəyn ə è və saʼa tèndaʼ.