Ipilù 3:2 - Ŋwàʼlè ə̀ Fèzhə̀ Mkâyn Mə̂ Fèm

² È tè fɨ̀aʼa sê Zhə̀ fɛ ə fe tè chɔʼ vəyn è təm ə vəynghe əkɨ̂m kèpî kə Mosîs tè fɨ̀aʼa ə ndɛ ə̀ Fèzhə̀ è təmə vəynghe əkɨ̂m.

Ipilù 3:2 Referans Kwoze

1 Timotì 3:15

mə ghɛ nə̂yn nə m laynte, ə ŋwàʼlè zɨ̀nə tsamte kə ghàyn ke ndom vɛ ə ghàyn kàʼa ə ghàyn ə ndamə ə ndɛ ə̀ Fèzhə̀, mə za nyi ndɛ ə̀ Fèzhə̀ fɛ ə fe ndamə, ə̀ nyi àtɔ̂ʼ, è chi ə ndɛ kɛ ə ke tɔ̂ʼɔ̀ səmɔʼ.

Ɛfesùs 2:22

Ghàyn ghɨ mɔʼɔ za tsɨ̂ynte nyi əfètə̂ Klâys kə efɨa e pɛve, è və fɛte ghàyn nə ghàyn nə nyi eluʼ vɛ Zuʼsə Fezhə̀sè ndamə ətəyn.

Ipilù 2:17

Ə̀ za nyi eghɛ zɛ ə ze tè nəyn è və kɛsə̂ sè nyi kepî kə ə ghɔnyìə vəyn ghe ətendom tèkɨ̂m, kə è fɛte ke sə̂ fɨ̂aʼà kə wùə èkɔʼsə nə̂ èshyə̀ engaŋtə kwəynə, fɨnə kosə̂ esəyn sê ghɨ, fɨ̂aʼà sê Zhə̀fè se nə̀yn nə fe lɛse fo sepi sə ghɨ̀sè.

Njɔyn 17:4

Mə tè fo pomsê ekayntəze sê ghò ə chi, mə mɨ̂sè fɨ̂aʼ kɛ ò tè fo nə M nəyn.

1 Timotì 1:12

M fo àzɔ̀ŋnè sê Pɛ̂pɛ ə ghâsènì Klâys Njisə̀s kə È fo tyaʼa nə mə nə̂ èfɨ̂aʼ nə zɨ̂nə̀, ə fɨnə fe mi kə wùə vɛ ə è kwənə, ə chɔʼɔ mi nə m nəyn fɨ̂aʼ ə vəynze,

Njɔyn 15:10

Ə ghàyn ndə̀mə̀ lwɔ̂ŋ vɨmve, M mə pa kɔ̂ŋɔ̀ kə ndò ghàyn. E nyi kepî èghɨ kə M ndəmə̀ lwɔ̂ŋ ə Pɨ̀a vɨ̂mvè, è pa kɔ̂ŋɔ̀ kə ndò Mi.

Njɔyn 8:29

Vɛ ə È tom Mi nyi ghasè Vəyn, È paʼà zà Mi Mî nɨŋ kûmə̀ nə M zâŋsə̀ nə̂ kə èghɛ zɛ ə È kɔ̀ŋə̀.”

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.