Ipilù 2:3 - Ŋwàʼlè ə̀ Fèzhə̀ Mkâyn Mə̂ Fèm

³ E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 2:3 Referans Kwoze

Ipilù 12:25

Ghàyn e tɔ̂ʼnə̀ kə wùə sê ghàyn nə tə se zɨtê sê vəyn vɛ ə è wàmnə̀. Ghɔ Isìlây ghè ə tè tə se zɨtê sê wùə vɛ ə è tè pəyn è tom ə̀ Fèzhə̀ fa mbi, zamə ə tàʼa faŋ se tsosə ghənə. E za tyə̀nə̀ nə ə ghâsènì ke tə se zɨə kyə̀ wùə vɛ ə è ndo ekwùtwəyn, ə ghâsènì tə kyî ètsôs ə və tsɨə tsɛ̂ və ghənə̂vè.

Ŋwàʼlè ə̀ Pɔ̂l sê ghɨə Lûmghè 2:3

Ə wùə se ghàyn tənə saʼ sê ghɨə mɔ̀ʼɔghe, pa nə̂ kəpi ə̀kyì əghɛ nə ghɛ mə, è kwàʼtə̀ nə è kàʼa è tə tə fɨ èsaʼ ə Fezhə̀zè ə?

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Ətefɨ̂aʼ 4:12

Ə̀ nyì ke Vəyn ènɨŋ ə È kàʼa ə È sɔza ə̀ghɨ, kûmə̀ nə Zhə̀fè pâʼà fɨyn fo wùə vîvè ə mbi kə è kàʼa ə è sɔza ghâsènì.”

Ipilù 4:11

Ə ghâsènì mɔmse nâʼà è tyaʼa se nji elùʼ ezɨtə nə vɨ̂yn. Kə wùə se ghâsènì tə faŋ se nji kə ghənə tè shwìe kyiŋ se nji kûmə̀ nə ghənə tè kyi va kyî epomə̂zè.

Ipilù 1:2

Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Tom èchùŋ kè kə Lûk tè nyaʼ 1:2

Ghənə nyaʼ əghɛ mə ghâsènì əkɨ̂m əzɨ sê ghɨ ghɛ ə tè fe ghɛ tə kè se zhə̀tè kə ghe tè kyànə tsɔ̀fə kə ghənə faŋ ə tsâ.

Etyə̂yn ə paynsêzè 7:10

sè pɨa nâʼà è kyə̀ e tɛ pìə nə, “Ghâsènì ə kyi sɔzaze sê Zhə̀ Fɛ ə fe tsɨs əfekyə̀ fə efɔ̀ynfè è kɨsè sê Va Ndzè.”

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

1 Timotì 1:15

Ə̀ zɨnə nyi ewâmnè ə səmɔʼze, mə ə kyi se lotə pomə kè kə ze nyi, mə ə mɛnə̂ chîəva ndô, nə Klâys Njisə̀s tè pə̀yn ə mbi se sɔzà əghɨ pighe, m lote nyi kàyntè ə̀ wùə èpi əfètə̂ ə̀ghɨ̀ ə pighe.

Matyò 23:33

Ghàyn mbam sɨ̂nə̀! è ghɔyn ə se mbam ghɨ̂nə̀! Ghàyn kwàʼtə̀ nə ghàyn kàʼa kwi zayn se tàʼa ndù elùʼ ewùs ə?

Ipilù 4:1

Zhə̀fè ə tə tsɨ̀nə̀ nə ghâsènì tə kyîə àzɨ̀tè kɛ ə è tè wàmne kûmə̀ kəynke. Ə ghâsènì ə tɔ̂ʼnə̀ kə wùə se ghâsènì tə faŋ se kyî àzɨ̀tè kɛ ə Zhə̀fè tè tsɨ̀ne.

Ətefɨ̂aʼ 2:22

Pità ə pìə kwəynsə̂ nə, “Ghàyn ghɛ ə ghàyn nyi əghɨ ə Isìlây, ghàyn zɨte ghɛ zɛ m kyiŋə se pì. Njisə̀s tè nyi wùə ə Nazalɛ̀t mə Zhə̀fè ə tyə̀yn ə ndayn sê ghàyn nə Fə tom Vəyn. Fe nəyn nyi endom nə Njisə̀s tè nə̂ əghɛ ə kayntəghe, tyə̂nə̀ sèchwìə sə ghɛse se tyə̀nə̀ nə ə̀ nyi Vəyn vɛ ə Zhə̀fè tom. Ghàyn, è ngɨŋ saynse nyîə fɛte ke ə̀ghɛ nə ghɨ̂yn nâʼà ə̀kɨ̂m, kûmə̀ nə ghe tè kyàynə ə ghàyn əfètəyn.

Njɔyn 15:27

Ghàyn nə̀ nə̂ ə pɔŋɔ wàmnə̀ kə səmɔʼ sê ghɨ kûmə̀ mi kûmə̀ nə ghàyn tè nyi ghâsènì, ə zhə̀te.”

Tom èchùŋ kè kə Lûk tè nyaʼ 24:19

È və pfɨfə nə, “Ə nyi əghɛ ə kɛ?” Ghənə pə̀ynsə̀ nə, “Ə nyi ghɛ ə ghe kyàyn sê Njisə̀s və Nazalɛ̀t. E vâ nyi fɨ̀aʼtè, pìə əghɛ ə kayntə, nə̂ ghə mɔʼɔ. Zhə̀fè ə pomə̂ vəyn, ghɨghə pɔŋɔ pomə.

Ŋwàʼlè ə̀ Mâk 1:14

Ə tè nyi ə shɨŋ nə zɛ mə ə fâ Njɔyn ə ndɛ ə̀ chaʼ. Njisə̀s ə kɛsə̂ njiə ndûə apàs endaʼ ə Ngalìlîkè, ndàʼà tom èchùŋ ə Fezhə̀,

1 Tèsàlonikà 5:3

Shîŋə̀ kɛ əghɨ tə nə̂ ə pîə nə, “Pɔ̂ynè nyì ndô, tsôsvè va,” ə tsôsvè pfɨ̀ŋə̀ pəyn sê ghənə ə ve ə kwə̂mə̀ kə nyî, kèpi èghɨ kə vayn zhə̂tə̀ se zafə wùzhɔyn. Nâʼà wùə sətəyn tə tə va.

Tom èchùŋ kè kə Lûk tè nyaʼ 1:69

Fe ə fo mbàŋ àngyə̀s sê ghâsènì mə è fɨ esas ə ndɛ Ndàfɨ̂tzè, ə wufɨ̀aʼa ə̀ vəyn.

Matyò 4:17

Se zhə̀tè ashìŋə̀ kɛ ə Njisə̀s tè ndùə Ngalìlî, ə zhə̀tə̀ se ndàʼà tom ə̀ Fèzhə̀ pîə nə: “Ghàyn kəmne ə ghànə sepi, kûmə̀ nə fɔ̂yn ə Fezhə̀ və paʼsə̂.”

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

Ipilù 1:1

Ə̀ tè nyi sə mɨ, Zhə̀fè e wàmnə̀ sê ghə̀pɨ̀a ghasènìghe tɔynə̂ ə sèfɨ̀aʼtè. Fe tè wàmnə̀ kə ə tendom ə tendom, kə teshìŋə̀ teshìŋə̀.

Ipilù 1:14

E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

1 Njɔyn 1:1

Ghàs tsà sê ghàyn kûmə̀ tom zɛ ə è fo ndamze. Tom nə zɨ̂yn tè nyì ndò tsɔ̀fə kə mbi zhə̀te. Ghàs ə tè zɨ kə è tè wàmnə̀ sə ghàs ə ngɨŋ, ə fe kə nâʼà vəyn è shi ghasə ə fɨnə kûmə̀ kə nâʼà vəyn è gho ghasə sè wâmnə̀ zôyn kûmə̀ vəyn.

Njût 1:17

Pîza, ghàyn kwaʼte ə soyn sɨmse ghɛ zɛ əghɨtom ə Pɛ̂pɛ ə ghâsènì Njisə̀s Klâys tè tsàyn sê ghàyn sə mɨ.