Ipilù 2:10 - Ŋwàʼlè ə̀ Fèzhə̀ Mkâyn Mə̂ Fèm

¹⁰ Ə̀ tè nyì ke nâʼà èghɛ echûŋzè nə Zhə̀ fɛ ə fe tè fɛte fɨave ekɨ̂m, ə nə̂ kəpî nə ze ə pɔynə̂ kə fɨa ətəynve ə nyi kendò, è və nə̀ nə Njisə̀s fe tsôsvè se kwəynê ə mɨsè, kə è nji pəyn è ghɨə tsɨəghe ə vəyn epomsê, kûmə̀ nə ə̀ nyì Njisə̀s kə è chwìtə̀ ndom esɔzave sê ghənə.

Ipilù 2:10 Referans Kwoze

Ŋwàʼlè ə̀ Pɔ̂l sê ghɨə Lûmghè 11:36

Ə̀ fɛtə̂ Fèzhə̀ fɨave e kɨ̂m, fɨa ətəyn ve nyi kûmə̀ nə Fe kɔ̂ŋɔ̀ nə ve ə nyi, ə̀ kyi vəyn è fɨa ətəynve ekɨ̂m. Pomsêzè nyì se Zhə̀fè sə teshìŋə̀ tèkɨ̂m. Ə ze ə nyi ke zamə.

Ipilù 12:2

Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 6:20

Kûmə̀ ghâsènì, Njisə̀s ə tə nji fumə elùʼ sə shi sê ghâsènì, ə ke pə̀yn sə nyi wùə èkɔʼsə nə̂ èshyə̀ èngaŋtə kwəynə sə teshìŋə̀ tèkɨ̂m kèpi endom vɛ ə Mèlkisendèk tè nyi ətəyn.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 24:46

ə fɨnə pîə sê ghənə nə, “Ə tè nyàʼ nə, Klâys kyi se fe ngəʼ nə ə nyi mtuʼ mta, e zomə e kwu,

Tom èchùŋ kè kə Lûk tè nyaʼ 24:26

Wùə vɛ ə Zhə̀fè chɔʼ ndə̂m tè va se nə fe ngəʼ tsɔ̀fə kə è nji ə vəyn elùʼ epomsə və?”

1 Pità 5:10

Ghàyn nə̀ fe ngəʼ kè sə fendiŋə̀ fə ashìŋə̀fè nyi, epàm ətəyn, ə Zhə̀ fɛ ə fe nə̂ chùŋ se ghâsènì əghɛ ə̀kɨ̂m, mə Fe ə tɔŋə̂ ghâsènì nə ə nyi paʼsê kepî ə vəyn ə fètəyn èghaʼ sə afɨa àmɔ̀ʼ è Klâys. Nâʼà vəyn è ngɨŋə̂ vəyn tə nə̂ kwəynsə̂ nə ghàyn ə kyi àtyaʼ, tyəm tɛ ə ghàyn e samsê, ə è nəyn ə ghàyn ə ndam kyi ekol ətəmze.

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.

Ɛfesùs 3:10

ə fe nəyn ə zuʼse è twɔʼ vɛ ə ve tàyntə̀ tsɛ̂ ekwùtwəyn nə ke ètɔf eghaʼâ ə Fezhə̀ zɛ ə fe tyə̀nə̀ kə ə tendom ə tendom tɔynə̂ endəmə̂ ə ndɛ ə̀ Fezhə̀zè,

Etyə̂yn ə paynsêzè 4:11

“Pɛ̂pɛ vâsvè, è Zhə̀ Fasfe, ò nyiə kwəynə̂ se kyi epomsê, è kɔʼsêzè è tyaʼke, kûmə̀ nə ə̀ pom ghô fɨave ekɨ̂m, mə tɔynə̂ ə ghò ekɔ̀ŋ, ə pomə vəynve ə nə̀ nə və ndamə.”

2 Timotì 2:10

Ə̀ za nyi eghɛ zɛ m kolə təmə nâʼàpî ə tə ghè kè kûmə̀ ə̀ghɨ ghɛ ə Klâys nyi mə È və chɔʼtê, kə ghənə tə pɔŋ kyî èsɔza zɛ ə ze pə̂ tɔynə̂ ə Klâys Njisə̀s, pə̂ è pomsê zɛ ə ze tə mîə va.

Kòlosè 3:4

Ə̀ nyi Klâys ə è paynse nyi èndam ə ghasènìze, mə shîŋə̀ kɛ ə è tə pə̂ fâ ə fètə̂ ə̀ mbi, ghàyn əkɨ̂m tə pə̂ ə nyi ghâyn ghə̀ vəyn, è pomsê ə vəynze ekɨ̂m.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

2 Kolìŋ 3:18

Ghâsènì əkɨ̂m nyîə kyi èpomsê ə Fezhə̀zè shîŋə̀ kɛ ə kyaʼ tə ghasènìte nyi ndɔ̀ʼɔ kɨyte, ə kyì epomsê nə zɛ mə, ə ze pə̂ se Pɛ̂pɛ, mə è nyi Sezuʼ, se kwiynə̂ ghâsènì nə ə nyi ke kə vəyn kə ghâsènì ə kyi èpomsê zɛ ə ze nyanə nduə kə èshike.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

Etyə̂yn ə paynsêzè 7:9

Epàm ətəyn, mə fe anɔ̂yn əghaʼâ əghɨ̀kè mə ə màʼ ndzɨse fɨfə̂sè, mə ə vayn kàʼa taŋ mɨsè, kyi ə̀kyì əghɨ̀ ghəkɨ̂m, mə ə fɨ pə̂yn ke tâŋ tekɨ̂m, ə fɨnə fɨə ndaʼa tèkɨ̂m, wàmnə̀ kə tewâmnè tèkɨ̂m. Ghənə tè nyi mə ə tyəm ashiə fèkyə̂ fə efɔ̀ynfè è kɨsè ə Va Ndzè əshi, kyi èchwɔ̂ ə ghənə ə gho,

1 Pità 5:1

Ə mi kèpî kə chəʼ, ə wùə vɛ ə m tsâ sê ghɨ kə Klâys tè fe ngəʼ, mə m nyi wùə mə pomsê ə Klâyszè tə pə̂ kəpî sê mi, m chyatə̂ ghàyn nə,

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

2 Kolìŋ 6:18

ə mə nyi Pɨ̀a sê ghàyn, ə ghàyn ə nyi ə̀ ghɔyn ghɨmghe ndomə̀ghè è ghe zəynghe, ə̀ pi Fezhə̀, pɛ̀ àtyaʼ akɨ̂m.”

2 Kolìŋ 5:18

Ghɛ nə ghɨnə əkɨ̂m nyi mə ə̀ nəyn Fèzhə̀ sê ghâsènì, ə vəyn vɛ ə è tsɨ̀yntè ghasènyìə ghə̀ vəyn tɔynə̂ ə Klâys. È və fo kepî ghàs èfɨaʼ ekɛsə njiə pə nə ghɨ̀zè sê vəyn.

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Njɔyn 19:30

Njisə̀s ə mɨə mlɨ̂ me ngwaŋə̂m mə̂təynm ə pìə nə, “Zə mì. Kè sə ashìŋə̀, e və ngɨmsə̂ àtu ə Vəynke ə kwuə.”

Njɔyn 11:52

È tè paʼà kwu ke sê ghənə. È və tè kwu kepî atu ə ghɔ Fezhə̀ ghɛ ə ghe chyâsè kə ghənə kɛse zûŋtè pə̂yn ə̀ nyi ke sə afɨa àmɔ̀ʼ.

Tom èchùŋ kè kə Lûk tè nyaʼ 13:32

È və piə sê ghənə nə, “Ghàyn ndù tsàyn sê sɔ̀ŋɔ̀ nə̂ fɛ nə, ‹M chûmə̀ fɨsə̂ tèpamə̂ tə satàyntè ndâyn ə m fɨyn tsuʼ ə̀ ghɨ se zaʼâ eyisəʼə. Ə nyi sə mtuʼ mta, ə m se mɨ̀sè efɨa zɨme.›”

Tom èchùŋ kè kə Lûk tè nyaʼ 2:14

“Pomsêzè sê Zhə̀fè elùʼ engaŋtəve ekwùtwəyn, pɔ̂ynè e nyi ə chi sê ghɨ ghɛ ə È kɔ̀ŋɔ̀!”