Ipilù 13:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Kə ghàyn pomə nə kɔ̂ŋ ekɛze ə nyi ə ghàyn endam, ghàyn e nyi èsaŋnêzè è fɨa kɛ ə ghàyn kyi kûmə̀ nə Zhə̀fè ə tsɨ̀nə̀ nə, “M tə zâ va ghàyn nâʼà səkɔs, va se tə kyiynê ə ghàyn.”

Ipilù 13:5 Referans Kwoze

Matyò 6:25

“Ə̀ za nyi eghɛ zɛ m tsâyn sê ghàyn nə: kə ghàyn ə kyi èfɨmsê nə ghàyn nə̀ zhiə ghɛ̀ ə mɨ ghɛ endom sə̂ ndamə, pî kə se ndzɨs sê wiyn vɛve. Nâʼà sə kàyn, ndam zayn tsɨ̂ə tsɛ va fɨazhiə və? Wiyn vaynve kɔʼnə̂ tsɛ̂ va ndzɨse ə?

Matyò 6:34

È za nyi nə kə ghàyn ə kyi è fɨmsə̂ kûmə̀ ezhwisəʼəve. Kûmə̀ nə zhwisəʼəve tə nə̂ ə və kyi zə vəyn nə tefɨmsê. Naʼapî ètuʼ èkwə̀ kyi tètsôs te tsɨəte te kwəynə kə sê tuʼ nə fɛ.”

Kòlosè 3:5

Nyiəmə, ghàyn nji tsɨsè ə̀təm ghaynghe əghɛ senjà sewìynse nâʼà ə̀kɨ̂m. Ghàyn fɨse təmghe ətə̂ ə̀ghɛ kə, əghɛ sə chûmtə̀ ə̀zəyn, è ndômnèghè, ghɛ eliŋghe, ghɛ ghɛ ə njà sewìynse kyiŋə, sə kyi ekwaʼtè epize, è shiə fɨəghe. Ə ghàyn fɨə èshighe, ə ze ə nyi kəpi ghàyn tɨmə m̀kɨ̂m sê Zhə̀fè mɔ̀ʼɔfe.

Tom èchùŋ kè kə Lûk tè nyaʼ 3:14

Sokə̀ʼse ə pɔŋɔ pə̂ ə pfɨfə nə, “Ə nâʼà ghàs ghayn ghe?” È və piə nə, “Kə̂ ghàyn fɨyn fi àfɨa ə wûəkè sə atyaʼ, kə̂ ghàyn fɨyn pi nə wùə ə nə̀yn ghɛe, ndɔ̀ʼɔ è nə̀yn, kûmə̀ kə nə ghàyn kyiŋə àfɨa. Ghàyn zhiə kə ekɛ vɛ ə ndâʼà ghàyn ə təyn.”

2 Pità 2:14

Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!

1 Timotì 3:3

ə̀ kyi sə̂ nyi wùə, mɨə tsɛ̂sə̀ va lɨ̀m, kɔŋə̀ va ngyə̀skè, pîza kolə ə̀təm, nə̂ va ghɛ sə zəʼtə̂ ndô ghɨ, zɔ̂ tsɛ̂sə̀ va, shiə vəynghe fɨə tsɛ̂sə̀ va ekɛ.

Ɛfesùs 5:5

Ghàyn nə ke səmɔʼ nə ghɨ ghɛ ə ghe chûmə̀ zənə kɨ̀sə ghɛ ə ghe chûmə̀ ndômnèghè, è ghɛ ə ghe nə̂ ghɛ nyələ mɔ̀ʼɔ, è ghɛ ə shiə ə ghənə fɨə (ə̀ nyi endom vîve sə̂ kɔʼsə̂ èfɨaʼsè) vayn kàʼa ə nji elùʼ efɔ̀yn nə Klaysvè yî Zhə̀fè.

2 Pità 2:3

Tɔynə̂ ə ghənə əshi ə fɨəghe, tyə̀ynsè sə akaŋ nə sɨ̂yn tə nə̂ pə̂ʼlè ə ghàyn ewìyn tɔynə̂ ə ghənə mghâŋghàŋə̀ mə èzômə̀. Zhə̀fè ə tə chɔʼnê nâʼà sə mɨə nə zhi nə̀ pofsə̂ ghənə, mə pofsê ətəynze vayn faŋ se pə̀yn.

Ɛfesùs 5:3

Ghàyn nyi nyî nyi ə̀ghɨə Fezhə̀. Kə tə ndəʼ zɨ èghɛ kûmə̀ è chûmtè ə zəyn kɨ̀sə echûmtè ə ndomnèzè, è shiə ə fɨə, è ghɛ nyələ mɔ̀ʼɔ ə ghàyn əfètəyn.

1 Kɔlìŋ 5:11

M tè pɨlə nyaʼâ se pì nə, kə ghàyn nə tsɨ̂yntə̀ ghâyn wùə è tɔŋtə̂ ngɨŋə̂ vəyn nə ànyì pîza chumtə̀ ə̀zəyn kɨ̀sə ə̀ndômnè, shiə vəynghe fɨə, è fɨnə ngɨmnə̂ èfɨaʼsè, pofsə̂ ə̀zə əghɨ̀, fɨnə mɨə m̀lɨ m̀ ko, è kɨsè ghɨ chɔŋə. Kə ghàyn nə mômsè ke nâʼà ndò se zhi ghâyn kyì ə ghɨ nə ghɨnə̀.

Tom èchùŋ kè kə Lûk tè nyaʼ 8:14

Zhi zɛ ə è tàyntè ə m̀sòlèndzɔŋ za nyi kə əghɨ ghɛ ə ghe zɨ ghɛ ətəyn, sè ndamtə̂ kɔʼɔ, shiə ghənə̂ghè e sè tsɨlə, ghənə e kyiŋə eghaʼ, nyɨŋə kə epàm efɨa ə chiu, ghɛ nə ghɨyn e tàsə̀ nə kə ghənə ghəʼne əfètə̂ epomə̂ ə ghənə̂zè.

Ŋwàʼlè ə̀ Mâk 7:22

nyîŋə̀ è zhwiə ə ghɨ̀ghè è ndôm ə ghɨ̀ghè, kyi əshi ə fɨə, kyi ə̀təm ə piə, lesə̂ ə̀ghɨ, ghomə va, ghə̂ʼə̀ ə̀ghɨ, ndə̀mə̀ kôghɔ̀ŋ, ghaŋsə̂ èwiyn, nə̂ ə̀ghɛ ango.

Njût 1:11

Ngəʼ e ghaʼa nyi ə ghənə tu! Ghənə ə chùmtè ndom vɛ ə Kên tè nji kə è tè zhwi ànyìə vəyn. Kè kûmə̀ èkɔ̂ŋ ekɛze, ghənə ə fo ngɨŋ sə ghənə̂sè se tsas sɛ ə Palàm tè nəyn. Ghənə ə tə se pomə̂ sê Zhə̀fè, ə pofsə̂ sèngɨŋ sə ghənə̂sè kèpî kə Kolà tè tə ə pofsə̂ ngɨŋə̂ vəyn.

1 Kɔlìŋ 6:10

è ghɨ chɔŋə, è ghɨ shiə fɨə, è ghɛ ə ghe mɨə lɨ̀m, m̀ ko, è ghɨ ghɛ ə ghe pofsə zə ə ghɨ̀ghè, è ghɨə chɔŋəghe tə kyi va luʼve elùʼ efɔ̀yn ə Fezhə̀vè.

Ŋwàʼlè ə̀ Pɔ̂l sê ghɨə Lûmghè 1:29

Ghənə nyi mə ə lwiyn èkyì tə ghɛ əpi tekɨ̂m kə; ətəm epighe, è fɨə ə shize, nyaŋə əghɨ əmɔ̀ʼɔ, kyi àghə̀ʼ, zhwiə ə̀ghɨ, kɔŋə̀ ètsôs, kɔŋə̀ sə chɔŋtə̂, lɛsə ə̀ghɨ, piə èfim.

Matyò 6:19

“Kə ghàyn ə ndə̂mə̀ èghaʼ zayn ze fa chi, elùʼ vɛ ə shɔʼshɔʼe, è chaʼè kaʼa ve pofse, mə ghɨ echɔŋə kaʼa kəm nji kepî ə ndɛ ə chɔŋ vəynve.

2 Kolìŋ 4:9

Pàyn se tsɨəse nyîə nyi, pîza ghâsènì e va shîŋə̀ kyîke mə soyn va, pî kə zâŋsə̀ təynsə ghâsènì nâʼà sə ŋaŋ shîŋə̀ tîte, pîza pofsə̂ va ghâsènì.