Ipilù 12:2 - Ŋwàʼlè ə̀ Fèzhə̀ Mkâyn Mə̂ Fèm

² Ə ghâsènì ə naynə̂ ndûə kə sê Njisə̀s. Ə̀ nyi vəyn vɛ ə è pùʼ ndom ekyî epomə̂ ə ghasènìze, ə fɨyn nyi ke vəyn ə è chisə pomə ətəynze se ndùə tânə̀ əkwùŋse. È və tə pomə̂ se kwu awâmnè ə tàʼa njì eghomə zɛ ə ze tè nyi e kyì ekwu nə zɨ̂nə̀ sə eghɛ kûmə̀ nə è tè nyiə ke nə ə̀ tə nyi epàm ətəyn, ə è və saŋnə̂. È nyi zôyn, tsɨs ekɔyn e twɔ ə fekyə̀ efɔ̀yn ə Fezhə̀vè.

Ipilù 12:2 Referans Kwoze

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Ipilù 1:3

Va vəyn nə vɨ̂yn panə kə epomsê ə Fezhə̀zè, nyi ke èghɨ kə Fèzhə̀. Tɔynə̂ ə vəyn ewàmnè zɛ ə ze nyi, è və nə̀yn nə ghɛ ghɛ ə ghe nyi ə nyi ndu kendò. Ə̀ tè nyì kə è nə̀yn nə ə lɛse fo sèpi sə ghɨ̀sè, è və tsɨsə̂ ə Zhə̀fè ekɔyn etwɔve ekwùtwəyn, ə fɛ ə fe kyi kàyntè àtyaʼ.

Ɛfesùs 5:2

Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.

Filìpây 1:6

M ke ndô səmɔʼ nə ghàyn tə mɨ̂sə̀ ndò fɨ̂aʼ echûŋ nə zɨ̂yn ə Zhə̀fè zhə̀tè ə ghàyn əfètəyn nyî tsɔ̀fə Klâys se pə̀yn.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.

Njɔyn 6:40

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

1 Pità 3:22

È və zòmə̀ ə kɛsə kɔʼɔ ekwùtwəyn, sè tsɨs zôyn ə Zhə̀fè ekɔyntwɔve, saʼa sètsì sèkɨ̂m, fɨnə saʼa sèzuʼ sèkɨ̂m sɛ ə se kyi twɔʼve.

Ətefɨ̂aʼ 5:31

Zhə̀fè ə njìə kɔʼsə̂ Vəyn ə Vəyn ekɔyntwɔ ə nə̀ Vəyn nə È və nyi Wùə èchisə fɨyn nyi Sɔ̀zà, kə È nəyn ə ghɨə Isìlâyghè ə kyi èndom se kwiynê ətəm ə ghɛ piə ghənə, kə Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 24:26

Wùə vɛ ə Zhə̀fè chɔʼ ndə̂m tè va se nə fe ngəʼ tsɔ̀fə kə è nji ə vəyn elùʼ epomsə və?”

Njût 1:21

Ghàyn ndu ke èshike sə̂ ndamə èndam zaynze endom vɛ ə ghɨ ghɛ ə kɔ̂ŋə̀ Zhə̀fè kyi sə̂ ndamə kə ghàyn lɨmtə nə Pɛ̂pɛ ə̀ ghâsènì Njisə̀s Klâys pəyn tyəyn ekosê esəyn sê ghâsènì tɔynə̂ endam zɛ ə è tə fo sê ghâsènì mə ze tə mìə va.

Ipilù 8:1

Ghɛ zɛ ə ghàs paynsə̂ pîə nyi nə ghâsènì nyiə kyi wùə èkɔʼsə nə eshyə̀ engaŋtə kwəynə nyiə kə vɨ̀nə mə, vɛ è tsɨs ə ekɔyn etwɔ ə fekyə̀ fə efɔ̀yn ə Fezhə̀vè ekwùtwəyn.

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.

Filìpây 3:20

Pîza, ghâsènì nyi əghɨ ghɛ ə ndaʼa ghənə̂zè nyi awulə, eluʼ vɛ ə Pɛ̂pɛ Njisə̀s Klâys ndamə ətəyn. Ghàs lɨmtə̂ sɔ̀zà vâsvè Njisə̀s Klâys nə è ndo pəyn awulə ə è tso pəyn ə chi.

Ŋwàʼlè ə̀ Mâk 14:36

È və tsə̀mə̀ nə, “Pɛ̂pɛ, Pɨ̀a vɨm, ghɛ ghəkɨ̂m nyîə poynə̂ sê ghò. Njiə tsɨ̀se tsôs vɨ̂nə sê Mi. Pîza, nə̀yn kə ò kɔ̀ŋə̀, ə̀ vachi kə m kɔ̂ŋə̀.”

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.

Ipilù 13:13

Ə ghâsènì pɔŋ fɨ ndo elùʼ vɛ ə ghɨə ndamə, ə ndu kotê vəyn ə pɨaʼa kəpî èghomə̂ kə vəyn.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Tom èchùŋ kè kə Lûk tè nyaʼ 17:5

Ghɨətomə ə se pi sê Pɛ̂ nə, “Nə̀ ə ghàs tɔʼ kyi èpomə̂ sê Zhə̀fè!”

Ŋwàʼlè ə̀ Mâk 9:24

Kè nyiə kə è wàmnè mɨ̂sè, pɨ̀a va ə̀təyn ə pɨa pîə nə, “Mə pomə pîza fɨyn tsàmte mi ə m tɔʼ pomə̂!”

Ipilù 12:3

Ghàyn e kwâʼtə̀ endom vɛ ə Njisə̀s tè fe tsôsvè ətəyn əgho ghɨ̀ ghɛ ə piə ətəyn pîza kolə kə ndò təmə. Ghàyn e tɔ̂ʼnə̀ kə ndɔ̀ʼɔ ghɛze tə tâsè ghàyn ə ze nəyn ə ghàyn ə fɨnə samsə̂ va Zhə̀fè.

Ɛfesùs 2:16

Kwu ə vəyn nə zɛ awâmnè ə nə̀yn pofə ə ghasènìze ə mîə, è və kɛsə njìə ndùə è ghâsènì sê Zhə̀fè se afɨa àmɔ̀ʼ.

Ətefɨ̂aʼ 5:41

Ghɨətom ə Njisə̀sghè ə ndò elùʼ nə vɛ, saŋnə kə nyi kûmə̀ nə Zhə̀fè ə fe nə ghənə ə kwəyn se kyîə eghomə̂ kûmə̀ ezə Njisə̀szè.

Njɔyn 12:32

Ə nə̀ kɔʼsə̂ mi ekwùtwəyn, ə m tɔŋɔ nâʼà ə̀ghɨ ə̀kɨ̂m, ə ghe pə̀yn sê mi.”

1 Pità 1:11

mɔ̂msə̀ se kê ashîŋə̀ ə təynke è kɨsè kə ze tə kyânə̀. Ə kɨnə nyi ashîŋə̀ kɛ ə Zuʼse ə Klâys sɛ ə se tè ndamə ə ghənə ə fètəyn tè wàmnə̀ kûmə̀ kəynke, mə se tè pìə nə Klâys nə̀ tɔynə̂ ə sèngəʼ è kɨsè zɛ ə ze tə pə̂ ə ze ə nyi epàmə̂ təyn.

Ipilù 10:14

È tè fo ngɨŋ ə vəyn shîŋə̀ze emɔ̀ʼ se efo ze ə nə̀ nə ghɨ ghɛ ə Zhə̀fè nə̀yn nə ə nyi ə̀ghɨ yîghe ə kwəynə̂ mɨ̂sə̀ sə teshìŋə̀ tèkɨ̂m.

Njɔyn 12:24

M pîə sê ghàyn səmɔʼ nə, ə tàʼa zho eshi ə ngwàʼ ə̀ sɔ̀f zə chi nə ze kwu, ə ze faŋ ke sə ngwàʼ. Pîza, mə ə zho, ə ze kwu tsɔ̀fə kə e mu shiə sɔ̀f ə tsɨəghe.

Njɔyn 8:56

Pɨ̀a vâyn Aplàghâm tè nyiə saŋnə̂ nə è tə fe fètuʼ fɛ M tə pə̂ ətəyn. Ə fe fəynfe sè saŋnə̂.”

Njɔyn 1:29

Tuʼve ə zo Njɔyn ə fe Njisə̀s è pə̂ se vəyn, ə pìə nə, “Ə̀ vɨ̀nə nyi Vâ Ndzè ə̀ Fezhə̀. Ə̀ nyi Vəyn vɛ ə è njì tsɨsè pisə ghɨ̀ ə mbise!

Tom èchùŋ kè kə Lûk tè nyaʼ 23:11

Ɛlɔ̀t yî sokə̀ʼsə vəynse e nyâplə̀ e Njisə̀s ə ləʼsə̂ vəyn nyi ə màʼa tàla èchùŋ ə vəyn ewiyn ə kɛse tomə vəyn sê Paylɛ̀t.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

Matyò 16:21

Se zhə̀tè fumə ashìŋə̀ se ndù əshi, Njisə̀s ə zhə̀tə̀ se tsàyn sê chùmtè èpàm sə vəynse nə, “M kyi se ndù ə Njèlusalɛ̀m. Ə̀ nyì fumə kə m nə̀ zɨə ngəʼ ètsɨə ə chəʼse əgho, è ghɨ kɔʼsə nə eshyə̀ engaŋtə, è tyə̀ynsè sə alàŋsè. È və pìə nə ə nə̀ zhwiə Mi, epàm mə̂ m̀tuʼ mta, ə m kɛse zômə̀.”

Etyə̂yn ə paynsêzè 1:17

Shɨ̂ŋə̀ kɛ ə m tè fe vəyn, ə pfɨ̀ə ə və shi nyi ke kə m kwu ndô, pîza è və ndə̀mə̀ àgho ekɔyn e twɔ ə vəynke ə mìə atu ə pìə sê mi nə, “Kə ò fayn, ə̀ nyi mi nyi zhə̀te fɨyn nyi kwùŋse,

Etyə̂yn ə paynsêzè 1:11

ə pìə nə, “Nyàʼ ghɛ ghɨnə ə ò fe nyi ə tiynsə̂ ŋwàʼlè ə̀təyn sê ndɛ sə Fezhə̀sè esɛ̀mbɛ sɛ ə se nyi ə setɔ̂ŋ seghaʼâsè esɛ̀mbɛ mə za nyi Ɛfesùs, è Sɨ̀minà, è Pengamùm, è Tyàtilà, è Sandìs, è Fìlàndefìyà, è Làndisyà.”

Ipilù 7:19

Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.

Ipilù 1:13

Zhə̀fè tè paʼà pì sê tsì vəyn vîvè nə: “Tsɨsə apàs ekɔyn twɔ kɨmke se zaʼâ kə m nəyn ə pàyn sɛse ə nyi afɨa kɛ ə ghɨə tɔmtə gholə ə ghənə̂ghè ətəyn, kə ò tɔmte ghol ghɛghe ətəyn.”

Ətefɨ̂aʼ 2:36

Pità ə fɨnə pîə nə, “Ghàyn ghɨə Isìlâyghè ə̀kɨ̂m, ghàyn ə ke səmɔʼ nə m wàmnə̀ kûmə̀ Njisə̀s vɛ ə ghàyn tè nəyn ə payntə̂ Vəyn ə awâmnè, pîza Zhə̀fè ə nə̀ nə è və nyi Pɛ̂pɛ, fɨyn nyi vɛ ə chɔʼ ndə̂m.”

Ŋwàʼlè ə̀ Mâk 9:12

È və pìə sê ghənə nə, “E nyi ke nâʼà səmɔʼ nə Èlanjà pə̂ ndò sə shi, se pɨaʼtə nâʼà əghɛ ə̀kɨ̂m. Pîza, kûmə̀ ghè ə nyâʼ ə Ŋwàʼlè ə̀ Fèzhə̀ nə Vâ Wùə nə fe ngəʼ nâʼà sə ŋaŋ, ə fɨyn kwiynse nə è va afɨa ə?

Etyə̂yn ə paynsêzè 1:8

Pɛ̂ Zhə̀fè pi nə, “M nyi zhə̀te fɨyn nyi kwùŋse. Ə̀ nyi fəynfe ə fe nyi, mə fe tè nyiə nyi, nyi se tə pə̀yn, ə pɛ̀ àtyaʼ akɨ̂m.”

Ipilù 11:36

Ə tè nyə̀ʼsè yîghe, ə tsoynə ghəmɔ̀ʼɔ, kolə nâʼà yîghe è chaʼse, fɨnə ndɔmə̀ nâʼà ghə mɔʼɔghe ə ndɛ̂ chaʼ.

Ipilù 10:33

Shîŋə̀ tîte tè nyi, e sôylə̀ ghàyn, fɨnə fo ètsôs sê ghàyn kè ə ghɨghə shi, shîŋə̀ tə mɔ̀ʼɔte e pə̂, ghàyn e nyi èpɨaʼtêzè se tɔ̀ʼ əghɨ ghɛ ə tè fɨmsə̂ ghənə endom nə vɨnə mə.

Ŋwàʼlè ə̀ Mâk 16:19

Ə pə̀ kə Pɛ̂pɛ Njisə̀s wàmnè mɨ̂sè sê chùmtè èpàm sə vəynse, Zhə̀fè ə nə̀ è və kɔʼɔ ekwùtwəyn, ə tsɨsə̂ ə Fəynfe ekɔyntwɔve.

Ətefɨ̂aʼ 3:15

Ghàyn ə nə̀, ə zhwiə wùə vɛ ə è pə̂ endam ə səmɔʼze sè ghɨghe, pîza Zhə̀fè ə nə̀, È və zòmə̀. Ghàs nyi setsɛ̀ èsaʼ eghɛ nə zɨ̂yn.

1 Kɔlìŋ 1:18

Ghâsènì ə ke nə tom èkwu ə̀ Klâys awâmnè nyi kə eghɛ angôze sê ghɨ ghɛ ə ghe njisə̀ ndûə, pîza se ghâsènì ghɛ ə Klâys tè sɔ̀zâ, ze tyə̂nə̀ àtyaʼ ə Fezhə̀kè.

1 Kɔlìŋ 1:23

pîza ghàs e pɨlə ndaʼà kə nə ə tè payntê Klâys, ə tom mə ghɨə Njûsghè kɔ̀ŋə̀ va, è ze va nâʼà eghɛ zhîze sê ghɨ ghɛ ə ghənə va əghɨ ə Njûsghè.

Njə̂m 2:1

Ghɔnyì ghɨmə, ghàyn kə ghɨ pomə sê Pɛ̂pɛə ghâsènì Njisə̀s Klâys vɛ ə è kyi pomsêzè kyi va sə̂ kɔ̂ŋə̀ wùə ə̀mɔ̀ʼɔ̂, pânə̀ və mɔʼɔ̂.