Ipilù 12:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ə piə chwîtə̀ wùə è wàyn, è ve zɨə ètɨ̂m fumə ashìŋə̀, saŋnə̂ va, pîza ə piə chisə̂ mɨ̂sə̀ ndò, è və zaʼlə èghɛ, zə nə̀ nə è və ndamə èndam ə chichize è pɔ̂ynè.

Ipilù 12:11 Referans Kwoze

2 Kolìŋ 4:17

Tsôs etətə̂ vɨnə̀ ə ghâsènì fe zôyn fa fendiŋə̀ fə ashìŋə̀fè tə pə̂ ghâsènì è pomsê eghaʼazè mə ze tə mìə va, mə ə vayn kaʼa fɨaʼne zɨnə mə è tsôs vɛ ə ghâsènì fe.

1 Pità 1:6

Ghàyn e saŋnə̂ kûmə̀ ə̀ghɛ nə ghɨyn nâʼàpî kə ə̀ nyì zôyn sə fendîŋə̀, ghàyn zɨə ètɨ̂m kûmə̀ tèmɔ̂m kè ə tendom ə tendom.

Ipilù 12:10

Ghə̀pɨ̀a ghasènìghe ə chi tè pusə ghâsènì sə fendîŋə̀ fə ashìŋə̀ nyi, kè endom vɛ ə tɔf ə ghənə̂zè tè tyə̀nə̀, pîza sê Pɨ̀a ghâsènì ekwùtwəyn, è pusə ghâsènì endom se tsàmtè ə ghâsènì kə ghâsènì ə nyi è ŋwâʼzè kè pî kə è nyi è ŋwâʼzè.

Ipilù 5:14

Pîza, wùə vɛ ə è zhiə fɨazhiə e twɔve ə̀ nyi wùə mə è və zaʼlê, ə ghəʼnə̂ sè ke ə̀ghɛ echûŋə̀, ke ghe pighe.

Ŋwàʼlè ə̀ Pɔ̂l sê ghɨə Lûmghè 14:17

Ə̀ vachi se zhi efɨazhiəve, kɨ̀sə se mɨ mlɨ̂ ə ze kyi m̀kɔʼnè elùʼ efɔ̀yn ə Fezhə̀vè. Ghɛ ghɛ ə ghe kyi m̀kɔʼnè nyì sə̂ nyi chichi ə Zhə̀fè əshi, sə kyi pɔ̂ynè, è saŋnê zɛ ə ze ndô pə̂ sê Zuʼse Ŋwaʼase.

2 Pità 2:14

Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!

2 Timotì 4:8

M lɨmtə kə èmâʼte ə endam ə chichi zɨmze zôyn. Pɛ̂pɛ ə̀ ghâsènì vɛ ə è saʼa ghɨ səmɔʼ tə fo èmâʼtè nə zɨ̂yn sê mi fumə fetuʼ. È tə fo kə va sê mi, È tə fo kəpî sê ghɨ ghɛ ə ghe tè lɨmtə pə ə Vəynze èkɔ̂ŋzè.