Biblia Todo Logo
Bib sou entènèt

- Piblisite -




Ipilù 11:6 - Ŋwàʼlè ə̀ Fèzhə̀ Mkâyn Mə̂ Fèm

6 Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

Gade chapit la Kopi




Ipilù 11:6
47 Referans Kwoze  

Pîza, ghàyn nayne chi ə̀ghɛ efɔ̂yn ə Fezhə̀e sə shi ə ghàyn nəyn ghɛ ghɛ ə Zhə̀fè kyiŋə nə ghàyn nəyn. Ə ghàyn nə̀yn nyiə mə, ə Zhə̀fè nə fo fɨa mɔ̀ʼɔve nâʼà ekɨ̂m se ghàyn.


Ghàyn pɨl mɔ̀mse ke sə̂ ndamə kə ghɨ ghɛ ə nyi etîə esaʼ ə Fezhə̀e kə fe nə̂ fo kwəynse efɨa nə vɨ̂yn sê ghàyn.


Ə̀ za nyi eghɛ zɛ ə è nyi pî ashìŋə̀ àkè mə è kàʼa è sɔza ə̀ghɨ ghɛ ə ghe pə̀ sê Zhə̀fè mə ə tɔyne tsɛ̂ ə və gho kûmə̀ nə è nyîə ndamə faŋə, chyatə̂ Fèzhə̀ ə ghənə elùʼ.


Pîza ghənə kaʼa tɔŋə zayn vəyn nə è fi za ghənə mə ghənə paʼà pomə̂ se vəyn ə? Ghənə kaʼa pomə zayn ezhoghɛ ghənə nyi ndɔ̀ʼɔ zɨ tomə? Ghənə kaʼa zɨ zayn tom ə̀təyn ezhoghɛ wùə va se ndàʼà zə̂ynzè se ghənə?


Ghàyn tɔʼne ə ghɔ nyîə se fe nə kə wùə ə ghàyn ə fètəyn nə kyî ətəm əpiə è tàʼa pomə̂, ə è tə kɛsê epàm ə̂ Fèzhə̀ fɛ ə fe kyi ndamze.


Njisə̀s ə pìə sê vəyn nə, “Ə̀ nyi mi ndom vɛ ə ve ndûə sê Pɨ̀a vɨ̂m, səmɔʼ ndô pə̂ sê Mi, ə̀ nyi Mi vɛ M fo ndame. Wùə vayn kàʼa è ndu sê Pɨ̀a vɨ̂m, ə va nə è tɔyne ə mi.


Kûmə̀ èghɛ nə zɨnə mə, ghàyn mɔmse nâʼà è tyaʼa sə̂ nə̂ ə̀ghɛ echûŋə̀ se kwəynsə ə ghàyn ekyî epomə̂zè. Ghàyn e nə̂ chùŋ nə zɨ̂yn kə ghɨ ghɛ ə ghe kyi tɔfze.


Ghɨ ghɛ ə ghe tè zɨ tom è chùŋ nə zɨ̂yn sə shi tè paʼà nji elùʼ e zɨtə Fèzhə̀ nə vɛ kûmə̀ nə ghənə tə tə se zɨ sê Zhə̀fè, pîza ghɨ mɔʼɔ se nyi ndò zôyn se tə nji elùʼ nə vɛ.


E nyi nyî kûmə̀ nə ə ghâsènì se nyi ghasènìghə̀ Klâys Njisə̀s, kɨ̀sə wùə se nam ə vəynghe kə è tàʼa se zemə kwiynə̂ va ghɛ zhîze. Ghɛ etɛ zɛ ə ze nyi, nyi se tyə̀yn ekyî epomə̂zè tɔynə̂ ekɔ̀ŋ.


E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.


Mə pì sê ghàyn nə ghàyn nə̀ kwuə ə ghàyn ə sepi. Ghàyn kyi se kwu ə ghàyn tàʼa pomə nə, ‹M nyi wùə vɛ ə M nyi Vəyn.›”


Nyiəmə, ə ghɔnyì ghɨmə, ghàyn kyi fɨ̂aʼ etyaʼa se tyə̀yn səmɔʼ nə ghàyn nyì kepî əfètəyn ə̀ghɨ̀ ghɛ Zhə̀fè tɔŋə nə ghe chumte vəyn, ə chɔʼɔ nə ə nyi ə̀ghɨ ə vəynghe. Ə ghàyn nə̀ ghɛ ghɨ̂nə̀, ə ghàyn tə tàʼa kyî echyâsè ghâyn ghə̀ Zhə̀fè.


Lâŋ ə Mosîskè tè kyi va tyaʼa se nə̀yn nə fɨa kyîke ə kwəynə mɨ̂sə̀. Pîza Zhə̀fè ə tsɨ̀nè ghâsènì è fɨa kɛ ə ghâsènì kwàʼtə̀ lɨmtə, mə ke tsɛ̂ ndò lâŋkè, ə̀ nyi afɨa ətəynke ə ke tyə̀nə̀ ndom nə ghâsènì ə kɨŋtə̂ paʼsə̂ ndùə sê Zhə̀fè.


Ghâsènì se nyi mə ə zɨ tom èchùŋ kèpi èghɨ kə pɨ̀a ə ghasènìghe tè zɨ elùʼ ashəshəve. Ghənə tè zɨ nâʼà pî za, è zə tàʼa tsàmtè ghənə kûmə̀ nə ghənə tè zɨ ə tàʼa pomə̂ èkyî epomə̂zè.


Pîza sê ghɨ ghɛ ə ghe fànə è ghɨ ghɛ ə ghe tàʼa pomə sê mi, è ghɨ ghɛ ə ghe nə̂ ghɛ ə kwənəghe, è ghɨ ghɛ ə ghe zhwiə ghɨghe, è ghɛ ə ghe nə̂ ghɛ ə nyələghe, è ghɨ ghɛ ə nə̂ ghɛ pfɨtəghe, è ghɛ ə ghe ngɨmnə fɨ̂aʼsèvè, è ghɨ ə wamə nâʼà ə̀kɨ̂m, ə tə ndə̂mə̀ ghənə elùʼ vɛ ə wusve pɛ ətəyn è fɨa kɛ ə ke lɛ̂ pâŋə̀ za e tɔŋtə̂ nə sɔlfɔ̀. Kwu nə zɨnə mə nyi zɛ ə ze tə nə̂ nə te ndu tepɛ̀.”


È və fe nə e pɨlə tsɔ̂fə̀ nâʼà sə ŋaŋ kə ə sôylə̀ zhi kûmə̀ Klâys tsɛ̂ kə e kyi ghaʼze endaʼ ə Enjìpè. È tè taŋtə̂ nyiəmə kûmə̀ nə è tè naynə ndûə èmaʼte vɛ ə Zhə̀fè tə fo sê vəyn ə shi.


Ghɨə poməghe nə kyîə àtyaʼ sə̂ nə̂ ə̀ghɛ kayntəghe: Ghənə nə chûmə̀ fɨsə̂ tèpamə̂ tə satàyntè ə mì ezə, ə fɨnə wàmnə̀ tèwâmnè tîte ndɔ̀ʼɔ zaʼle.


Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.


“Ə̂ ghàyn pamə choze, kə ghàyn ə kosə̂ kyâʼà kə ghɨə kaŋkaŋə nə̂. Ghənə piə pamə ècho, e kosə̂ kyâʼà kə ghɨ fe nə ghənə pamə ècho. M pîə se ghàyn səmɔʼ nə ghənə kàynè kyî mâʼtè ə ghənə̂zè.


Ə ghàyn piə tsə̂mə̀, kə ghàyn ə tsə̂mə̀ kə ghɨ ghɛ ə kaŋkaŋə nə̂. Ghənə kɔ̂ŋə̀ sə̂ ndwìə tsə̀mə̀ ə sendɛ sə atsɨ̀yntese tsəməse è kɨsè echo fàfə̀, kə nâʼà pîndè fe ghənə. M tsâ sê ghàyn səmɔʼ nə kyì əghɨ̀ ghɨ̂yn ə kàynè kyî maʼte ə ghənə̂zè ekɨ̂m.


Ghàyn e saŋnə̂ fɨnə tyalə, kûmə̀ nə ə ndə̀m mâʼte eghaʼâvè ekwùtwəyn sê ghàyn. Ə̀ nyì kepî za kə ə tè chɔʼɔ ghol ə sèfɨ̀aʼtè sə shise.


Èn ə pɛ̂, ə̀ nyi nyiə mə kə Ò tè kyiŋə nə ze kyayn.


Swiv nou:

Piblisite


Piblisite