Ipilù 11:5 - Ŋwàʼlè ə̀ Fèzhə̀ Mkâyn Mə̂ Fèm

⁵ Ə̀ tè nyi kûmə̀ èkyî èpomə̂ ə Enɔ̀kzè, ə ze tè nəyn, Zhə̀fè ə njìə kɔʼɔ è vəyn ekwùtwəyn ndɔ̀ʼɔ è kwu. Wùə ə tàʼa fɨnə fe nə è ndù ghayn kûmə̀ nə Zhə̀fè tè se nyi mə fə njì kɔʼ è vəyn. Ŋwàʼlè ə Fèzhə̀ pi nə Zhə̀fè tè pi e njìə Enɔ̀k mə è və nə̀yn fe saŋnə̂.

Ipilù 11:5 Referans Kwoze

Njût 1:14

Enɔ̀k vɛ ə è tè nyi feghâŋ fèsɛ̀mbɛ ə Andàm epàm, ə tə tsàyn kûmə̀ èghɛ zɛ ə ze tə kyânə̀ kûmə̀ ghənə nə, “Ghàyn zɨte! Pɛ̂pɛ tə pə̂ è tsì sə vəyn se Ŋwaʼase kamse se tsɨ̂ə kə nyî,

Ipilù 11:6

Wùə vîvè vayn kaʼa è nəyn nə Zhə̀fè ə saŋnə̂ mə è kyi va kyî epomə̂zè. Ə̂ kyiŋə pîndè sə̂ kɔʼsə̂ Fèzhə̀, ə è və kyi se pomə̂ nə Zhə̀fè nyîə ndamə fɨnə maʼtə̀ ə̀ghɨ ghɛ ə ngɨmnə vəyn.

1 Njɔyn 3:22

Mə ghâsènì pfɨfə pi ghè sê vəyn ə è fo kûmə̀ nə ghâsènì nyîə ndə̂mə̀ èlwɔ̂ŋ ə Vəynve, fɨnə nə̂ ə̀ghɛ ghɛ ə è kɔ̂ŋɔ̀.

1 Tèsàlonikà 2:4

Ghàs pɨlə wàmnə̀ kə kə Zhə̀fè kyiŋə kûmə̀ nə è və kyàʼsè naynê ghàs ə fe nə ghàs nyi ə ghɨ ə è kàʼa è samse nə ghàs ndaʼa tom èchùŋ, nyiəmə ghàs e ndàʼà va endom vɛ əghɨ kyiŋə, pîza se nə̀yn nə Zhə̀ fɛ fe kyaʼsə̀ naynə təm ghasghe ə saŋnə̂.

Tom èchùŋ kè kə Lûk tè nyaʼ 3:37

Lamèk e nyi va Mètuselà, Mètuselà e nyi va Enɔ̀k, Enɔ̀k e nyi va Njalèt, Njalèt e nyi va Màalalèl, Màalalèl e nyi va Kenàn,

Tom èchùŋ kè kə Lûk tè nyaʼ 2:26

mə Zuʼse Ŋwaʼase ə tə tyə̀yn sê vəyn nə è tə kwuə va ə̀ tsɛ̂ kə va mə è və fe wùə vɛ Pɛ̂pɛ tè se nyi mə è və chɔʼ se tom.

Ipilù 2:9

Pîza ghâsènì fe Njisə̀s vɛ ə Zhə̀fè tè nə̀yn sə fendiŋə̀ nyì, è və kɛsə̂ sə wûə fɨnə ngaŋtə kwəynə va pî kə setsì sə vəynse, kə tɔynə̂ ə afùʼ ə Fezhə̀kè, ə è kwu, ə è sɔza ə̀ghɨ ə̀kɨ̂m. Kûmə̀ èkwu zɛ ə è tè tsɛ̀ tɔynê ətəyn, Zhə̀fè ə màʼtə̀ vəyn è pomsêzè, è kɨsè kɔʼsêzè.