Ipilù 11:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghənə tè pɨlə kyiŋə èndaʼ ze tsɔ̂fə̀ tsɛ̂ ze mə, mə za nyi endaʼ ekwùtwəyn. Ghənə tè tɔŋtə̂ Fèzhə̀ nə Zhə̀fè ghənə̂fè, fe ghomə̂ va nə ə tɔŋtə̂ zhi zamə. Ghâsènì nyiə ke nyi kûmə̀ nə fe nyi mə fə pɨaʼtê ndəm tɔ̂ŋ èghaʼâ se ghənə.

Ipilù 11:16 Referans Kwoze

Ipilù 13:14

Ghâsènì nyiə ke nə tɔ̂ŋ èghaʼâ zhîzè va fâ mbi ə è tə ndamə faŋə mə nyi zə ghâsènì. Ghâsènì pa naynə̂ ndûə ndò tɔ̂ŋ èghaʼâ nə zɛ ə è nyì se tə pə̀yn.

Ipilù 11:10

Aplàghâm tè lɨmtə kə sê tɔ̂ŋ èghaʼâ zɛ ə Zhə̀fè tè pɨaʼte, ə pɛ, Tɔ̂ŋ èghaʼâ ə̀təyn e nyi se ndamə faŋə kə ndò.

Filìpây 3:20

Pîza, ghâsènì nyi əghɨ ghɛ ə ndaʼa ghənə̂zè nyi awulə, eluʼ vɛ ə Pɛ̂pɛ Njisə̀s Klâys ndamə ətəyn. Ghàs lɨmtə̂ sɔ̀zà vâsvè Njisə̀s Klâys nə è ndo pəyn awulə ə è tso pəyn ə chi.

Njɔyn 14:2

Ndɛ sə fètəynse tsɨ̂ə kə nyi ə pɨ̀a vɨ̂mvè ə ndɛ. M ndûə fumə se pɨaʼtê eluʼ sê ghàyn. Ə ze fè va nyi, mə M paʼà tsàyn sê ghàyn.

Ipilù 2:11

Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Ipilù 12:22

Ghàyn ə pɨl pəyn etipìə pfɨyn ə̀ Zayɔ̀n, ə tɔ̂ŋ èghaʼâ ə̀ Fezhə̀ fɛ ə fe fo ndamze, mə za nyi Njèlusalɛ̀m èkwùtwəyn. Tsìsè kamse setsɨ̀ e nyi fu mə sə zùŋtè saŋnə̂.

Ipilù 11:14

Ə ghɨ wàmnə̀ endom nə vɨ̂yn, ə ze ə tyə̂nə̀ paynsə̂ nə ghənə lɨmtə̂ se kyî endaʼ mə ə̀ nyì zə ghənə̂ zə ngɨŋze.

2 Timotì 4:18

Pɛ̂pɛ nə̀ tsâmtə̀ mi kə ghɛ epi zhîze tàʼa kyàyn sê mi, ə è fɨyn nji kwi ke è mi achûŋ kə ghɛ epi zhîze tàʼa kyàyn se mi, m ndu nji ə vəyn elùʼ efɔ̀yn ə vəynve ekwùtwəyn. Ə ghâsènì ə pomsə̂ vəyn sə teshìŋə̀ tèkɨ̂m. Ə ze ə nyi ke zamə.

Ŋwàʼlè ə̀ Mâk 8:38

Ə nâʼà pîndè vɛ è ghomə kûmə̀ mi è zaʼlê zɨme əghɨ mbighe əshi ghɛ ə pomə va Zhə̀fè, ə Vâ wùə tə pɔŋ ghomə̂ kûmə̀ vəyn ezhoghɛ è kɛse pə̂yn əfètə̂ èpomsê ə Pɨ̀a vəynze yî tsì sə vəynse ŋwaʼase.”

Ətefɨ̂aʼ 7:32

‹M nyi Fezhə̀ fə pɨ̀a ə pɨ̀a faynfe, ə Fezhə̀ fə Aplàghâmfè, è Azɨ̀k, è Njàkɔ̂p.› Mosîs ə zɨə zâ sè tsɨŋtə̂ fanə̀ ə tàʼa mɔ̀msè se naynê.

Tom èchùŋ kè kə Lûk tè nyaʼ 12:32

Kə ghàyn ə fânə̀, nâʼàpî kə nɔ̂nə̀ faynfe tətə, kûmə̀ nə Pɨ̀a vâynvè ə kɔ̀ŋ se fo eluʼ əfètə̂ èfɔ̀yn ə vəynve sê ghàyn.

Ŋwàʼlè ə̀ Mâk 12:26

Zôyn, eghɛ kûmə̀ èzômə̀ ə ghɨ kwuze: ghàyn pâʼà tyə̂m tɔŋɔ ə Ŋwàʼlè ə̀ Mosîs ndiŋ kɛ ke wâmnə̀ kûmə̀ fèkaʼtə̀ fɛ ə wusve tè pɛ ə tə? Ə nyaʼ fumə nə, Zhə̀fè tè pi sê Mosîs nə, ‘M nyi Fezhə̀ fə Aplàghâmfè, nyi Fezhə̀ fə Azɨkfè, nyi Fezhə̀ fə Njàkɔ̂pfè.’

Tom èchùŋ kè kə Lûk tè nyaʼ 20:37

Naʼapi Mosîs ə tə tyəyn ghɛe nə zɨ̂nə̀ nə ə ndwisə̀ ndò ghɨə ekwu elùʼ ə Ŋwàʼlè ə̀ Fèzhə̀ vɛ ə ve wâmnə̀ kûmə̀ fèkâʼ fɛ ə wuse tè pɛ ətəyn zâ. Ə nyi elùʼ ə ŋwàʼlè nə vɨ̂yn mə è və tɔŋtê Pɛ̂ Zhə̀fè nə Zhə̀ fə ə Aplàghâm è Azɨ̀k è Njàkɔ̂p tè kɔʼsə.

Ipilù 10:34

Ghàyn e kosə èsəyn sê ghɨ ghɛ ə kote fâ. E kyitə̂ fitə̂ èfɨa vaynve, pîza ghàyn e kolə kə ndò təmə kyi va fɨmsêzè, kûmə̀ nə ghàyn tè ke ndô nə ghàyn nyiə nyi èfɨa ve tsɔ̂fə̀ tsɛ̂, nyi se ndamə faŋ.

Ipilù 11:40

Ze tè nyi nyî kûmə̀ nə Zhə̀fè tè nyi mə fə pɨaʼtê fɨake sê ghâsènì, ke kɔʼnə̂ tsɛ̂. È tè nəyn nyiəmə kə fe kaʼa ə fe nəyn ə ghənə nyi chichi paʼsə̂ kə è ghâsènì əmɔʼ.

Etyə̂yn ə paynsêzè 21:2

Mə ke fe kə Zhə̀fè tiynsê Tɔ̂ŋ e Ŋwaʼa mə za nyi Njèlusalɛ̀m èfe, è ze tso pə̂ ekwùtwəyn mə ə fɛte lafsê zə̂yn kə ə lafse zhwîə ndom nə è ndu fe ndom ə̀ vəyn.