Ipilù 10:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Naʼapi wùə èkɔʼsə nə̂ èshyə̀ èkè nyiə nə̂ èfɨa ə vəynze tuʼmè m̀kɨ̂m, fo kə èkyì efoze emɔ̀ʼ sə te shîŋə̀ te tsɨəte pîza mə fo nə tɨnə mə vayn kaʼa te shu tsɨsè pi.

Ipilù 10:11 Referans Kwoze

Ipilù 10:4

E nyi nyî kûmə̀ nə ndə̂m mə sèmbɔŋə̂m è ndə̂m mə sèpfɨm vayn kàʼa m kəʼsê pisə wûəsè.

Ipilù 5:1

Naʼapi wùə èkɔʼsə nə èshyə̀ engaŋtə kwəynə èkè ə chɔʼ əfètə̂ ə̀ ghɨ nyiə njìə eluʼ ə ghɨ̀vè ə Zhə̀fè shi, fo tèfo fɨnə se sènyam kûmə̀ sepi sə ghənə̂sè.

Ipilù 7:27

È vachi kə ghɨ kɔʼsə nə eshyə̀ engaŋtə kwəynə ə mɔ̀ʼɔghe ə ghe tè kyi sə̂ fo tèfo kûmə̀ sèpi sə ghənə̂sè tuʼmè m̀kɨ̂m, tsɔ̀fə se fɨnə fo kûmə̀ sepi sə ghɨ̀sè. È tè fo efo shîŋə̀ze emɔ̀ʼ ze ə kɨlə sèpi sə ghɨ̀sè sekɨ̂m, mə za nyi ngɨŋə̂ vəyn kə è fo.

Ipilù 10:1

Lâŋ ə Mosîskè tè nyi ke anyɨ̂ŋsè eghɛ èchùŋ zɛ ə ze tè nyi se tə pə̀yn. Ə̀ tè nyi ke ànyɨ̂ŋsè afɨa echûŋ kɛ ə ke tè kyi se pə̀yn, ə̀ ndɨŋ vachi àfɨa ətəynke. Kûmə̀ nə ə̀ kɨnə mə tè nyì ke ànyɨ̂ŋsè, ghɨ tè fo zɔmtə̂ tèfo sê Zhə̀fè kè ə pîŋ ə pîŋ, fo nə tɨnə mə tè vayn kàʼa te nəyn nə ghənə ghɛ ə kyiŋə sə̂ kɔʼsə̂ Fèzhə̀ ə kwəynə̂ mɨ̂sə̀.

Ipilù 8:2

È fɨaʼà kə wùə èkɔʼsə nə̂ èshyə̀ engaŋtə kwəynə, elùʼ eŋwaʼ engaŋtə tsɛve, ə̀ nyi àpfɨ̀ə mə ə̀ tè pɛ ke nâʼà Pɛ̂pɛ, ə̀ vachi ə̀ gho ə wûə m̀sɔ̀ŋghe.

Ipilù 8:4

Ə̀ tè nyi nə Njisə̀s ə nyi ə chi, mə è tè vachi wùə èkɔʼsə nə̂ èshyə̀ nâʼà səkɔs, kûmə̀ nə ghɨ kɔʼsə nə eshyə̀ghè nyîə nyi əchi mə ə fo èfo kè kə lâŋ ə ghɨ̀ ə Njûskè tè kyiŋə.