Biblia Todo Logo
Bib sou entènèt

- Piblisite -




Ipilù 10:10 - Ŋwàʼlè ə̀ Fèzhə̀ Mkâyn Mə̂ Fèm

10 Kûmə̀ nə Njisə̀s Klâys ə tə nə̀yn ghɛ zɛ ə Zhə̀fè tè kyiŋə nə è nəyn, ze ə nə̀yn nə ghâsènì ə zo ə ghɛ ə pighe, tɔynə̂ efo zɛ ə è tè fo wiyn ə vəynve kè shîŋə̀ze mɔ̀ʼ.

Gade chapit la Kopi




Ipilù 10:10
25 Referans Kwoze  

È tè fo ngɨŋ ə vəyn shîŋə̀ze emɔ̀ʼ se efo ze ə nə̀ nə ghɨ ghɛ ə Zhə̀fè nə̀yn nə ə nyi ə̀ghɨ yîghe ə kwəynə̂ mɨ̂sə̀ sə teshìŋə̀ tèkɨ̂m.


Pîza Klâys tè fo ngɨŋə̂ vəyn sə efo shîŋə̀ze emɔ̀ʼ ə njìə tsɨsə̀ sèpi sə ghɨ̀sè sə teshìŋə̀ tèkɨ̂m, zamə è və tsɨsə apàs ekɔyn e twɔ ə Fezhə̀kè.


Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.


È vachi kə ghɨ kɔʼsə nə eshyə̀ engaŋtə kwəynə ə mɔ̀ʼɔghe ə ghe tè kyi sə̂ fo tèfo kûmə̀ sèpi sə ghənə̂sè tuʼmè m̀kɨ̂m, tsɔ̀fə se fɨnə fo kûmə̀ sepi sə ghɨ̀sè. È tè fo efo shîŋə̀ze emɔ̀ʼ ze ə kɨlə sèpi sə ghɨ̀sè sekɨ̂m, mə za nyi ngɨŋə̂ vəyn kə è fo.


Kûmə̀ ghənə, Mə fo ngɨŋ zɨm sê Ghò kə ghənə pɔŋ fo sèngɨŋ sə ghənə̂sè sê Ghò səmɔʼ.


E za nyi kepî èghɨ kə Njisə̀s tè fe tsôsvè ə kwuə etipì ə tɔ̂ŋ èghaʼâ ə̀ Njèlusalɛ̀m, kə è shu zosê sèpi sə ghɨ̀sè è ndə̂m mə Və̂ynmè.


Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.


Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.


Klâys tè paʼà njì ndəm mə nyàm nyiə kə pfɨ kɨ̀sə nyàm ə̀ mbɔ̀lɔ se nji è mənə̀m Elùʼ eŋwaʼ engaŋtə kwəynəve. È tè pɨl nji ke mndəm mə Və̂ynmè ə nji fu, shîŋə̀ze èmɔ̀ʼ, ə zhɔnə àtuə ghasènìke kè eshîŋə̀.


È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,


È və chwìə èndom efeve sê ghâsènì mə za nyi endom vɛ ə ve kyi ndamze tɔynə̂ apàŋ ə sendzɨske; mə za nyi ewiyn ə vəynve.


Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.


Ghɔyn nə ghɨyn ə è tè pìə, nyi ke nâʼà ə̀ghɨ, kyi sènjyàse wìynse è ndə̂mə̀m. Ə̀ za nyi eghɛ zɛ ə ze tè nəyn, Njisə̀s è ngɨŋə̂ vəyn e sè nyi kepî wùə kə ghənə kə è kwu ə è pofse vəyn vɛ ə è nə̂ nə ghɨ ghə kwuə, mə za nyi ndə̂plè.


Ə̀ nyi Njisə̀s Klâys nə vɨ̂yn ə è ndò ekwùtwəyn ə pə̀ ə chi, ə fiə m̀mo ə fɨnə kwuə ə tsosə̂ m̀ndəm mə Və̂ynmè. È tè pâʼà fi ke môm, è və tè kwu kepî ə sɨsə m̀ndəm mə Və̂ynmè. Ə̀ nyi Sèzuʼ se Ŋwaʼase ə se tyəm tsɛ̀ èsaʼ sê ghɛ nə ghɨyn kûmə̀ nə Zuʼse Ŋwaʼase wamə va kaŋke.


Sokə̀ʼ vîvè èmɔ̀ʼ ə pɨlə njîə èghɔŋ ə tsuʼə pùʼə̀ etipìə Njisə̀szè, kè sə ashìŋə̀, ndə̂m è môm ə pɨ̀a fɨə.


Njisə̀s, kə è nə̀yn nə ghɨghə zo kə ghənə ə fɨyn kyi va pi, ə yî ghɨ nə ghɨnə̀ ə kyi ke pɨ̀a emɔ̀ʼ. Ə̀ za nyi eghɛ zɛ ə è tɔŋtə ghənə nə ghɔnyì yiə, ghomə va.


Ə̀ za nyi eghɛ zɛ ə tè nyi kə Klâys pə̂ ə mbi, è və pìə sê Zhə̀fè nə: “Ò kyiŋə va nə ghɨghe ə se sènyam sê ghò, kyiŋə va nə ə fo tèfo sê ghò, pîza o fo mi è wiynve.


M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”


Ghàyn kyi sə̂ kɔ̂ŋɔ̀ ə̀ghɨ mɔʼɔ kè shîŋə̀ tekɨ̂m kè eghɨ kə Klâys tè kɔ̀ŋɔ̀ ghâsènì ə fo ngɨŋ ə vəyn sə efo, ze lɨ̂mtə̀ tsɔ̂fə̀ kə nyî sê Zhə̀fè ə ghâsènì elùʼ.


È tè kwu se shù əghɨ ə poməghe nə ghe zo, tɔynə̂ ə tom èchùŋ ə vəyn.


Ə̀ tè nyi kə Njisə̀s pa ndamə fa chi, è nə̂ è və tsə̂mə̀ sê Zhə̀fè, pɨa chîə. È tè tsə̂mə̀ nyì kûmə̀ nə è tè ke ndô nə Zhə̀fè nyîə kyi àtyaʼ se sɔza vəyn ekwu. Zhə̀fè ə tə zɨ vəyn kûmə̀ nə è və tə tsosê ngɨŋə̂ vəyn, ə fo zə̂ynzè sê Zhə̀fè.


Ə ndəm mə sènyàmə̀m tè kàʼa m̀ mə kyi atyaʼ nyî, ə mə Klâysə̀m ə kyî tayn zàyn zə? Tɔynə̂ ə Sezuʼ sɛ ə se nyi sə teshìŋə̀ tèkɨ̂m, è və tə fo ngɨŋ ə vəyn sê Zhə̀fè sə efo, ze kyi va tsase. È tè nəyn nyi kə təm ə ghasènìghe ə saʼa va ghâsènì kûmə̀ èlwɔ̂ŋ vɛ ə ghɨə chumtə̀ mə ve kyi va tsâmtè zhîze, endom nə vɨnə, ə ghâsènì ə kɔʼsə̂ Fèzhə̀ fɛ ə fe ndamə.


Ə ze tè nyi zamə, ə ze tə pə̂ ə zə nyi nâʼà zàyn sê ghɨ ghɛ ə ghe nyaŋə màʼà Va Fèzhə̀ ə? Ze tə pə̂ ə ze ə nyi nâʼà zàyn sê wùə nə vɨ̂yn ə è tàʼa njiə mndəm mɛ ə Zhə̀fè zhi kâynmè ətəyn mə m̀ shùə tsɨsə̀ pi sə ghənə̂sè sə eghɛ ə? E za tə pə̂ ə ze ə nyi nâʼà zàyn sê wùə nə vɨ̂yn ə è sòylə̀ Zuʼsə ə Fezhə̀sè, ə nyi səynse ə se tyə̂nə̀ təm əchûŋ ə Fèzhə̀ghè ə? Lote kwàʼte tso kə pɔynsê zɛ ə ghənə kyi sə̂ kyi tə pə̂ ə ze ə tsɨ̂ə tâ.


M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.


Swiv nou:

Piblisite


Piblisite