Ipilù 1:2 - Ŋwàʼlè ə̀ Fèzhə̀ Mkâyn Mə̂ Fèm

² Pîza, e sè nyi ə mtuʼ me kwùŋsə̂ mɨ̀yn mə Fə wàmnè sê ghâsènì tɔynə̂ ə Va vəyn. Zhə̀fè tè se nyi mə fə ndə̀m nə fe tə fo nâʼàpî ghè ə mbi sê Va vəyn, mə fe tè pom mbi è nâʼàpî è ghè ətəyn tɔynə̂ kə ə Va ə̀ vəyn nə vɨ̂yn.

Ipilù 1:2 Referans Kwoze

1 Kɔlìŋ 8:6

Pîza ghâsènì, e ke nə, Zhə̀fè nyì ke fèmɔ̀ʼ, mə za nyi Pɨ̀a. Ə̀ fɛte Vəyn fɨave ekɨ̂m, ghâsènì e ndamə mə ə zaʼnə̂ kə se vəyn. Ə̀ fɨyn nyi ke Pɛ̂pɛ emɔ̀ʼ, mə ə̀ za nyi Njisə̀s Klâys, mə ə tè fɛte efɨa ekɨ̂m toynə̂ ə Vəyn, ghâsènì nə ndamə kə kûmə̀ vəyn.

Njɔyn 1:3

Tɔynə̂ ə Vəyn, Zhə̀fè ə fɛtə̂ èfɨa èkɨ̂m. Ə tè va sê Kyə̀ nə zɨ̂yn mə Zhə̀fè tè pâʼà fɛtê nâʼàpî ghè vɛ ə nyi mə ə fɛtê ə mbi èkɨ̂m

Njɔyn 1:14

Kyə̀ ə̀təyn ə kɛsə̂ sə wûə èwàmnə, ə ndamə ə ghâsènì ə fètəyn. È tè nyi mə È və lwiyn è fùʼkè, ə tyə̀nə̀ kə səmɔʼ nyi kûmə̀ Fezhə̀. Ghâsènì ə fe èpomsê ə vəynze, epomsê zɛ ə è fi kə vayn vɛ ə̂ tè nyì ke vəyn sê pɨ̀a.

1 Pità 1:20

Zhə̀fè tè nyi mə fe ə kàynè chɔʼ vəyn ə ndə̀mə̀ tsɔ̀fə kə fe pom mbi, pîza ə tyə̀nə̀ paynsə̂ vəyn fa mtuʼ mə èkwùŋsə̂m sə ghàyn ə chùŋ.

Matyò 28:18

Njisə̀s ə kɨŋtə̂ paʼsə̂ ndûə sê ghənə ə pìə nə, “Zhə̀fè ə fo tyaʼke akɨ̂m sê mi ekwùtwəyn è kɨsè ə chi.

Njɔyn 13:3

Njisə̀s tè nyîə ke nə Pɨ̀a ə fo tyaʼke sê zhi etûə èfɨa èkɨ̂m. È ve ke kepî nə zhi ndo pə̂yn se Zhə̀fè, kɛsə̂ ndûə se Zhə̀fè.

Matyò 17:5

Kə è tè pa wâmnə̀, mbàʼ sefɨfə nyaynəse ə tso ə ghənə ətu ə kɨyte ghənə, Kyə̀ ə fɨə fu ə fètə̂ sèmbàʼ pîə nə, “Ə̀ vɨ̂nə nyi Vayn vɛ M kɔ̂ŋə̀, È nə̀ M saŋnə̂. Ghàyn zɨə sê vəyn.”

Ipilù 11:3

Ə̀ nəyn ekyî epomə̂zè nə ghâsènì ke səmɔʼ nə Zhə̀fè tè pom mbi kè è kyə̀ vəyn zə ècho. E za tyə̀nə̀ nə nâʼà pî ghè kə ghâsènì fe nyi mə ə fɛte èfɨake, mə ə fe va.

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Njɔyn 3:16

kə Zhə̀fè tè kɔ̀ŋə tsɛsə̀ mbi, ə fo Vâ ə̀ Vəyn mə è tè nyì ke èmɔ̀ʼ kə nâʼàpî ndè vɛ ə è pomə sê Vəyn tə tàʼa kwu pîza ə è kyi ndam zɛ ə ze tə mîə va.

Matyò 26:63

Pîza, Njisə̀s ə kɨmə̂ kə mɔŋ. Wùə èkɔʼsə nə èshyə̀ èngaŋtə kwəynə ə wàmnə̀ kwəynsə̂ se vəyn nə, “Ezə Fezhə̀ fɛ ə fe ndamə, m pîə sê ghò tsàyn səmɔʼ sê ghàs nə ò nyi vɛ ə chɔʼ ndə̂m ə, ə Vâ Fèzhə̀ ə?”

Matyò 21:38

Pîza, ghɨ fɨaʼa nə ghɛ ə fe kə vâ vəyn pə̂, ə pìə sê ngɨŋ sə ghənə̂sè nə, ‘Ə̀ vɨ̂nə nyì ke nâʼà va pɛ̀ àfùʼ. Ghàyn pəyn ə ghâsènì zhwi vəyn ə kyi fɨa ə vəynve.’

Ipilù 5:8

Nâʼàpî kə Njisə̀s tè nyi Vâ Fèzhə̀, è və tə zaʼlê sə̂ zɨə Fèzhə̀ əfètə̂ tètsòs tɛ ə è tè nyi ətəyn.

Ɛfesùs 1:10

Zhə̀fè ə ndə̀m nə tuʼfe tə kwənə, ə Fe tsɨynte fɨave ekɨ̂m ekwùtwəyn ə Fe fɨyn tsɨ̂yntè ə chi ə Fe ndə̂m ke ə Klâys etyə̀.

Ipilù 7:3

Ə paʼà tsàyn ə ŋwàʼlə̀ Fezhə̀ nə pɨ̀a vəyn tè nyi nde ə, nyìə vəyn e nyi ndè ə. Ə pâʼà pì pî ghɛze kûmə̀ ghə̀pɨ̀a vəynghe, ə tàʼa pi eghɛ kûmə̀ ètuʼ vɛ ə tè piə vəyn ətəyn, e vɛ ə è tè kwu ətəyn. E za tyə̀nə̀ nə è və faŋ sə wùə èkɔʼsə nə èshyə̀ sə teshìŋə̀ tekɨ̂m kèpî kə Va Fèzhə̀.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 1:5

E nyi ke nâʼà nyî endom nə tsì vîvè va ə Zhə̀fè tyəm pî sê zə̂yn nə, “Ò nyi Vayn vɨm; se zhə̀tè ndàyn, m nyi Pɨ̀a sê ghò.” Zhə̀fè pâʼà tyəmə wàmnə̀ kûmə̀ tsìə vəyn ə pìə nə, “M tə nə̂ ə mə nyi Pɨ̀a sê vəyn, è nyi Vayn sê mi.”

Ɛfesùs 3:9

fɨnə ndâʼà paynsə̂ èndom vɛ ə fɨ̂aʼ ekayntə Fèzhə̀ nə zɨ̂nə̀ kwìə ətəyn nâʼàpî se ndè. Ə̀ nyi eghɛ zɛ ə Zhə̀ fɛ ə fe fɛtə fɨa vekɨ̂m tè ndə̀te sê ghɨ ə shiə kə ə nyi zôyn,

Ngàleshyà 4:4

Pîza kə shîŋə̀ ə təynke tè kwəyn, Zhə̀fè ə tomə Va vəyn nə wùzhɔyn piə, ə è ndəmə kɔʼ etyə̂ Alàŋ əghɨ Njûskè,

Ətefɨ̂aʼ 10:36

Ghàyn nyiə ke tom zɛ ə Zhə̀fè tè tom sê ghɨə Isìlâyghè, ə̀ nyi tom èchùŋ zɛ ə è pə̀ è pɔ̂ynè tɔynə̂ ə Njisə̀s Klâys. Njisə̀s nə vɨ̂yn nyi Pɛ̂pɛ sê ghɨghe əkɨ̂m.

Njɔyn 15:15

M fɨnə tɔŋtə̂ va ghàyn zôyn nə ghɨ efɨaʼaghe kûmə̀ nə wùə èfɨ̀aʼa ke va ghɛ zɛ ə Pɛ̀ èfɨaʼ ə vəyn nə̂. M pɨlə tɔŋtə̂ ghàyn zôyn nə soyn sɨmse kûmə̀ nə mə tsàyn ghɛ ghɛ Pɨ̀a vɨ̂m tsàyn sê Mi nâʼà ə̀kɨ̂m sê ghàyn.

Njût 1:18

Ghənə tè pì sê ghàyn nə, “Mtuʼ me kwùŋsə̂m, ghɨghe tə pə̂ ə nyi chaʼa ghàyn, əghɨ mə ə chûmtə̀ ə̀ghɛ əpi ghɛ ə təm ə ghənə̂ghè kyiŋə.”

Ŋwàʼlè ə̀ Pɔ̂l sê ghɨə Lûmghè 1:4

Zhə̀fè ə tə tyə̀yn tɔynə̂ atyaʼ ə Sezuʼ Eŋwaʼake nə È nyi Vâ Fèzhə̀ kə È ndwìsè Vəyn ekwu. Vayn nə vɛ mə nyi Pɛ̂pɛ ə̀ ghâsènì Njisə̀s Klâys.

Ətefɨ̂aʼ 2:17

‹Ə̀ zɨnə nyi eghɛ zɛ ə M tə nə̂ ə mtuʼ mə èkwùŋsə̂m. M tə fo Sèzuʼ se Ŋwaʼa Sɨmse sê ghɨghe əkɨ̂m, ə ghɔyn ghayn ghe ndômnə̀ è ghe zənə ə tsâ ə̀ghɛ ghɛ ə ghe tə kyanə̀ tsɔ̀fə kə shîŋə̀ ətəynke kwəyn. Kwuŋ taynte tə fe ə̀ghɛ ə te laynəlaynə, mə ghe ndo sê Mi, ə tsəmse ə kyîə ə̀ ndumne ghaynghe.

Njɔyn 17:2

kè kə Ò nyi mə O fo tyaʼa sê Vəyn e tùə ghɨ ə̀kɨ̂m kə È nəyn, ə ghɨ ghɛ ə O fo sê Vəyn kyi ndam zɛ ə ze tə mîə va.

Njɔyn 16:15

Nâʼà èfɨa ə Pɨ̀a vɨmvè ekɨ̂m ə̀ nyi Vɨm. Ə̀ za nyi eghɛ zɛ ə m pi nə Zuʼse nə̀ pə̂, ə sə njîə ə̀ghɛ ghɛ ə nyi ghɨmə ndâʼà sê ghàyn.”

Ŋwàʼlè ə̀ Mâk 12:6

Wùə èmɔ̀ʼ vɛ ə è tè faŋ kə è tom tè nyi va vəyn vê kɔ̀ŋ. È və tomə kwûŋsə̀ vəyn pîə sê ngɨŋə̂ vəyn nə, ‘Ghənə nə̀ ndùə fânə̀ vayn vɨ̂m.’

Ŋwàʼlè ə̀ Mâk 1:1

Zɨ̀nə̀ nyi zhə̀te ə̀ tom èchùŋə̀ Njisə̀s Klâys, ə vâ Fèzhə̀.

2 Pità 3:3

Ghɛ ə shize nyi nə ghàyn kyi sə̂ ə̀ ke nə ə̀ tə pə̂ ə nyi mtuʼ mê kwùŋsə̂mè, ə ghɨ yîghe pfɨ̀ŋə̀ fɨ pəyn mə ə̀ nyi əghɛ ghɛ ə njà sewìyn sə ghənə kyiŋə chisə ghənə, ə ghənə ə nyə̂ʼsə̀ ghàyn,

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

Ipilù 9:26

Ə ze tè nyi za, mə Klâys ə tə zɨ ngəʼ sə teshɨ̀ŋə̀ te tsɨəte se zhə̀tə pə̀yn ashìŋə̀ kɛ ə tè pom mbi. Pîza zôyn kə pìŋ sə ekwuŋsə sə mbi sɨynəse sè paʼsə pə̂, è və pə̀yn shîŋə̀ ze mɔ̀ʼ se nə̀yn nə ə lese fo sèpi sə ghɨ̀sè mə è fo ə ngɨŋə̂ vəyn sə efo.

Njɔyn 3:25

Chùmtè sə Njɔyn shîse sè saʼnə̂ è wùə Njûs vîvè, kûmə̀ èndom vɛ ə ghɨə Njûsə̀ tè shuə wiynve ətəyn ə ghənə endam endaʼze sə̂ zo kwənə̂ ə Zhə̀fè əshi.

Matyò 3:17

Kè sə ashìŋə̀, kyə̀ ə fɨ pə̀ ekwùtwəyn ə piə nə, “Ə̀ vɨ̀nə nyi Va èkɔ̀ŋ vɨ̂m, È nə̀ Mi M saŋnə̂ tsɛ̂sə̀.”

Matyò 13:39

Pàyn ə wùə vɛ ə è tè zho wə̂yn epi kɛ e nyi ndə̂plè, shîŋə̀ kwiəke e nyi kwùŋse ə mbi, ghɨe kwiəghe e nyi sètsì.

Ŋwàʼlè ə̀ Mâk 12:7

Pîza ghɨfɨaʼa nə ghɛ ə fe ə pì sê ngɨŋ sə ghənə̂sè nə, ‘Ə̀ vɨ̂nə nyi ke nâʼà zhîndɛ̂ ə̀ pɛ̀ àfùʼ. Ghâsènì kyi zhwi vəyn kə fɨa vəyn və nyi və ghasènìve.’

Njɔyn 1:10

È tè nyi ə mbi, pî kə Zhə̀fè tè fɛtè mbi yî Vəyn, mbi ə tàʼa fe kê ə Vəyn.

Njɔyn 5:26

Kè kə Pɨ̀a è ngɨŋə̂ Vəyn nyi eluʼ vɛ ə ndame ndô ətəyn, ə̀ nyì kepî famə endom ə È nə̀yn nə Vayn ə nyi eluʼ vɛ ə ndame ndô ətəyn.

Njɔyn 5:27

È və fo kepî Vayn ètyaʼke nə È və saʼa ə̀ghɨ kûmə̀ nə Vâ ə̀təyn nyi Vɛ ə tɔŋtə nə Va Wùə.

Njɔyn 9:29

Ghàs nyîə ke nə Zhə̀fè ə tə wàmnə̀ sê Mosîs, pîza kepî va nə wùə vɨ̀nə ndò ghayn zə!”

1 Kɔlìŋ 2:7

Tɔf eghaʼâ zɛ ə ghàs ndàʼà kûmə̀ zəyn nyi etɔf eghaʼâ ə Fezhə̀ zɛ ə wùə vîvè tè keva mə ə ndə̀tè se ghɨ msɔ̀ŋghe, pîza Zhə̀fè ə tə ndə̀m tsɔ̀fə kə Fe fɛte mbi zɨ̀nə nə, tɔf engaŋtə ətəynze tə nə̂ ə ghâsènì ə nyi èpomsêzè.

Ipilù 3:6

Pîza, sê Klâys, è fɨ̂aʼà kə è təm ə vəynghe əkɨ̂m kə Va Fèzhə̀, nâʼàpî ghè ə pɨ̀a vəyn ə ndɛ nyi ke ə və gho. Ghâsènì nyi ndɛ ə̀ vəyn, ə ghâsènì kyi ndu kendò təm ə tɛghe è samsêzè, əfètə̂ èkwàʼtè elɨmtə zɛ ə ghâsènì kyi.

Ipilù 4:14

Ə ghâsènì fɛte kyî èkyî èpomə̂ ə ghasènìze ə zə tɛ, kûmə̀ nə ghâsènì nyîə kyi wùə èkɔʼsə nə̂ èshyə̀ engaŋtə kwəynə èghaʼâ kə è tè kɔʼ ekwùtwəyn. Wùə èkɔʼsə nə èshyə̀ èngaŋtə kwəynə nə vɨ̂yn nyi Njisə̀s, ə Va Fèzhə̀.

Ipilù 7:28

Ghɨ ghɛ ə Lâŋ ə Mosîskè tè pomə nə ndəm sə ghɨ̀ ə kɔʼsə nə eshyə̀ engaŋtə kwəynəghe, tè nyì ke ə̀ghɨ kə əghɨ mɔ̀ʼɔ, nə̂ kəpî pi. Pîza ə̀ tè nyi etsɨ̂nè zɛ ə Zhə̀fè tè nə̂yn è kâyntèzè mə ze pəyn epàmə̂ àlâŋ ə chɔʼɔ Vâ vəyn vɛ ə è nə̀yn nə è kwəynə mɨsè sə teshìŋə̀ tèkɨ̂m.

Njɔyn 13:32

Ə Zhə̀fè fi pomsêzè tɔynə̂ ə Vayn, ə Zhə̀fè è ngɨŋə̂ Vəyn nə nəyn nə ə fe pomsə Vaynze. Zhə̀fè nə̀ nə̂, ə ghɛ nə zɨ̂nə̀ zaŋse kyayn.