Ipilù 1:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ E za tyə̀nə̀ nə, tsìsè nyi kə sezuʼ kə se fɨaʼà sê Zhə̀fè, tsâmtə̀ ə̀ghɨ ghɛ ə Zhə̀fè nyì se sɔzà.

Ipilù 1:14 Referans Kwoze

Matyò 18:10

Ghàyn tɔ̀ʼnə̀ nə kə wùə lɛ wâ kûmə̀ nə è kɔʼnə̂ va. M pîə sê ghàyn səmɔʼ nə ekwùtwəyn, tsì sɛ ə se naynə ghɔyn nə ghɨ̂yn nyì yî Pɨ̀a vɨm.

Ətefɨ̂aʼ 27:23

M piə nyi kûmə̀ nə ə̀ va nyi ètuʼve ndâyn, tsì ə̀ Fèzhə̀ Fɛ ə Fe kyi mi, m ngɨmnə̂ Fəynfe ə vâ pə̀yn sê mi.

Ətefɨ̂aʼ 5:19

Pîza ə nə̀ nə̂ etuʼve, tsì ə̀ Pɛ̂pɛ ə pə̀ ə chɔʼɔ ècho ndɛ ə̀ chaʼ ətəyn, ə njìə fɨə è ghənə, ə pìə se ghənə nə,

Ətefɨ̂aʼ 12:7

Tsì ə̀ Pɛ̂pɛ ə pfɨ̀ŋə̀ fɨə fuə ndɛ ə̀chaʼ, paynze ə panə fuə ndɛ ə̀chaʼ. Tsì ə̀təyn ə sə̀ʼsə̀ Pità ə mbɨ̀aʼà, ə ndwìsə̀ vəyn ə pìə se vəyn nə, “Zàŋse ndwi.” Kè sə ashìŋə̀, chaʼ sɛ ə se tè nyi ə Pità ekɔyn ə zhə̀nə̀ kə ndò.

Tom èchùŋ kè kə Lûk tè nyaʼ 1:19

Tsì ətəyn ə piə nə, “Ə̀ nyi mi, Ngapɨ̀lɨyà vɛ m tyəm ə Zhə̀fè ə ngwùŋ. Ə̀ tom fəynfe è mi nə m pə̀yn tsayn tom èchùŋ nə zɨ̂nə sê ghò.

Matyò 1:20

Kə è kwàʼtə̀ se za Mèli, tsì ə̀ Pɛ̂pɛ ə pə̀ sê vəyn ə tsəm, ə pìə sê vəyn nə, “Njosɛ̀f, va Ndàfît, kə ò fayn se njìə Mèli sə ghò zhwi kûmə̀ nə vayn vɛ ə è pɔŋ ndo sê Zuʼse Ŋwaʼase.

Tom èchùŋ kè kə Lûk tè nyaʼ 16:22

È və tə kwuə, tsìsè ə njìə vəyn ə ndùə ndə̀mə ə Aplàghâm ngwùŋ. Wùə èghaʼâ nə vɛ ə tə pɔŋɔ kwuə, ə pfɨ̀mə̀ vəyn.

Ətefɨ̂aʼ 12:23

Kè sə ashìŋə̀ tsì ə̀ Pɛ̂pɛ ə tɨmə ezaf ə Ɛlɔ̀t ewìyn kûmə̀ nə è tè fo va kɔʼsêzè sê Zhə̀fè. Ghɔ̂ŋghɔ̀ŋɔtə vəyn te ndwɔ̀tè ə kwɨlə vəyn ə və fètəyn è və kwuə.

Tom èchùŋ kè kə Lûk tè nyaʼ 2:9

Tsì ə̀ Pɛ̂pɛ ə fɨə ə ghənə ekyàʼ, pomsê ə Fezhə̀zè ə kyìŋə̀nga ghənə, ghənə e sè fânə̀ nâʼà sə ŋaŋ.

Tom èchùŋ kè kə Lûk tè nyaʼ 2:13

Kè sə ashìŋə̀, nɔ̂yn ə setsì kyîke ə pə̀ kwəynsə̂ sè tsîtə̀ Fèzhə̀ pîə nə:

Matyò 2:13

Ə̀ tè nyi kə ghɨ ghɛ ə tɔŋɔ lìm zɨə kê èghɛ zɛ m̀ pìə ndô, tsì ə pə̀ sê Njosɛ̀f ə tsə̂m ə pìə sê vəyn nə, “Ndwi ə njìə vayn yî nyì ə tə ndûə è ghənə ə Enjìp. Faŋ fu se zaʼâ kə m tsayn nə ò ndo, kûmə̀ nə Ɛlɔ̀t nə̀ tomə ə̀ghɨ nə ə kyiŋ vayn vɨnə̀ ə zhwi.”

Taytùs 3:7

Kûmə̀ àfùʼ Zhə̀fè ə tə nə̀yn nə ghâsènì ə nyi chichi, è kɨsè nə ghâsènì ke səmɔʼ nə ə tə kyîə èndam zɛ ə ze tə mîə va.

Etyə̂yn ə paynsêzè 5:6

Mə ke fe Va Ndzè è ve tyəm ə fètəyn fètəyn ə fəkyə̀ fə efɔ̀ynfè, mə fɨa endamə vɛ èkwàʼ è chəʼ sɛ ə kyɨ̀ŋ nga Va Ndzè ə̀təyn. Va Ndzè ə̀təyn tè kyaʼà kəpi nyi mə ə zhwi zə̂ynzè. È tè kyi sendɔŋ èsɛ̀mbɛ è shiə ə sɛ̀mbɛ, ə nyi sèzuʼ sə̂ Fezhə̀sè esɛ̀mbɛ kə ə tom chike akɨ̂m.

1 Pità 1:12

Zhə̀fè ə tə tyə̀yn paynsê sê fɨ̀aʼtè nə sɨ̂nə̀ nə ghənə ndâʼà tom nə zɨ̀yn fɨaʼà va sê ngɨŋ sə ghənə̂sè, nə ghənə pɨl fɨ̂aʼ sê ghàyn. Ghɛ ghɛ ə fɨ̀aʼtèsè tè wàmnə̀ nyi kepî ə̀ghɛ ghɛ ə ghɨ ghɛ ə ghe ndâʼà tom èchùŋ zôyn tɔynə̂ ə Sezuʼ se Ŋwaʼa sɛ ə se ndô pə̂ ekwùtwəyn, ə nyi ə̀ghɛ nâʼàpî sètsì e kɔ̂ŋɔ̀ sə̂ ke.

Matyò 25:34

Ə Fɔ̀yn ke pì sê ghɨ chichighe ə vəyn ekɔyn twɔve nə, ‘Ghàyn pəyn, ə ghàyn ghɨnə ə Pɨ̀a vɨm pɔse nyi! ghàyn nji pəyn ə kyi pɔsə efɔ̀yn ə Fezhə̀ vɛ ə nyi mə ə pɨaʼtê se ghàyn nâʼà kə tè pom mbi.

Njût 1:14

Enɔ̀k vɛ ə è tè nyi feghâŋ fèsɛ̀mbɛ ə Andàm epàm, ə tə tsàyn kûmə̀ èghɛ zɛ ə ze tə kyânə̀ kûmə̀ ghənə nə, “Ghàyn zɨte! Pɛ̂pɛ tə pə̂ è tsì sə vəyn se Ŋwaʼase kamse se tsɨ̂ə kə nyî,

1 Pità 1:4

ə fɨyn kyi èghaʼ ekwùtwəyn kə Zhə̀fè ndə̀m mə ze vayn kàʼa ə ze fi, mə ze vayn kàʼa ə ze pof, mə ze vayn kàʼa ə ze chaʼ.

Ipilù 6:17

Sê ghɨ ghɛ ə ghənə tè kyi se kyî etsɨ̂nè nə zɨ̂yn, Zhə̀fè tè kyiŋə se tyə̀nə paynsê nə zhi tə kwiynə̂ va ghɛ zɛ ə zhi pɨaʼte, nyiəmə è və paʼsə̂ èkâyntè ə vəynze sê tsɨnè ətəynze.

2 Tèsàlonikà 1:7

Fe tə nə̂, ə ghàyn ghɛ ə ghàyn fe tsôsvè zôyn ə kyi zɨ̂tèkè, ə ghàs kyî kəpî. Zhə̀fè tə nə̂ èghɛ nə zɨ̂nə̀ ashìŋə̀ kɛ Pɛ̂pɛ Njisə̀s chwìtè ngɨŋə̂ vəyn, tso pə̂ ekwùtwəyn yî tsì sə vəyn sə atyaʼse.

Filìpây 2:25

Mə fe nə e tsɔ̂fə̀ kəpi nə m kɛse tiynsê ànyìə ghâsènì Èpàfàlonditùs sê ghàyn. Ghâsè vəyn fɨ̂aʼà əmɔʼ, fɨnə nô kəpî ə̀ghɨ ghɛ ə ghe tâsə̀ nə kə tom èchùŋ zham. Ə̀ nyi ndùətom vâynvè kə ghàyn tè tiynse nə è pəyn tsâmtè mi e fɨ̂aʼ nə zɨ̂yn.

2 Kolìŋ 9:12

kûmə̀ nə fo nə zɨ̂nə̀ ə ghàyn fo tsâmtə̀ kə va ghɨə Fezhə̀. E nə̂ nə ghənə ə fo kəpi àzɔ̀ŋnè sê Zhə̀fè, nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 15:27

Ghənə ə tə fe nə ze tsɔ̂fə̀ ndò se nə̀yn nyiəmə, nə ə nyi eluʼ ə ghənə̂vè se tsàmtə ghənə. Kə ghɨ ə Njûsə̀ tè chyàtə pɔsê tə ghənə̂tè yighə̀ ghɨə ghɛ ə tè vachi ə̀ghɨə Njûsghè, e tè nyîə tsɔ̂fə̀ nə ghɨ ghɛ ə tè vachi ə̀ghɨ ə Njûsghè tsamte kepî ə̀ghɨ ə Njûsghè, è fɨave kə, efɨazhiəve, è kɛve, è ndzɨse.

Ŋwàʼlè ə̀ Pɔ̂l sê ghɨə Lûmghè 15:16

Zhə̀fè ə fo mi fùʼ nə kɛ mə nə mə nyi wùə èfɨ̀aʼa ə̀ Njisə̀s Klâys, nə mə ndaʼà tom èchùŋ sê ghɨ ghɛ ə̀ va əghɨ ə Njûsghè. M fɨaʼà kə wùə èkɔʼsə nə̂ èshyə̀ sə̂ ndaʼà tom èchùŋ zɛ ə è ndò sê Zhə̀fè, kə ghɨ ghɛ ə va əghɨ ə Njûsghè ə nyi kə efo zɛ ə Zhə̀fè nyi mə fe ə pomə. Zhə̀fè tə pomə ghənə kûmə̀ nə Zuʼse Ŋwaʼase ə nə̀yn ghənə e nyi è ŋwaʼze ə fəynfe əshi.

Ŋwàʼlè ə̀ Pɔ̂l sê ghɨə Lûmghè 13:6

Ə̀ nyì kepî kûmə̀ èghɛ nə zɨnə mə ə ghàyn màʼà ŋwàʼlè, kûmə̀ nə tu endaʼve fɨaʼà sê Zhə̀fè, ezhoghɛ ə ghənə nə̂yn fɨ̂aʼzè endom vɛ ə ghənə fe kyi se nə̀yn.

Ətefɨ̂aʼ 13:2

Shɨŋ zɛ ghənə kɔʼsə Zhə̀fè fɨnə pamə ècho, Zuʼ se Ŋwaʼase ə pə̀ piə sê ghənə nə, “Ghàyn chɔʼ Pànapàs yî Sɔ̂l ə ndəm, ə ghənə ə nə̂ èfɨ̂aʼ zɛ ə m kyiŋə nə ghənə ə nə̂.”

Ətefɨ̂aʼ 11:22

Ghɨə ghɛ ə ghe tè nyi ə ndɛ ə Fèzhə̀ ə Njèlusalɛ̀m ə zɨə saʼghe kûmə̀ èghɛ nə zɨ̂yn ə tomə Pànapàs nə è ndu ə Antyòk.

Tom èchùŋ kè kə Lûk tè nyaʼ 1:23

Tuʼ mə̂ èfɨ̀aʼ mə vəynm̀ mə mìə, è və kɛsə̂ kwɨlə̂ ə və apɨəyn.

Matyò 24:31

Ə tə tɔŋə èsɔŋ, ə è tom fɨsê sètsì sə vəynse ə tepòlə̀ tembi tekɨ̂m tèkyàʼ nə se kwi zûŋtè ə̀ghɨ ghɛ Zhə̀fè chitê se zhə̀tè apàs ə mbike amɔ̀ʼ se nduə tàyn ə kə mɔ̀ʼɔke.

Matyò 13:41

Va wùə tə tomə sètsì sə vəynse nə se nji fɨsê ə̀ghɨ ghɛ ə ghe nə̂ nə ghɨghə nə̂ pi è ghɨ mɔ̀ʼɔ ghɛ ghe nə̂ pi.

1 Pità 3:7

Ndômnèghè, ghàyn è pɔŋə ndamə è zhwi ghaynghe ke nə ghənə tɛ va kə ghàyn. E za nyi nə, ghàyn kyi sə̂ tɔ̂ʼnə̀ è ghənə kûmə̀ nə Zhə̀fè tə tsɨ̂yntə̀ fo èndam zɛ ə ze tə mîə va kè sê ghàyn ə̀kɨ̂m. Ghàyn e ndamə nyiəmə kə ghàyn ə piə ə tsə̂mə̀ ndò, ghɛze e tâsə̀ va tsə̂m zaynze.

Njə̂m 2:5

Ghàyn zɨte ə ghɔnyì ghɨm ghe chûŋə̀! Piə ghàyn ke ndô nə Zhə̀fè ə tə chɔʼ ghɨ ghɛ ə ghɨ ə mbighe njîə nə nyi əghɨ afɨfə, ə nə̀ nə ghənə ə kyi èkyî èpomə̂ eghaʼâzè, ə ghənə kyi luʼ efɔ̀yn vɛ ə Zhə̀fè tè tsɨ̀nè sê ghɨ ghɛ ə ghe kɔ̂ŋə̀ vəyn.

Ipilù 10:11

Naʼapi wùə èkɔʼsə nə̂ èshyə̀ èkè nyiə nə̂ èfɨa ə vəynze tuʼmè m̀kɨ̂m, fo kə èkyì efoze emɔ̀ʼ sə te shîŋə̀ te tsɨəte pîza mə fo nə tɨnə mə vayn kaʼa te shu tsɨsè pi.

Ipilù 8:6

Pîza zôyn, ə nyi mə ə fo fɨ̂aʼ ə wûə èkɔʼsə nə̂ eshyə̀zè sê Njisə̀s, ze ngaŋtə̂ tsɛ̂ zə ghənə̂zè, kè kə kàyn mɛ ə è tè fɛte sê Zhə̀fè è ghɨə Fezhə̀ghè tè tsɔ̀fə tsɛ̂ mə èmɨmè, kûmə̀ nə kàyn mə təynmè zaʼnə̂ etsɨ̀nè əghɛ ghɛ ə ghe tsɔ̂fə̀ tsɛ̂ kəpî.

Ipilù 6:12

Ghàs kyiŋə va nə ghàyn ə zɔlə. Ghàs pɨlə kyiŋə kə nə ghàyn ə səynə̂ ə̀ghɨ ghɛ ə ghe nyi mə ə pomə sê Zhə̀fè fɨnə wəynsə̂ se fi afɨa kɛ ə Zhə̀fè tsɨ̀nè.

Ipilù 5:9

Ə̀ tè nyì kə è kwəyn mɨ̂sè kə Zhə̀fè tè kyiŋə nə è və nyi, fə ndə̀mə̀ vəyn sə Wûə èsɔza sê ghɨ ghɛ ə ghe zɨə vəyn, nə è və nyi sɔ̀zà ghənə̂ sə teshɨ̀ŋə̀ tèkɨ̂m.

Filìpây 2:17

Pîza, ə zhwi pî mi zôyn, ə ndə̂m mɨ̂mè sɨsə kə efo sê Zhə̀fè, kèpî kə ndom vɛ ə ghàyn nyi mə ə kɔʼsê Zhə̀fè ətəyn səmɔʼ nyi efo sê Zhə̀fè. Təm ghɨmə nyîə saŋnə̂, m saŋnə̂ kəpî se ghàyn.

Ɛfesùs 3:6

Ghɛ e kayntə nə zɛ ə tè mɛnə sə shi nyi nə, ghɨ ghɛ ə̀ vachi ə̀ghɨ Njûs ghɛ ə ghe pomə tom èchùŋ tə tsɨ̂yntə̀ zhiə èfɔyn ə Fezhə̀vè yî ghɨə Isìlâyghè ə fɨyn tsɨ̂yntè nyi èpɨas əfètə̂ èwiyn emɔ̀ʼ, fɨyn nyi se tə tsɨ̀yntə kyiə epɔsê zɛ ə Zhə̀fè tsɨ̂nè tɔynə̂ ə Klâys Njisə̀s.

Ngàleshyà 3:29

Ə ghàyn nyi əghɨ Klâysə̀, ə ghàyn ə nyi əghɔyn sê Aplàghâm, ə ghàyn tə kyî àfɨa kɛ ə Zhə̀fè tè tsɨ̀ne sê ghɔyn ə vəynghe.

Ngàleshyà 3:9

E za tyə̀nə̀ nə nâʼàpî ndè vɛ è pomə, è kyi epɔsê kèpi èghɨ kə Zhə̀fè tè pɔse Aplàghâm kûmə̀ èpomə̂ ə vəynze.

Ngàleshyà 3:7

Piə ghàyn ə fe zôyn nə ghɔ Aplàghâmə̀ nyi əghɨ ghɛ ə ghe kyi kyî epomə̂zè sê Zhə̀fè?

Ŋwàʼlè ə̀ Pɔ̂l sê ghɨə Lûmghè 8:17

Kə ghâsènì se nyi ə̀ ghɔyn ə vəynghe, ghâsènì tə kyîə ndò pɔsê tɛ ə È ndə̀m sê ghɔ vəynghe, ə kyi kepî ghasènyìə ghə̀ Klâys fɨa vɛ ə Zhə̀fè nyi mə fə ndə̀m se Vəyn, kûmə̀ nə ə ghâsènì zɨ tsôsvè ghasènyìə ghə̀ Klâys, ə ghâsènì tə kyî kepî èpomsê ə vəynze.

Ətefɨ̂aʼ 16:26

Kè nyi, chike ə shɨŋə nəʼə̀, ə nə̀ʼsə̀ esas ə ndɛ̂ chaʼ nə zɛ. Kè sə ashìŋə̀, cho sendɛ ghəkɨ̂m ə chwìtə̀, chaʼsə əghɨ̀ ə ndɛ ə̀chaʼ ə təynghe ə təyntə̂ nâʼà sèkɨ̂m.

Matyò 4:11

Ndə̂plè ə ke zà vəyn, tsìsè ə pə̀ tsâmtə̀ vəyn.

Ŋwàʼlè ə̀ Mâk 10:17

Njisə̀s ə nə̀ ndo sè ndùə endom, wùə vîvè ə nyɨŋə pə̂ tɨmə ə̀ndzɨs ə və shi ə pfɨfə sê vəyn nə, “Tyə̀ynsè èchùŋ, m nyiə kàʼa ə m nəyn nâʼà ghè se tə kyîə endam zɛ ə ze tə mîə va ə?”

Ŋwàʼlè ə̀ Pɔ̂l sê ghɨə Lûmghè 11:14

Zho fîfe, m kaʼa m nəyn ə ghɨ ghɨm ghe ndaʼa, mə nyi əghɨ ə Njûsghè, ə ghənə kyi ghə̀ʼkè, kə yîghe ə ghənə ə fètəyn kyi sɔzaze.

1 Kɔlìŋ 1:21

Kûmə̀ nyiə mə, Zhə̀fè tɔynə̂ ə vəyn etɔf eghaʼâzè ə nə̀yn nə wùə vayn ndə̀ʼə kê vəyn tɔynə̂ ə vəyn etɔf eghaʼâ ə ngɨŋze. Zhə̀fè tè nyîə pɨlə saŋnə̂ tɔynə̂ əfètə̂ ‘àngo’ kɛ ə tè ndàʼa, è və sɔ̀zâ ə̀ghɨ ghɛ ə tè pomə.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

Ipilù 9:28

Ə za nyi kepî endom nə vɨ̂yn ə tè fo Klâys sə efo, è və kwuə kə shîŋə̀ emɔ̀ʼ se tsɨsə sepi sə ghɨ̀sè. È tə kɛse pə̂ pîza ə è və fɨnə pə̂ va se shù se pi sə ghɨ̀sè, è tə pə̂ se sɔzà əghɨ ghɛ ə tsɨs lɨmtə̂ vəyn.