Filìpây 4:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Ghɛ ekwuŋsəze ə ghɔnyì ghɨmə nyi nə, ghàyn e kwaʼtə̀ ə̀ghɛ ghɨnə shîŋə̀ tekɨ̂m. Ghàyn e kwaʼtə̀ nâʼàpî èghɛ èkè zɛ ə ze nyi səmɔʼ, nâʼàpî eghɛ èkè zɛ ə̀ nyi eghɛ echuŋzè, nâʼàpî èghɛ èkè zɛ ə ze nyi chichi, nâʼàpi èghɛ èkè zɛ ə ze kyi va ləʼke, nâʼàpi èghɛ zɛ ə ghɨə kyi sə̂ kɔ̂ŋə̀, è nâʼàpî èghɛ èkè zɛ ə ghàyn fe nə ze tsɔ̂fə̀ ndò se ghàyn. Ghàyn e kwaʼtə̀ ə̀ghɛ ghɛ ə ghe ngəsə̂ tsɔ̂fə̀, ghɨghe e pîə nə ghe nyiə tsɔ̂fə̀. Ə̀ nyi ə kyì əghɛ ghɨnə̀ ə ghàyn kyi sə̂ ndə̂mə̀ ə ghàyn ə fètə̂ ə̀təm nâʼà shîŋə̀ tekɨ̂m.

Filìpây 4:8 Referans Kwoze

Njə̂m 3:17

Pîza, ghɛ əshi zɛ ə ze nyi kûmə̀ ètɔf eghaʼâ zɛ ə ze ndô pə̂ ekwùtwəyn nyi nə ze nyîə zo, kɔ̂ŋə̀ pɔ̂ynè, pɔynə̂, ndə̂mə̀ ngɨŋə̂ vəyn əchi, kyi ekosê esəyn zɛ ə ze muə twɔm echûŋvè, nə̂ ə̀ghɛ kè eghɨ sê ghɨghe, kaŋkaŋə̂ nə̂ va ghɛghe.

Taytùs 2:7

Nâʼàpî eghɛ èkè zɛ ə ò nə̀, ò kyi sə̂ nə̂ endom echûŋvè kə ghɨ əmɔ̀ʼɔghe kaʼa ə ghe səyne sê ghò. Ə nâʼàpî èghɛ èkè zɛ ə ò nə̀, ə ze ə tyə̂nə̀ nə ghɛ zɛ ə ò zaʼlə nyîə kyi èkɔʼnê, ə̀ nyi èghɛ mə ə̀ vachi èshî.

2 Kolìŋ 8:21

Ghàs kyiŋə kə sə̂ nə̂ èghɛ zɛ ə ze nyi chichi. Ghàs nə̀ kə va ə Zhə̀fè əshi, ghàs nə̀ kəpi ndò əghɨ mɔ̀ʼɔghe əshi.

Ngàleshyà 5:22

Pîza Zuʼse ŋwaʼase muə ètwɔm echûŋvè kə, ekɔ̂ŋ, saŋnêzè, pɔ̂ynè, wəynsê ewìynze, tɔ̂ʼnə̀, nə̂ chùŋ, nə̂ ə̀ghɛ è təmghe əkɨ̂m,

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

Ipilù 13:18

Ghàyn e tsə̂mə̀ kə sê ghàs. Ghàs ke ndô nə təm ghasghe saʼa va ghàs, kûmə̀ nə ghàs kyiŋə kə sə̂ nə̂ eghɛ zɛ ə ze tsɔ̂fə̀ shîŋə̀ tekɨ̂m.

1 Timotì 4:12

Kə ò za nə wùə ə chîynə̀ ghò kûmə̀ nə ò nyi vâyn èpɔ. Ò kyi sə̂ nyi sê ghɨ ə poməghe kə chwìə e ndom vɛ ə ò wàmnə̀ ətəyn. Ò ndamə èndam echûŋzè, kɔ̂ŋɔ̀ ə̀ghɨ, tyə̂nə̀ nə o kyi ndô kyî epomə̂zè sê Klâys fɨyn nyi è zoze

Ɛfesùs 5:9

M pìə nyi kûmə̀ nə ə payn nyi pî ghayn, ə ghɛ chûŋghè ə fɨə fu, ghɨghe ndamə tèndam tə chichite fɨnə nə̂ kə èghɛ zɛ ə ze nyi səmɔʼ.

Taytùs 1:8

È kyi sə̂ nyi wùə, tɔ̂ʼnə̀ è ghɨ motə pə, fɨnə kɔ̀ŋɔ̀ sə̂ nə̂ ə̀ghɛ chûŋə̀. È kyi sə̂ nyi wùə, ke se kyiə ngɨŋ ə vəyn, nə̂ ə̀ghɛ ghɛ ə ghe nyi chichi, nyi èŋwaʼze, nguŋnə̂ ngɨŋ ə̂ vəyn.

1 Njɔyn 3:3

Ə ghɨghe əkɨ̂m ghɛ ə ghe ndə̂mə̀ təmə ghənə̂ghè se vəyn, ndəm ngɨŋ sə ghənə̂sè è ŋwâʼe kèpî kə è nyi è ŋwaʼze.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

Taytùs 3:14

Ghɨ ə ghasènìghe kyi se zaʼlê sə̂ nə̂ ə̀ghɛ əchûŋə̀, mə ghənə tsâmtə̀ ə̀ghɨ fo èfɨa vɛ ə ghənə ndɨŋə lâʼà. Ə ghənə nə̂ nyî, ə ghənə kyi ndam zɛ ə ze muə twɔmve.

Ŋwàʼlè ə̀ Pɔ̂l sê ghɨə Lûmghè 13:13

Ghàyn e kyi tsɨnè èchùŋ kə ghɨ ghɛ ə ghe nyi epayn. Kə ghàyn ə nduə ə telùʼ te zhisə̂ nə ewìyn tɛ ə ghɨghe mɨə lɨ̀m fumə, m̀ ko ghənə, kə ghàyn ə chûmtə zəynghe è ndômnèghè. Kə ghàyn ə nə ghɛ ə nyələghe, kə ghàyn ə zɔ, kə ghàyn ə kyi àghə̀ʼ.

Njə̂m 1:27

Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

Taytùs 2:2

Zaʼle sê ndômnè ə ndumnə ghe nə, ghənə ke se kyiə sengɨŋ sə ghənə̂sè, kwənə̂ kə ə fo èkɔʼsê se ghənə, nə̂ ə̀ghɛ ètɔf eghaʼâzè. Ghənə kyi sə̂ tɛ ə ghənə ekyî epomə̂zè, kyi sə ngə̂sê kyi èkɔ̂ŋ, è təm ə kolə.

2 Kolìŋ 13:7

Ghàs tsə̂mə̀ se Zhə̀fè nə kə ghàyn tə nəyn pofsê èghɛ zhîze. Ghàs tsə̀mə̀ chîəva tsə̂m nə zɨ̂yn kə ghɨghe ə pîə nə Zhə̀fè ə pomə̂ ghàs, pîza ghàs pɨlə kyiŋə kə nə ghàyn ə nə̂ èghɛ zɛ ə ze nyi chichi, naʼapi kə ghɨə mɔ̀ʼɔghe kwaʼtə̀ nə Zhə̀fè paʼà pomə̂ ghàs kə ghɨətomə.

Kòlosè 4:5

Ghàyn e tɔfə endom vɛ ə ghàyn ndamə ətəyn ghâynghə̀ ghɨ ghɛ ə̀ va əghɨ epoməghe, nə̂ èfɨaʼ echûŋzè nâʼàpî ətəfè zhəmə̂ fèkè fɛ ə ghàyn kyi.

1 Pità 4:8

Nâʼà èghɛ etɛ zɛ ə ze nyi nyi nə ghàyn e ndɨŋə kɔ̂ŋɔ̀ sèngɨŋ saynse kûmə̀ nə kɔ̂ŋzè nyîə kɨəytə̂ sèpi se tsɨ̂ə kə nyî.

Ŋwàʼlè ə̀ Pɔ̂l sê ghɨə Lûmghè 13:3

Ghɨ ghɛ ə ghe nə̂ chùŋ kyi va sə fânə̀ etu endaʼve. Pîza ghɛ ə ghe nə̂ pi, ə̀ fànə̀ ghənə ètu endaʼve. Ə ò kɔ̀ŋə̀ va sə fânə̀ atu endaʼke, ò nə̂ ə̀ghɛ ə chûŋghè. Ə ò nə̀yn nyiəmə, ə è tsite ghô.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Filìpây 3:1

Se mɨ̂sè ə ghɔnyì ghɨmə, ghàyn e saŋnə̂ nə ghâynghə̀ Pɛ̂pɛ nyi sə afɨa əmɔʼ. M pâʼà pɔ sə̂ nyâʼà zɔmtə̂ ə̀ghɛ mə m se nyi mə mə nyàʼ. Ghɛ nə ghɨnə nyi ke se tsɨ̀ŋnè ə ghàyn.

Ŋwàʼlè ə̀ Pɔ̂l sê ghɨə Lûmghè 2:29

Pîza wùə vɛ ə̀ lote nyi wùə Njûs, ə̀ nyi wùə vɛ ə è nyi wùə Njûs ə vəyn əfètə̂ ə̀təm, e za tyə̀ nə ə̀ nyi wùə vɛ ə nyi mə ə se nam ə vəynghe ə vəyn ə fètəyn. Ə̀ nyi Sezuʼ sə Fezhə̀sè ə se nə̂ fɨ̂aʼ nə zɨ̂yn, ə̀ vachi nə wùə chùmtə̀ àlaŋ kɛ ə nyi mə ə nyàʼ. Ə̀ tsîtə̀ Fèzhə̀ è wùə nə vɛ mə, ə̀ vachi wùə m̀sɔ̀ŋ.

1 Timotì 2:2

Ghàyn e lotə̂ paynsə̂ tsə̂mə̀ tso sê fɔ̂yntè è kɨsè ghɨə mɔ̀ʼɔ ghɛ ə ghe chisə ghɨghe kə ghâsènì ə ndamə è pɔ̂ynè, fanə̀ va ghɛ zhîze, kə ghâsènì ə nyi kàʼa ə ngɨmnə̂ Fèzhə̀, fɨnə nə̂ kə èghɛ zɛ ə è kyiŋə nə ghâsènì ə nə̂.

1 Timotì 5:10

ghɨghe ke nə è kyi ndô ndam echûŋzè, mə è və tɔ̀ʼnè kɔʼ pəyn è ghɔ vəynghe, fɨnə fiə ə̀ghɨ ə motə pə kè nâʼà àchûŋ. Ə̀ kyi sə̂ nyi wùə mə è nyiə tsâmtə̀ ə̀ghɨ ə poməghe ə mndômnə̀ mndômnə̀ se tyə̀yn engɨmnê, fɨnə tsâmtə̀ əghɨ ghɛ ə ghe kyi tsôstè. Ə̀ kyi sə̂ nyi wùə mə è və fo ngɨŋə̂ vəyn sə̂ nə̂ chùŋ.

Ɛfesùs 6:14

Ghàyn kol ghɛ zɛ ə ze nyi səmɔʼ ə ghàyn esas kə fekô, ə kɨŋte ngàŋtè kaynke è ndam ə chichize ə tyəm ə pfɨ̂tə̀.

1 Tèsàlonikà 4:12

Ə ghàyn nə̀ nyî ə ghɨ ghɛ ə va əghɨ ə poməghe ə ngɨmnə̂ ghàyn, ə ghàyn ə naynə̂ va sê wùə vîvè.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

2 Kolìŋ 6:8

Ghɨə mɔ̀ʼɔ nyîə kɔʼsə ghàs, ghɨə mɔʼɔghe wàmnə̀ əghɛ piə kûmə̀ ghàs. Ghɨə mɔ̀ʼɔghe tsîtə̀ ghàs, ghə mɔʼɔghe sôylə̀ kə ndò. Ghàs e wàmnə̀ kə səmɔʼ pîza ghɨghe e njiə ghàs sə əghɨ̀ akaŋghe.

Ətefɨ̂aʼ 10:22

Ghɨ ə təynghe ə pìə nə, “Ghàs nyi mə ə̀ tom Kɔ̀nilùs, àtuə sesokə̀ʼa. È nyì ke nâʼà wùə chichi, fɨaʼà se Zhə̀fè, ghɨ Njûsghè əkɨ̂m nyîə ngɨmnə̂ vəyn. Tsì ə̀ Fèzhə̀ zhîzè pì sê vəyn nə, è tom tɔŋɔ ghò ə ò pəyn ə və ə ndɛ kə è zɨ ghɛ zɛ ə ò kyi se tsàyn se vəyn.”

Njɔyn 7:18

Ghɨ ghɛ ə mômsə̀ sə̂ wâmnə̀ ə ghənə atyaʼ nyîə mômsə̀ se kyî epomsê se ngɨŋ sə ghənə̂sè. Pîza vɛ ə è kyiŋə pomsêzè se vɛ ə è tom vəyn nyîə nyi səmɔʼ, mə ghɛ zhîze va ə nyi akaŋ kûmə̀ vəyn.

Tom èchùŋ kè kə Lûk tè nyaʼ 2:25

Ə̀ tè nyi zâ wùə vîvè e nyi ə Njèlusalɛ̀m, zə vəynze e nyi Simyòn, Zuʼse Ŋwaʼase e nyi ə və tu, è ndamə kə nâʼà chichi, njiə àshîŋə̀ se fɨ̂aʼ efɨaʼ ə Fezhə̀e. È tè lɨmtə kə etuʼ vɛ kə̂ Pɛ̂pɛ tə zə̂sə̀ shîəm mə ghɨə Isìlâym̀ ətəyn,

Ŋwàʼlè ə̀ Mâk 6:20

Ɛlɔ̀t tè nyîə fànə̀ kə̂ è tè ke nə Njɔyn tè nyi wùə chichi, fɨyn nyi èŋwaʼze. È tè pomə̂ tsɛ̂ va nə ə nəyn ghɛ epi sê Njɔyn, kɔ̀ŋɔ̀ kə sə̂ zɨtə̂ ə̀ghɛ ghɛ ə è pìə, nâʼàpî kə è tè zɨtə, ghɛ ətəyn ghe fɨmsə̂ vəyn nâʼà sə ŋaŋ.

Tom èchùŋ kè kə Lûk tè nyaʼ 16:15

Njisə̀s ə se pi sê ghənə nə, “Ə nyi ghàyn ghɛ ə kwiə tyə̂nə̀ sê ghɨ nə ghàyn nyi əghɨəe chûŋə̀, pîza Zhə̀fè e ke ətəm ghaynghe. Naʼapi ghè vɛ ə kwàʼtè ə ghɨ̀zè njiə nâʼà sə afɨa nyi ke àfɨa e zomke sê Zhə̀fè.

1 Kɔlìŋ 4:5

Kûmə̀ nyî, kə ghàyn ka saʼ ndɔ̀ʼɔ shîŋə̀ təynke kwəyn. Ghàyn lɨmte ə Pɛ̂pɛ pəyn. È tə pə̂ ə è tyəyn paynsê ə̀ghɛ ə ndətə ghɛ ə nyâʼtə nə̂ alɨm, ə è tsayn kwaʼtè tɛ ə ghɨ ndətə̀ ə ghənə ətəm, ə Zhə̀fè ke tsîtè ə nâʼàpî ndè ə vəyn efɨ̀aʼ.

Ətefɨ̂aʼ 22:12

Wùə vîvè tè nyîə nyi fumə endaʼ zə vəynze nyi Ànàniyàs, ə̀ nyi wùə Fèzhə̀ ndəmə̀ àlâŋ, nâʼà ə̀ghɨ ə Njûs ghɛ ə tè ndamə fumə e kɔʼsə̂ vəyn àchûŋ.

1 Njɔyn 4:1

Ghɔ nyì ghɨm ghe kɔ̂ŋə̀, kə ghàyn ə pomə se nâʼàpî ndè vɛ ə è pìə nə zhi nyîə kyi sè Zuʼ, pîza ghàyn mom ghənə se fe nə zuʼ sɛ ə ghənə kyi ndo pə̂yn tê se Zhə̀fè ə. Kûmə̀ nə fɨ̀aʼtè sə akaŋse tsɨəse nyi ndô ə mbi.

1 Timotì 5:2

Ò njîə ə̀zəyn ə nduməghe kə nyì ghɛghe, njìə sèngɔ̀yn kə ghɔnyì ghɛghe zəynghe. Kə ò nə ndəʼ kwaʼtè se nə̀yn ə pi ghâyn ghə̀ ghənə nâʼà endom vîve.

Tom èchùŋ kè kə Lûk tè nyaʼ 23:50

wùə vîvè tè nyi kepî etuʼ nə vɛ, mə tɔŋtə̂ nə Njosɛ̀f, ə nyi wùə ə̀ tɔ̂ŋ ə Njòndyâ zɛ ə tè tɔŋtə nə Àlimàtiyà, ə nyi ke nâʼà wùə èchùŋ, nyi chichi, ndamə lɨmtə kə ashìŋə̀ ke kə̂ Zhə̀fè zɨtə sè saʼə mbi ətəyn. E tè nyi ke nâʼà wùə èmɔ̀ʼ əfètə̂ atsɨ̀ynte ə ghɨə chwitə, pîza ə tàʼa pomə eghɛ zɛ ə fɛte kûmə̀ Njisə̀s ə fɨnə nə̀ sè vəyn.

1 Timotì 3:4

Ə̀ kyi sə̂ nyi wùə fɛtə tɔ̂ʼnə̀ è ghɨə vəyn ghə ndɛghe. È kyi sə̂ nyi wùə ghɔ vəynghe ngɨmnə̂ vəyn, fɨnə zɨə se vəyn əghɛ ə̀kɨ̂m.

Ətefɨ̂aʼ 6:3

Ghàs piə sê ghàyn ə ghɔnyìə ghasə nə, ghàyn chɔʼ ghɨghe əsɛ̀mbɛ̂ ə ghayn əfètəyn, ghɛ ə ghe kyi ndam èchùŋ, è tɔf eghaʼâzè è Zuʼse Ŋwaʼase e fɨnə chisə̂ ghənə kə ghàs fo fɨ̂aʼ zɨ̂nə̀ sê ghənə.

Matyò 22:16

Ghənə ə ke tomə se chùmtè èpàm sə ghənə̂sè è ghɨə anɔ̀yn ə Ɛlɔ̀tkè sê Njisə̀s. Kə ghənə ndû tâyn ə pìə se Vəyn nə, “Tyə̀ynsè, ghàs ke ndô nə ò wàmnə̀ kə səmɔʼ, zaʼlə̂ kə èghɛ zɛ ə ze nyi səmɔʼ kûmə̀ àlâŋ ə Fèzhə̀kè se ghɨə, fɨmsə̂ va ngɨŋ zɛ̂zè kûmə̀ ə̀ghɛ ghɛ ə ghɨ kwaʼtə̀, pî ə̀ghɨ ghɛ ə ghənə nyi ghənə kûmə̀ nə ghənə vayn kaʼa kwiyne zaʼlê zɛze.

Ipilù 11:2

Ə̀ tè nyi tɔynə̂ ekyî epomə̂ nə zɨ̂yn ə ghɨ etuʼ ə shighe tè nəyn Zhə̀fè e saŋnə̂ yighə̀ ghənə.

1 Timotì 3:11

Zəyn ghɛ ə ghe fɨaʼà ə ndɛ Fèzhə̀ pɔŋ kyi sə̂ kyi èndam e chûŋzè, ndə̀mə̀ va kôghɔ̀ŋ, nə̂ va ghɛghe tsɨə tsɛ̂ àndiŋ, nə̂ nâʼà pîghè kè səmɔʼ.

2 Kolìŋ 8:18

Ghàs ə tom kepî ànyì ə̀ mɔ̀ʼɔ yî vəyn, ə nyi wùə ghɨ ghe kɔ̂ŋɔ̀ vəyn ə sendɛ sə Fezhə̀sè sekɨ̂m kûmə̀ nə è nyîə ke se fɛtə̂ ndàʼa tom èchùŋ.

2 Pità 3:1

Soyn sɨmse kɔ̀ŋsè, ə̀ kɨnə nyi akòmte ə ŋwàʼlèkè m nyâʼà sê ghàyn. Famə ə fètə̂ sèŋwàʼlè nə sɨ̂nə̀ mə sepɛ̀ ə m nyâʼ sê ghàyn, mə mɔ̀msè sə ŋaŋ se nə̀yn nə ghàyn ə kwaʼtə̀ ə̀ghɛ ghɛ ə ghe tsɔ̂fə̀ tɔynə̂ epɨəytè zɛ ə m pɨ̂əytə̀ ghɛ ətəynghe sê ghàyn.

Ŋwàʼlè ə̀ Pɔ̂l sê ghɨə Lûmghè 14:18

Mə ə ghɨə fɨaʼà sê Klâys famə endom nə vɨ̂yn, ghənə nə̂ nə Zhə̀fè ə saŋnə̂, ghɨə mɔ̀ʼɔghe e pîə nə ghənə ə nə̀yn ghɛ echûŋzè.