Filìpây 3:16 - Ŋwàʼlè ə̀ Fèzhə̀ Mkâyn Mə̂ Fèm

¹⁶ Ghâsènì kyi sə̂ nə̂ kə èghɛ zɛ ə Zhə̀fè tyə̀yn nə ghâsènì ə nə̂.

Filìpây 3:16 Referans Kwoze

Kòlosè 2:6

Kə ghàyn nyi mə ghàyn ə tə pomə̂ Klâys Njisə̀s kə Pɛ̂pɛ vâyn, ghàyn e pa nə̂ kə ə̀ghɛ kə è kyiŋə.

Etyə̂yn ə paynsêzè 3:3

Kɛse kwaʼte ghɛ ghɛ ə tè zaʼle sê ghò è ghɛ ə ò tè zɨ. Kwiyne təm ghɛghe se pi ò nə̂ ə̀ghɛ ətəynghe. Ə ò tàʼa zə̀mə̀, ə m pfɨ̀ŋə̀ pəyn sê ghò kə wùə e chɔŋɔ, ə ò nə tàʼa kê ashîŋə̀ kɛ ə m pə̂ ətəyn.

Ngàleshyà 6:16

Ə Pɔ̂ynè ə Fèzhə̀ è kosê esəynze ə nyi sê ghɨ ghɛ ə chûmtə̀ zaʼlê zɨ̂nə̀, è kɨsè se ghɨ Fezhə̀ ghəkɨ̂m.

Ŋwàʼlè ə̀ Pɔ̂l sê ghɨə Lûmghè 15:5

Ə m tsə̂mə̀ nə Zhə̀ fɛ ə fe nə̂ nə ghâsènì ə kolə ə̀təm, fɨnə fo ghâsènì è təmghe, nə fe nəyn nə ghàyn ə nyi choze emɔ̀ʼ è ngɨŋ saynse kə ghàyn chùmtə̀ Njisə̀s Klâys.

Filìpây 4:2

Èyondìa è Sìntîs, m chyatə̂ nə ghàyn ə nyi sə eghɛ èmɔ̀ʼ mə ə zɔ̂ va kə ghɔnyì ghe ə Pɛ̂pɛ.

Filìpây 2:2

Ghàyn e nə̂ ə̀ghɛ kè èkwâʼtèzè emɔ̀ʼ, kɔ̂ŋə̀ sèngɨŋ saynse, fɨaʼà sə eghɛ èmɔ̀ʼ, kyi ke èkwaʼtè èmɔ̀ʼ kə saŋnê zɨmze ə nyi mə zə lwiyn kwəyn.

Filìpây 1:27

Ghɛ echûŋzè nyì ke nə, ghàyn ə ndamə kə tom èchùŋ ə̀ Klâys kyiŋə kə m pəyn pî ndò se fe ghàyn, kɨ̀sə m faŋ pî se pə̀yn, m mə ke ndò nə ghàyn pa tɛ kə ndò tyəm sə afɨa àmɔ̀ʼ, tsɨ̂yntə̀ fɨ̂aʼà nâʼà è tyaʼa è kwâʼtèzè emɔ̀ʼ sə̂ ndə̂mə̂ ekyî epomə̂ zɛ ə tom èchùŋ zaʼlə.

Ŋwàʼlè ə̀ Pɔ̂l sê ghɨə Lûmghè 12:16

Ghàyn e nə̂ ə̀ghɛ sə eghɛ èmɔ̀ʼ. Kə ghàyn nə ghaŋsə wiyn, pîza ghàyn e fɨaʼà tsɔ̂fsə̀ ghâyn ghə̀ ghɨ ghɛ ə kɔʼɔ kwəynə va kə ghàyn. Kə ghàyn nə ndəmə nə ghàyn nyîə ke tsɛ̂sè.

Ngàleshyà 5:7

Ghàyn tè kwiə kə nâʼà endom echûŋ. M ke va nə ə̀ tè fɨyn tâsè ghè ghàyn nə kə ghàyn kyi faŋsê èghɛ zɛ ə ze nyi səmɔʼ ə?

Kòlosè 4:2

Ghàyn e tsə̂mə̀ shîŋə̀ tekɨ̂m, fɛte ke èghɛ zɛ ə ghàyn tsə̀mə̀ sê zəynze ezhoghɛ ə ghàyn tsə̀mə̀, fo àzɔ̀ŋnè sê Zhə̀fè.