Filìpây 2:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Kə wùə ə vayn kàʼa è pi nə ghàyn ə nə̀yn pofsê ghɛze, kɨ̀sə ghàyn kyi ndô ləʼke; kûmə̀ nə ghàyn nyi əghɔyn ə Fezhə̀ ə Ŋwaʼa ghɛ ghe ndamə ə mbi əfètəyn ə̀ghɨ̀ epi ghɛ ə ghe kɔ̂ŋə̀ sə̂ nə̂ ndûə kə pi shîŋə̀ tekɨ̂m. Ghàyn nyi ə ghənə əfètəyn ə mbi kə mlî mɛ m̀ panə.

Filìpây 2:15 Referans Kwoze

1 Pità 2:12

Ghàyn e ndamə tèndam techûŋtè kə ghɨ ghɛ ə ghàyn ndamə ə ghənə fètəyn, ghənə e ke va Zhə̀fè nə kaŋa ghâmə̀ pî ghàyn, ə ghənə tə fe kê ə̀ghɛ ghayn ghe chûŋghè ə fetuʼ fɛ ə Zhə̀fè tə kɛsə pə̂ se saʼ, ə ghənə ə tsîtə̀ Fèzhə̀.

Matyò 5:45

Ə ghàyn nə̀yn zamə, ə ghàyn ə nyi ə̀ ghɔ pɨ̀a vâynvè ekwùtwəyn. Kûmə̀ nə È nə̀ nə chwìə Vəyn ə panə sê ghɨ piə è ghɨ echûŋə̀ kè eghɨ, fo èghol sê ghɨ ghɛ ə nə̂ chùŋ è ghɛ ə nə̂ pi kè eghɨ.

1 Tèsàlonikà 5:23

Ə Zhə̀ fɛ ə fe fo pɔ̂ynè sê ghâsènì nəyn ə ghàyn ə nyi è ŋwaʼze nâʼàpî endom èkwùə. Ə Zhə̀fè nəyn ə təm ghaynghe, è zuʼ saynse, è wiyn vaynve ə kyi va ghâmzè nâʼà endom vîve etuʼ vɛ ə Pɛ̂pɛ ə ghâsènì Njisə̀s Klâys kɛsə pə̂.

2 Pità 3:14

E za nyi ə soyn sɨm sechûŋsè nə, kə ghàyn lɨmtə tuʼ nə vɛ, ghàyn mɔmse nâʼà è tyaʼa sə̂ zo, kyi va tsasze ə Zhə̀fè əshi, fɨnə ndamə è pɔ̂ynè sê vəyn.

1 Kɔlìŋ 1:8

È nə̀ tsâmtə̀ nə ghàyn ə kyi ke èpomə̂ sê vəyn se zaʼâ ə kwùŋse, kə ghàyn tə nəyn ə kiva ghâmzè ə ezhoghɛ ə Pɛ̂pɛ ə̀ ghâsènì Njisə̀s Klâys kɛse pə̂yn.

Taytùs 2:10

è kɨsè nə ghənə kyi va se chɔŋ sê pɛ̀ efɨ̀aʼ ə ghənə̂ghè. Ghənə kyi sə̂ pɨlə tyə̂nə̀ sê pɛ̀ efɨ̀aʼ ə ghənə nə ghənə nyi ə ghɨfɨaʼə chûŋə̀ mə pɛ̀ efɨ̀aʼ kàʼa e samse. Nyiəmə, ə tendom tèkɨ̂m, ə ghənə nəyn ə ghɨghe fe nə zaʼlêzè kûmə̀ Fezhə̀ sɔ̀zà ə̀ ghâsènì nyîə tsɔ̂fə̀.

1 Pità 2:9

Pîza, sê ghàyn, ghàyn nyi əghɨ kə Zhə̀fè chɔʼ ndəm. Ghàyn nyi əghɨ ə kɔʼsə nə eshyə̀ghè ə ndɛ̂ Fèzhə̀, fɨ̂aʼà sê Zhə̀fè mə è nyi fɔ̀yn. Ghàyn nyi endaʼ əghɨ̀ eŋwaʼaze. Ghàyn nyi kàyntè əghɨ̀ ə Fezhə̀ ghɛ ə è chɔʼ nə ghàyn ə ndâʼà ə̀ghɛ kayntə ə Fezhə̀ fɛ ə Fe tè tɔŋɔ fɨsê ghàyn ə fètəyn àlɨm ə njìə ndzɨsə̂ ghàyn ə fètəyn èpayn ekayntə ə vəynze.

Matyò 5:48

Ghàyn kyi sə̂ nyi chichi kè kə pɨ̀a vâyn ve ekwùtwəyn nyi chichi.

1 Timotì 3:10

Ə kyi se mɔ̀m endam ə ghənə̂zè poməze, mə ghənə tsɛ̂ mɔ̂m ətəynze, ə za ə ghənə ə fɨaʼà ə ndɛ ə̀ Fèzhə̀.

1 Timotì 3:2

Wùə è chisə ə ndɛ ə̀ Fèzhə̀ kyi sə̂ nyi wùə mə ə chîə ngaynə̂ va vəyn, è kyi sə̂ kyi ke wùzhɔyn emɔ̀ʼ, nə̂ va ghɛghe tsɨ̂ə tsɛ àndiŋ, nyi kàʼa è kyi ngɨŋə̂ vəyn, ngɨmnə̂ ngɨŋ ə vəyn, tɔ̂ʼnə̀ è ghɨ ə motə pə, fɨyn ke sə zaʼlə̂ nâʼà àchûŋ,

Filìpây 1:10

M tsə̂mə̀ nyî kə ghàyn ə ke èghɛ zɛ ə ze tsɔ̂fə̀ kwənə nyi èzoze kyi va tsasze, kə ghàyn tə nəyn ə kiva ləʼke etuʼ vɛ ə Klâys pə̀yn.

Ɛfesùs 5:27

È tè nəyn nyi kə è tə pi è njìə ndɛ ə̀ Fèzhə̀ sə zhwiə ndom, ə è zə nyi chichi, zo, kyi va liŋze, kyi va tsas zhîze.

Ŋwàʼlè ə̀ Pɔ̂l sê ghɨə Lûmghè 16:19

Ghɨ ghəkɨ̂m ə zɨ ndom vɛ ə ghàyn nyiəmə ə tyə̂m ətəyn se zɨ eghɛ ə Fezhə̀zè, zɨnə mə e nə̂ nə mə saŋnə̂. M kyiŋə nə ghàyn ə tɔfə sə nə̂ ə̀ghɛ ə chûŋghè, kiva ghɛze se nə̀yn è pi.

Ətefɨ̂aʼ 2:40

Pità ə təftə̂, ə fɨnə wàmnə̀ ə̀ghɛ sê ghɨ ətəynghe, ghe tsɨ̀ə kə nyî. È və chyatə̂ ghənə, ə piə nə, “Nâʼàpî ndè sɔza ngɨŋə̂ vəyn, kə ndɔ̀ʼɔ Zhə̀fè nə poynsê ghàyn eghɨ kə È pɔynse ghɨə təm ə pi ghɨyn.”

Matyò 10:16

Ghàyn zɨte! M tomə fɨsə̂ ghàyn nyi, ghàyn e ndûə sə̂ nyi kə sendzè əfètə̂ sènyàm se pɨase. Ghàyn kyi sə̂ tɔfə kə kə sembam, kyi sə̂ kyi èngɨmnê kə ekwɨ̀l.

Ipilù 7:26

Ə̀ nyì ke Njisə̀s wùə kɔʼsə nə èshyə̀ èngaŋtə kwəynə vɛ ə è kwuəynə se tsàmtə ghâsènì. È nyiə nyi èŋwaʼze, kyi va tsasze, zo, ndɔ̀ʼɔ è tyəm nəyn pi mə Zhə̀fè ə fɨse vəyn əfètəyn ə̀ ghɨ̀ ə pighe ə njì kɔʼɔ è vəyn ekwùtwəyn.

Taytùs 2:15

Ò zaʼlə̂ ə̀ghɛ nə ghɨ̂yn sê ghɨ ə poməghe, fo ə̀təm sê ghənə nə ghənə ə nə̂ ghəynghe. Ò nyi ə̀ kyi àtyaʼ se zɔ̀ ə ghənə nâʼàpî ashìŋə̀ àkè ezhoghɛ ə ghənə nə̂yn pofse, mə ò kyi va se zà nə wùə sê ghənə chiyne ghô.

Taytùs 1:6

Chəʼ kyi sə̂ nyi wùə mə è kyi va ləʼke; è kyi sə̂ kyi ke zhwi emɔ̀ʼ, ghɔ vəynghe e kyi sə nyi ə̀ghɨ epoməghe, mə ə ke va ghənə kə ghɔyn ghɛ ə ghe tsəfə, tɛ ètuke.

1 Timotì 5:20

Ə̂ nə̀yn pîndè pi, ə zɔ̂ sê vəyn kè ə ndayn kə ghɨ mɔʼɔghe zɨ ə fànə̀ sə̂ pɔŋɔ nə̂ pi.

Ətefɨ̂aʼ 20:30

Shɨ̂ŋə̀ kè tə pə̂, ə ghɨ yîghe ə ghàyn anɔ̀yn tə wamə àkaŋ se nə̀yn nə ghɨə poməghe chumte ghənə.

Njɔyn 5:35

Njɔyn tè nyi kə lâm, ə è fuə fɨnə panə, ghàyn tè nyîə saŋnə̂ se chùmtè epayn ə vəynze kè sə fendiŋə̀ fə ashìŋə̀fè nyî.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Matyò 17:17

Njisə̀s ə pə̀ynsə̀ nə, “Ə̀ nyi ngwàʼ e pi èkè zɨ̂yn ə è làʼà pomə̂zè nyiə? M nə ndamə tânə̀ zàyn ghâsènì ə? M nə̀ kolə tânə̀ zàyn təmə è ghàyn ə? Pə̀yn è va ətəyn fayn sê mi.”

Etyə̂yn ə paynsêzè 3:9

Ke nə m nə̀ nə̂ ə ghɨ anɔ̀yn ə Satàyn kɛ ə ke wamə pìə nə ghənə nyi əghɨ Njûsə̀, pəyn ə ngwuʼte ə ghò əshi ə pi ə ndayn nə mə tə kɔ̀ŋ ghò.

1 Timotì 5:14

M kyiŋə nə zhwiə kwu ghɛ ə pa nyi sèngɔ̀yn kɛse malə̂, ə piə ghɔnə, ə tɔ̂ʼnə̀ è sastə ndɛ tə ghənə̂tè kə pàyn sə ghasènìse ə kyi va ndom sə̂ wâmnə̀ ə̀ghɛ ə piə kûmə̀ ghâsènì.

1 Timotì 5:7

Tsàyn ghɛ nə ghɨ̂yn sê ghənə kə wùə sətəyn ə kyi va tsasze.

2 Kolìŋ 6:17

Ə̀ za nyi eghɛ zɛ ə Pɛ̂pɛ tè pi nə: “Ghàyn fɨ pəyn əfètəyn ə̀ghɨ̀ ə piə ə tyəm sə nɨŋ. Kə ghàyn kom fɨa kɛ ə ke zo va ə Zhə̀fè əshi, kə M fi ghàyn,

Tom èchùŋ kè kə Lûk tè nyaʼ 1:6

Ghənə tè nyi əkɨ̂m, ndamə chichi ə Zhə̀fè əshi, nə̂ əghɛ ghɛ ə fe pi nâʼà ə̀kɨ̂m, fɨnə ndəmə̀ tesaʼ tə Pɛ̂pɛ te nâʼà tèkɨ̂m, kyi va pi nâʼà səkɔs.

Filìpây 3:6

M tè nyîə tɨ̂mə̀ tsɛsə̀ èwiynve, endom nə m tè nyîə tsə̀fsə̀ ə̀ghɨ poməghe. Wùə vîvè tè vayn kàʼa è pi nə m kyi ndô pi zhizè ə mì ewìyn kûmə̀ nə m tè nyîə ndə̂mə̀ èlwɔ̂ŋ əghɨ̀ ə Njûsvè ekɨ̂m.

Etyə̂yn ə paynsêzè 2:5

Kwàʼte ndom vɛ ə ò tè nyi ətəyn sə shi tsɔ̀fə kə ò pfɨ ə kə̀mnə̀ ə ghò ə sepi ə kɛsə̂ fɨaʼà kè kə ò tè fɨ̀aʼa səshi. Ə ò tàʼa nə̀yn nyi, ə m pəyn nji tsɨ̂sè kɛke nə àfɨa kɛ ə tomə lâm etuə ə̀təyn elùʼ vɛ ə ke nyi.