Filìpây 2:14 - Ŋwàʼlè ə̀ Fèzhə̀ Mkâyn Mə̂ Fèm

¹⁴ Ghàyn e nə̂ nâʼàpî èghɛ èkè mə ghàyn shwinə̂ va, saʼnə̂ va.

Filìpây 2:14 Referans Kwoze

1 Pità 4:9

Ghàyn e fɛtə fiə ə̀ ghɔnyì ghaynghe ə ghàyn ə sendɛ, fiə kə nâʼà è təmze emɔ̀ʼ, shwinə̂ va.

1 Kɔlìŋ 10:10

Ghâsènì kiva pî sə̂ shwinə̂ kə ghənə yîghe tè shwinə̂, ghɛ ətəynze ə nə̀, tsì ə̀ Fezhə̀ zɛ ə è pə̀ èkwuze ə zhwitə̂ ghənə.

Filìpây 2:3

Kə ghàyn ə nə ghɛghe kwaʼtə̀ kə sèngɨŋ saynse. Kə ghàyn nə nəyn èghɛ se tyə̀yn eghaŋsê ewìynze, pîza ghàyn nji ngɨŋ saynse əchi ə ndəm nə ghɨ mɔ̀ʼɔ nyiə kɔʼnə̂ tsɛ̂ ghàyn.

Njə̂m 5:9

Kə ghàyn ə kwânə̀ sèngɨŋ saynse ə ghɔnyì ghɨmə kə Zhə̀fè tə tàʼa saʼ ghàyn. Zhə̀fè tyəm ke echò ndɛ nyi èpɨaʼtêzè se nji ə ndɛ.

Ŋwàʼlè ə̀ Pɔ̂l sê ghɨə Lûmghè 12:18

Ghàyn mɔmse nâʼà è tyaʼa sə̂ ndamə èpɔynè ghayn ghɨ ghəkɨ̂m.

1 Tèsàlonikà 5:15

Kə ghàyn nə pomə̂ nə wùə ə ghàyn ə fètəyn nə pə̂ynsè pi è pi, pîza ghàyn e zâŋsə̀ mɔ̂msə̀ sə̂ nə̂ ə̀ghɛ ə chûŋə̀ sê ngɨŋ saynse, è kɨsè se ghɨghe əkɨ̂m.

Njə̂m 1:20

Shîŋə̀ kɛ ə wùə m̀sɔŋ kyi tɔŋ ezafsəve, è vayn kàʼa è və nyi chichi endom vɛ ə Zhə̀fè kyiŋə.

Ngàleshyà 5:26

Kə ghâsènì ə ghaŋsə wiynve, kə ghâsènì ə nə̂ʼsə̀ ə̀təm ə əghɔ nyìə ə ghasènìghe pî sə̂ ghəʼə̀ ə̀ghɔ nyìə ghasènìghe.

Ngàleshyà 5:15

Pîza mə ghàyn kɛse sə senyàm sə mbvɨynse sə ndômnə̂ kwɨlə sengɨŋ saynse, nə̂ ə̀ghɛ əpiə, ghàyn nji shîŋə̀kè kûmə̀ nə ghàyn nə̀ mɨ̂sə̀ sèngɨŋ saynse.

Njə̂m 3:14

Pîza ə nyi mə ə ghàyn ətəm nyi mə lwiyn ke kàyntè aghə̀ʼ, è muze, kə wùə sê ghàyn nə ndə̂tè səmɔʼ ə è və pfɨ̂nə̀ àngàŋtè pîə nə zhi nyîə kyi ètɔf eghaʼazè.

Ŋwàʼlè ə̀ Pɔ̂l sê ghɨə Lûmghè 14:1

Ghàyn fi ndzɨsê ə̀ghɨ ghɛ ə pomə ghənə̂zè pa pɔ. Kə ghàyn ə saʼnə̂ ə̀ghɛ ghâyn ghə̀ ghənə kûmə̀ ə̀ghɛ ghɛ ə ghənə kwaʼtə̀ nə ə kyi se nə̀yn, è kɨsè ghɛ ə ghənə kiva se nə̀yn.

Njût 1:16

Ghɨ ghɨnə zàŋsə̀ shwinə̂ wamnə̀ kə ndò, kɔŋə̀ sə ghâmə̀ ə̀ghɨ mɔ̀ʼɔghe, ghənə chûmtə̀ ə̀ghɛ ghɛ ə təm ə ghənə̂ghè kyiŋə nə ghənə ə nə̂, ghaŋsə̂ èwiyn kûmə̀ sèngɨŋ sə ghənə̂sè, wamnə̀ èwâmnè efɔməze sê ghɨghe se kyî afɨa kɛ ə ghənə kyiŋə.

1 Pità 3:11

Wùə nə vɨ̂nə kyi se màʼà ewâmnè epize, è kɨsè se zamàʼà ewam akaŋze sə̂ nə̂ chùŋ. È kyi se kyiŋə tendom tèkɨ̂m se kyiə pɔ̂ynè,

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Ŋwàʼlè ə̀ Pɔ̂l sê ghɨə Lûmghè 16:17

M chyatə̂ nâʼà sə ŋaŋ ə ghɔnyìə ghɨmə nə ghàyn ə tɔ̂ʼnə̀ è ghɨ ghɛ ə ghe pə̀ è chyâsèzè ə ghàyn əfètəyn, nəʼsə̀ èpomə zayn. Ghənə fo èzaʼlê ə vachi zɛ ə tè zaʼle ghàyn ətəyn. Kə ghàyn ə zɨtə sê ghənə.

Ətefɨ̂aʼ 15:2

Pɔ̂l yî Pànapàs ə zhə̀tə̀ èsaʼnê ze kwûəmə̀ kə nyi yî ghɨ nə ghɛ kûmə̀ èzaʼlê nə zɨ̂yn. Ə ke saynê nə Pɔ̂l yî Pànapàs è ghɨ ə pomə əmɔ̀ʼɔghe ə Antyòk kɔʼ ndu ə Njèlusalɛ̀m ə fe ghɨətomə Njisə̀sghè è ghɨə chisəghe ə ndɛ ə̀ Fèzhə̀ kûmə̀ èghɛ nə zɨ̂nə̀.

Ətefɨ̂aʼ 6:1

Ə̀ tè nyi ə mtuʼ nə mɛ kə ghɨə poməghe tè tsɨ̀ə ndûə kə əshi, ghɛ ə ghe tè wàmnə̀ ewàmnè ə Nglêkzè ə səʼə̀ èzô yî ghə̀ ghɨ ghɛ ə ghe tè wàmnə̀ wâmnè endaʼa Njûszè. Ghɨ ghɛ ə ghe tè wàmnə̀ wâmnè ə Nglêkzè tè piə nə, zhwiə kwuə ghənə̂ghè fiə zaʼâ va kɔ̂yn ekɛ kɛ ə fo sê zhwiə kwuə.

1 Tèsàlonikà 5:13

Ghàyn e ngɨmnə̂ ghənə nâʼà àchûŋ fɨnə kɔ̂ŋɔ̀ ghənə kûmə̀ àfɨaʼ kɛ ə ghənə fɨaʼà. Ə pɔ̂ynè ə nyi ə ghàyn ə fètəyn shîŋə̀ tekɨ̂m.

2 Kolìŋ 12:20

M fânə̀ nə m pə̂, ə ghàyn ə va kə m kyiŋə nə ghàyn ə nyi, ə ghàyn pɔŋ fe mi, m mə va kə ghàyn kyiŋə nə mə nyi. M kaʼa ə m piə pə̂ ndò, ə m fe zɔ̂zè ə ghàyn əfètəyn, è ghə̀ʼà, è tɔŋ enyɔʼsəve, emuze, è wàmnè e pize, è kôghɔ̀ŋ, è ghaŋsə ewìynze, tâsə̀ ə̀ghɨ ə mɔ̀ʼɔghe.

Ətefɨ̂aʼ 15:39

Saʼnê etɛze ə ndwìə ə ghənə ə fètəyn, ghənə ə chàsə̀. Pànapàs ə njìə Njɔ̀yn Mâk, ə tyàŋə̀ ènjwî ə ndò ndûə endaʼ eghaʼazè ə Sàypulòs.

Ətefɨ̂aʼ 15:7

Ə pə̀ kə ə saʼne ghɛ ətəyn sə aghaf etyâkè, Pità ə ndwìə tyəmə ə piə nə, “Ghɔnyì ghɨmə, ghàyn ke ndô səmɔʼ nə Zhə̀fè ə tə chɔʼ mi ə ghàyn əfètəyn ə shɨŋ zhizè nə mə tsà tom èchùŋ sê ghɨatumə kə ghənə zɨ Pɛ̂pɛ ə pomə Vəyn.

Ŋwàʼlè ə̀ Mâk 14:5

Ə fe kàʼa ə pəʼle ngwɨ̂l mə tə̂m se ekɛ etsɨəve, ə fo kɛ ətəyn sê ghɨ afɨfə.” Ghənə ə zɔ̂ wùzhɔyn ə̀təyn nâʼà sə ŋaŋ.

Matyò 20:11

Kə ghənə tè fi kɛ ətəynve, ə zhə̀tə̀ se ghàm ə pɛ̀ àfùʼ.

Ŋwàʼlè ə̀ Mâk 9:14

Ə pə̀ kə ghənə kɛse pə̂yn elùʼ vɛ ə chùmtè èpàm sə Njisə̀s sə mɔ̀ʼɔse tè nyi ə kotə̂ mə nɔ̂ynkè ə kyɨ̀ŋ nga ghənə. Tyə̀ynsè sə alàŋsè e saʼnə̂ yî ghə̀ ghənə.

Tom èchùŋ kè kə Lûk tè nyaʼ 5:30

Ghɨə Falàsî əmɔ̀ʼɔ è tyə̀ynsè sə alàŋ sə ghənə̂sè e sè zɔ̂, pfɨfə sê chùmtè èpàm sə Njisə̀sè nə, “Kûmə̀ ghè ə ghàyn zhiə fɨnə mɨə ghayn ghə̀ ghɨ ghɛ ə ghe tənə tâksè è ghɨ piə mɔ̀ʼɔ ghə?”