Filìpây 1:8 - Ŋwàʼlè ə̀ Fèzhə̀ Mkâyn Mə̂ Fèm

⁸ Zhə̀fè nyiə ke ndô nə m pîə səmɔʼ nə m nyîə kɔŋə̀ ghàyn àchûŋ è kɔ̂ŋ zɛ ə Klâys Njisə̀s tè tyə̀yn nâʼà è ngɨŋ ə vəyn.

Filìpây 1:8 Referans Kwoze

Filìpây 4:1

M pìə sê ghàyn ə ghɔnyìə ghɨmə ghe kɔ̀ŋə̀ nə, ghàyn e tɛ ə ghàyn epomə̂ sê Pɛ̂pɛ. M nyîə kɔ̂ŋə̀ ghàyn, lotə̂ kɔ̂ŋə̀ kə nâʼà se fe ghàyn kûmə̀ nə ghàyn nyi esaŋnê zɨmze, è mâʼtè zɛ m kyi ə mì efɨ̀aʼ.

Ŋwàʼlè ə̀ Pɔ̂l sê ghɨə Lûmghè 1:9

Zhə̀fè, mə̂ nyi Fəyn fɛ m kɔʼsə è təm ghɨmghe əkɨ̂m kə m ndaʼà tom èchùŋ se ghɨə kûmə̀ Vâ Vəyn, nyîə ke nə ghɛ zɛ m pîə nyì səmɔʼ nə m nyîə kwaʼtə̀ ghàyn shîŋə̀ tekɨ̂m,

2 Timotì 1:4

M kwàʼtə̀ kə ò tè chîə, m kɔ̂ŋə̀ se fe gho nâʼà sə ŋaŋ kə ze nəyn ə mə nyi mə mə lwiyn è saŋnêzè.

1 Tèsàlonikà 2:8

Kûmə̀ èkɔ̂ŋ zɛ ə ghàs tè kyi se ghàyn, ghàs tè nyi èpɨaʼtêzè se ndàʼa tom èchùŋ sê ghàyn mə è ndò pə̂yn se Zhə̀fè, nyi kepî èpɨaʼtêzè se kwu kûmə̀ ghàyn. Ghàs tè nyîə kɔ̂ŋə̀ ghàyn nâʼà sə ŋaŋ!

Ŋwàʼlè ə̀ Pɔ̂l sê ghɨə Lûmghè 9:1

M pîə səmɔʼ kə wùə vɛ ə È pomə sê Klâys mə m wamə chîəva ndô. Təm ghɨm ghɛ ə ghe nyi etyə̂ àtyaʼ ə Sezuʼ Eŋwaʼake tsâ kəpî ndò se mi nə m wamə va kaŋke.

Filemùyn 1:12

M kɛsə̂ tiynsə̂ vəyn sê ghò zôyn nyi kə wùə vɛ ə m kɔ̀ŋə̀ è təm ghɨmghe əkɨ̂m.

Kòlosè 2:1

Ghàyn za m tsayn se ghàyn ndom vɛ m nyi mə mə fɨ̂aʼ ətəyn sə ŋaŋ sê ghàyn è ghɨə Làndisyà è kə m fɨ̂aʼ nâʼà etyaʼke sê ghɨ ghɛ ə nyi ndɔ̀ʼɔ tyəm fe mi.

Ngàleshyà 4:19

Ghɔyn ghɨm ghe chûŋə̀, m fɨnə zɨə ètɨ̂m kûmə̀ ghàyn eghɨ kə nyìə vayn ashìŋə̀ kɛ vayn zafə, se zaʼâ kə ghàyn nə ndam èndam zɛ ə Klâys kyi.

Ngàleshyà 1:20

Ghɛ zɨ̀nə̀ ə m nyâʼà sê ghàyn nyî nyì ke nâʼà səmɔʼ. Zhə̀fè ke ndô nə m wamə chîə va!

2 Kolìŋ 7:15

Shîŋə̀ kɛ ə è kwâʼtə̀ kə ghàyn tè zàŋsə zɨə sê vəyn, fɨnə kwàʼtə̀ kə ghàyn tè fiə vəyn è ngɨmnê eghaʼâzè, kɔ̂ŋ ə vəynze sê ghàyn e ndəmə̂ nduə kə ndò.

2 Kolìŋ 6:12

Ghàs nyîə kɔ̂ŋɔ̀ ghàyn nâʼà sə ŋaŋ. Ə̀ nyi ke ghàyn ə ghàyn kɔ̂ŋɔ̀ va ghàs.

Tom èchùŋ kè kə Lûk tè nyaʼ 1:78

Ə̀ tə nə̂ esəyn eko èghaʼâ ə Fèzhə̀ fə ghasènìfe kə zhwi nə zɨnə mə payn ə ghâsènì ətu.

1 Njɔyn 3:17

Ə wùə nyi wùə eghaʼâ, ə fe ànyìə vəyn è làʼà, kyi va təmə chûŋə̀ se tsàmtə vəyn, è kàʼa è pi zayn nə è nyi ə̀ kɔŋə̀ Fèzhə̀ ə?

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

1 Tèsàlonikà 2:5

Ghàyn ke nə ghàs tè paʼà pə̀yn sê ghàyn wâmnə̀ efɔmsê echoze. Zhə̀fè nyi tsɛ̀ èsaʼ se ghàs nə ghàs tè paʼà nə̀yn ghɛ ghɛ ghàs tè nəyn kûmə̀ əshi ə fɨəghe, sè kyiŋə se ndə̀tè.

Kòlosè 3:12

Ghàyn nyi əghɨ ə Fezhə̀ghè, È və tə kɔ̀ŋ ghàyn ə chɔʼɔ ghàyn sə Vəyn əghɨ̀. Ghàyn kyi sə̂ tyə̂nə̀ èsəyn ekoze, tɔ̂ʼnə̀ è ghɨghe, njiə sèngɨŋ saynse ə chi, pɔynə̂, fɨyn kyi ə̀təm.

Filìpây 2:26

È kɔ̂ŋɔ̀ nâʼà sə ŋaŋ se pə fe ghàyn, saŋnə̂ va nâʼà səkɔs kûmə̀ nə ghàyn se nyi mə ghàyn ə tə zɨ nə è tè zafə ndô.

Filìpây 2:1

Kə ghàyn nyì sə afɨa àmɔ̀ʼ è Klâys, nə ghàyn ə tɛ ə Sezuʼ, kɔ̂ŋ ə Vəynze e fo ghàyn è təm ə zɨtəghe. Ghàyn e nyi fɨake amɔ̀ʼ ghâyn ghə̀ Zuʼse Ŋwaʼase, ghàyn e kyi ə̀təm ə chûŋə̀, tyə̂nə̀ èkosê esəynze sê ngɨŋ saynse.

2 Kolìŋ 13:9

Ghàs nyîə saŋnə̂ ezhoghɛ ə ghàs pɔylə, ghàyn e tɛ, Ghàs tsə̂mə̀ kəpî nə ghàyn ə kyi va ləʼke ə ghàyn epomə̂.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.