Filìpây 1:1 - Ŋwàʼlè ə̀ Fèzhə̀ Mkâyn Mə̂ Fèm

¹ Ə̀ nyi mi Pɔ̂l è Timotì əghɨ fɨaʼa Fezhə̀ sê Njisə̀s Klâys ghɛ ə nyâʼà pə̂ ŋwàʼlè zɨ̀nə se ghàyn. Ghàs nyàʼà sê ghàyn ghɛ ə ghàyn fo ngɨŋ saynse sê Zhə̀fè ə Filìpây nâʼà ə̀kɨ̂m sè nyi ghâynghə̀ Klâys Njisə̀s. Ghàs nyàʼà kəpî sê ghàyn tuve è ghɨ ghɛ ə tsâmtə̀ se chiyntê efɨaʼ ə Fezhə̀zè nə ze ndu əshi.

Filìpây 1:1 Referans Kwoze

2 Kolìŋ 1:1

Ə̀ ŋwàʼlè zìnə nyaʼ mi Pɔ̂l, wùətom ə̀ Klâys Njisə̀s kè kə Zhə̀fè kyiŋə, ghasè ànyì ə̀ ghâsènì Timotì, sê ghɨə ndɛ ə̀ Fèzhə̀ ə Kolìnghè è se ghɨə Fezhə̀ghè nâʼà endaʼ ə Àkayàzè ekɨ̂m.

Ŋwàʼlè ə̀ Pɔ̂l sê ghɨə Lûmghè 1:1

Ə̀ nyaʼ mi Pɔ̂l ŋwàʼlè zɨ̀yn, ə wùə èfɨaʼa ə̀ Njisə̀s Klâys. Zhə̀fè ə chɔʼ mi nə mə nyi wùətom ə̀ Vəyn. È və tom mi ə fo mi èfɨaʼzè nə m ndaʼa tom èchùŋ.

Taytùs 1:1

Ə̀ nyaʼ mi Pɔ̂l ŋwàʼlè zɨ̀yn. M nyi wufɨ̀aʼa ə Fèzhə̀, fɨyn nyi wùətom ə̀ Njisə̀s Klâys. Ə tè chɔʼ tom mi nə m tsamte se nə̀yn nə kyî epomə̂ əghɨ̀ ə Fezhə̀ ghɛ ə fe chɔʼte ə tɛ, se fɨnə nə̀yn nə ghənə ə ke səmɔʼ zɛ ə è nyi tsàmtè ə ghənə se nə̀yn nə ghənə ke Zhə̀fè.

1 Timotì 3:8

Ghɛ nə ghɨynə m pîə nyî ndùə kəpî sê ghɨ ghɛ ə ghe fɨaʼà ə sendɛ sə Fezhə̀sè. Ghənə kyi sə̂ kyi èndam echûŋzè, wâmnə̀ səmɔʼ, mɨə tsɛ̂sə̀ va lɨ̀m, shi ghe fɨə va ekɛ.

2 Tèsàlonikà 1:1

Ə̀ nyâʼà mi Pɔ̂l ghasè Silàs è Timotì ŋwàʼlè zɨ̀yn sê ghàyn. Ghɨ ə pomə ghɛ ə ghe nyi ə Tèsàlonikà ə nyi sə afɨa amɔ̀ʼ è Zhə̀fè pɨ̀a ghâsènì, è Pɛ̂pɛ Njisə̀s Klâys.

1 Tèsàlonikà 1:1

Ə̀ nyâʼà mi Pɔ̂l, è Silàs è Timotì è ŋwàʼlè zɨ̀yn sê ghàyn ghɨ e poməghe ə Tèsàlonikà, mə za nyi əghɨ ə Fezhə̀ghè, mə za nyi pɨa, è ghɨə Pɛ̂pɛ Njisə̀s Klâysghè. Ə fùʼkè, è pɔ̂ynè ə nyi sê ghàyn.

Ɛfesùs 1:1

Ə̀ nyâʼ mi Pɔ̂l ŋwàʼlè zɨ̀yn sê ghàyn ghɨə Fezhə̀ ghɛ ə ghàyn tyəm ə ghàyn ekyî epomə̂zè sê Klâys Njisə̀s, ndamə ə Ɛfesùs. M nyi wùətom ə̀ Klâys Njisə̀s mə ə̀ chɔʼ Fezhə̀.

Ŋwàʼlè ə̀ Pɔ̂l sê ghɨə Lûmghè 1:7

M nyâʼà ŋwàʼlè zɨ̀yn sê ghàyn əkɨ̂m endaʼ ə Lûmzè, ə ghàyn ghɛ ə Zhə̀fè kɔ̀ŋɔ̀, nyi mə Fe ə tɔŋɔ nə ghàyn ə nyi ə̀ ghɨə Vəynghe. Ə Zhə̀fè, Pɨ̀a sê ghâsènì yî Pɛ̂pɛ Njisə̀s Klâys, fo ghàyn fùʼkè è pɔ̂ynè.

2 Pità 1:1

Ə̀ nyâʼà mi Shimùyn Pità ŋwàʼlè zɨ̀yn. M nyi wufɨ̀aʼa ə Njisə̀s Klâys fɨyn nyi kepî wùətom ə̀ vəyn. M nyâʼà ŋwàʼlè nə zɨ̂yn sê ghàyn ghɛ ə ghàyn pomə sê Njisə̀s Klâys kèpi kə ghàs. Njisə̀s Klâys nəyn nə ghâsènì kyi kyî epomə̂ nə zɨ̂nə̀ kûmə̀ nə è nyi chichi kə Fezhə̀, ə nyi vəyn vɛ ə ghâsènì kɔʼsə, è nyi sɔ̀zà ə̀ ghâsènì.

Njə̂m 1:1

Ə̀ nyaʼ Njə̂m ŋwàʼlè zɨ̀nə̀, ə wufɨ̀aʼa ə Fèzhə̀, è və̂ Pɛ̂pɛ Njisə̀s Klâys. M fo pə̂ ètɔŋtê sê tâŋ tə Isìlâytè eghɨm njòse pɛ̀ tɛ ə te nyi mə te ə waŋ ndu ke mbi èkɨ̂m.

1 Timotì 1:2

ŋwàʼlè ə̀təyn ndûə sê Timotì. Ò nyi kə kàyntə̀ vayn sê mi kûmə̀ nə ghasè ghò ə̀kɨ̂m samsə̂ ndò se Klâys. Ə Zhə̀fè, mə ə̀ za nyi Pɨ̀a, yî Klâys Njisə̀s Pɛ̂pɛ ə̀ ghâsènì, fo ghàyn fùʼkè, è kosê esəynze, è pɔ̂ynè.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

Etyə̂yn ə paynsêzè 1:1

Ə̀ fâ ŋwàʼlè nyi əghɛ ghɛ ə Njisə̀s Klâys tè tyə̀yn paynsê se Njɔyn. Zhə̀fè tè fo əghɛ ə tyə̂nə̀ paynsə̂ nə ghɨnə̀ sê vəyn nə è tyəyn sê ghɨ ə fɨaʼa vəynghe kə ghənə nə ke ə̀ghɛ ghɛ ə ghe nyi se nə kwùʼə kyàyn. Ə̀ tè nyi kə è kyiŋə nə ə ke ə̀ghɛ nə ghɨ̂nə̀, è və tomə tsì ə̀ vəyn sê Njɔyn, ə̀ nyi kepî wùə è fɨ̀aʼa ə vəyn vîvè.

Njût 1:1

Ə̀ nyâʼà mi Njût ŋwàʼlè zɨ̀yn sê ghàyn. M nyi ànyìə Njə̂m, nyi wùə èfɨ̀aʼa ə̀ Njisə̀s Klâys. M nyâʼà zɨ̂ynzè sê ghàyn əkɨ̂m ghɛ ə Zhə̀ fɛ ə fe nyi Pɨ̀a nyi mə fe ə tɔŋə̂. Fe nyîə kɔ̂ŋə̀ ghàyn ə ndə̀mə̀ ghàyn nə Njisə̀s Klâys ə tɔ̂ʼnə̀ è ghàyn.

1 Pità 2:25

kûmə̀ nə ghàyn tè tsɨ̀nə kwîə kə kə se ndzè sɛ ə se nyi mə sə njìsè, pîza zôyn Zhə̀fè ə kɛse nji pəyn ghàyn sê ngyəyn, mə za nyi wùə vɛ ə è naynə ghàyn.

Taytùs 1:7

Kè kə chəʼ nyi wùə vɛ ə è tɔ̀ʼnə̀ è ndɛ ə̀ Fezhə̀, è kyi sə̂ nyi mə è kyi va ləʼke, kyi va sə̂ kyi ècho epize, è kɨsè sə̂ zâŋsə̀ nyɔ̂ʼsə̀ ètɔŋ, è kyi va sə̂ ngəsə̂ mɨə m̀lɨ, è kyi va sə̂ nô, kyi va sə̂ kyiŋə se kyî ekɛ è paʼà fɨ̂aʼ vəynve.

Ipilù 13:23

Ghàyn e ke nə ə fɨse ànyìə ghâsènì Timotì ə ndɛ̂ chaʼ. Ə è zàŋsè pə̂yn, ə ghasè vəyn pəyn əmɔʼ se fe ghàyn.

2 Tèsàlonikà 1:10

Etuʼ vɛ ə è tə pə̂, ə è fi pomsêzè sê ghɨə vəynghe è kɔʼsêzè sê ghɨə poməghe əkɨ̂m. Nâʼà ghàyn tə nə̂ ə pɔŋ nyi əfètəyn ə̀ ghɨ̀ nə ghɨ̂yn kûmə̀ nə ghàyn ə pomə ghɛ ghɛ ə ghàs tè tsâ sê ghàyn.

1 Tèsàlonikà 2:2

Ghàyn e ke nə ə̀ tè nyi tsɔ̀fə kə ghàs pəyn ə Tèsàlonikà mə ghàs ə fe ngəʼ nâʼà sə ŋaŋ, ə nyâplə̀ è ghàs, ə sôylə̀ ghàs ə Filìpây. Nâʼàpî kə ghɨə tsɨəghe tè kɔ̀ŋə va nə ghàs ndaʼa tom ə̀təyn, Zhə̀fè ghasènìfe ə tə fo ghàs ètəm ə tɛ nə ghàs tsayn tom èchùŋ sê ghàyn mə è ndò pə̂yn sê vəyn, nâʼàpî kə ghɨ tsɨəghe tè kɔ̀ŋə va nə ghàs ndaʼa tom ə̀ Fèzhə̀.

Ɛfesùs 1:15

Ə̀ za nyi əghɛ ghɛ ə ghe nə̂ m fo àzɔ̀ŋnè sê Zhə̀fè, kwâʼtə̀ ghàyn ə mì etsə̀m shîŋə̀ tekɨ̂m sə fighɛ m zɨ kyî epomə̂ zɛ ə ghàyn kyi sê Pɛ̂pɛ ə̀ ghâsènì Njisə̀s Klâys, è kɔ̂ŋ zɛ ə ghàyn kyi sê ghɨə Fezhə̀.

1 Kɔlìŋ 16:10

Ə Timotì pə̀yn sê ghàyn, ghàyn ə nə̀ èndom se lotə fiə vəyn àchuŋ kûmə̀ nə è fɨ̀aʼà se Pɛ̂pɛ kè kə m fɨaʼà.

Etyə̂yn ə paynsêzè 19:10

Mə tɨmə ə̀ngwuʼ ə və shi se ngɨmnə vəyn, pîza è zə pìə sê mi nə, “Kə ò mɔm! M fɨaʼà sê Zhə̀fè kèpi kə gho è ghɔnɛghè, è ghɨ ghəkɨ̂m ghɛ ə ghe fɛte kyi səmɔʼ zɛ ə Njisə̀s tè tyə̀yn paynsê. Ngɨmne Zhə̀fè! Kûmə̀ nə ghɛ zɛ ə Njisə̀s tyə̀ynə̀ paynsə̂ nyi zəynze ə ze nə̂ nə fɨ̀aʼtèsè ə nə̂ èfɨaʼ ə ghənə̂zè.”

Ətefɨ̂aʼ 9:13

Ànàniyàs ə pə̀ynsə̀ piə nə, “Pɛ̂pɛ, ghɨ ə tsɨəghe ə tsàyn sê mi kûmə̀ wùə vɨ̂yn, è ghɛ ə tɛ ghɛ ə è tè nə sê ghɨ ghɛghe ə Njèlusalɛ̀m.

Njɔyn 12:26

Ə̂ fɨaʼà pîndè sê Mi, ə è və kyi se chùmtə mi kə luʼ vɛ m nyi ətəyn, ə wufɨ̀aʼa vɨ̂m ə pɔŋ nyi fu. Pɨ̀a vɨm nə̀ fo èmâʼte sê wùə vɛ è fɨ̀aʼa sê mi.”

Ŋwàʼlè ə̀ Mâk 13:34

E nyi kə wùə ə è ndùə kwîzè. È və zà ə̀ghɛ ə̀kɨ̂m əghɨ fɨaʼa vəynghe əgho. È və tsà èghɛ zɛ kə nâʼàpî ndè ə nə̂, ə pìə sê wùə vɛ ə è tsɨ̀ŋnə̀ echondɛ nə è və tɔ̂ʼnə̀.

Etyə̂yn ə paynsêzè 22:9

Pîza è zə pìə sê mi nə, “Kə ò mɔm! M nyi kepî wùə efɨaʼa kə ghò, è ghɔnɛghè mə za nyi sefɨ̀aʼtè, è ghɨghe əkɨ̂m ghɛ ə tè ndə̀mə ghɛ zɛ ə ze nyi fâ ŋwàʼlè, pɨ̀le ngɨmne Zhə̀fè.”

Etyə̂yn ə paynsêzè 2:12

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Pengamùm nə: ‹Tom zɨnə ndò sê mi vɛ ə m kyi fɛ̂ eghɔ̀ŋ etɔfə zɛ ə ze tɔfə pɨ̂asvè èpɨ̀a.

Etyə̂yn ə paynsêzè 2:8

“Nyàʼ ŋwàʼlè sê tsì ə̀ ndɛ ə̀ Fèzhə̀ ə Sɨ̀minà nə: ‹Tom zɨnə ndò sê mi vɛ ə m nyi Zhə̀te fɨyn nyi kepî Kwùŋse, ə mi vɛ ə m tè kwu ə kɛsə̂ pə̂ endam.

Etyə̂yn ə paynsêzè 1:20

Ə̀ zɨnə nyi eghɛ endətə zɛ ə lì mɨ̀nə̀ èsɛ̀mbɛ ə ò fe ə mì agho nə̀zhiəke, è kɨsè fɨa vɛ èsɛ̀mbɛ ə tɔmtə lâmsè ətəyn mə ə fɛte ə tə̂ ngôl tsâ: Lì mɛ èsɛ̀mbɛ tyəm kə setsì esɛ̀mbɛ sê ndɛ sə Fezhə̀sè esɛ̀mbɛ, fɨa vɛ ə tɔmtə lâmsè ətəyn èsɛ̀mbɛ e tyəm sê ndɛ sə Fezhə̀sè esɛ̀mbɛ.”

Ətefɨ̂aʼ 1:20

Pità ə pìə kwəynsə̂ nə, “Ə nyàʼ ə ŋwàʼlè ə̀ sè Njàŋ nə, ‹Ndɛ vəyn faŋ kè ezom, kə wùə tə ndam ətəyn,› ə fɨyn nyàʼ kèpi nə, ‹Wùə ndò nji luʼ ə vəyn, ə è və fɨ̂aʼà.›”

Ngàleshyà 1:10

E za tyə̀nə̀ zôyn nə, m nə̂ èghɛ zɛ ə ghɨ kyiŋə mə zɛ ə Zhə̀fè kyiŋə? E za nyi nə m nə̂ nə ghɨ ghə saŋnə mə? Ə m sè kyiŋə sə̂ nə̂ nə ghɨ ghə saŋnə̂, ə mə fɨyn va wùə è fɨ̀aʼa ə̀ Klâys.

Ngàleshyà 3:26

Ghàyn əkɨ̂m nyi əghɔyn sê Zhə̀fè sə àfɨa àmɔ̀ʼ è Klâys Njisə̀s tɔynə̂ ə ghàyn ekyî epomə̂zè.

Ngàleshyà 3:28

Nyiəmə, sə nɨŋ fɨyn va sê wùə ə Njû yî vɛ ə è va wùə Njû. Sə nɨŋ e fɨyn va sê wùə vɛ ə è va akɔ̂s yî wùə vɛ ə è nyi akɔ̂s, va sê wùə endômə̀ yî wùzhɔyn kûmə̀ nə ghàyn əkɨ̂m nyi sə àfɨa àmɔ̀ʼ kûmə̀ nə ghanə tsɨ̀yntè ghâynghə̀ Klâys Njisə̀s.

Ɛfesùs 6:24

Ə fùʼ ə Fezhə̀kè ə nyi se ghɨghe əkɨ̂m ghɛ ə ghe faŋ kɔ̂ŋɔ̀ kə ndò Pɛ̂pɛə ə̀ ghâsènì Njisə̀s Klâys.

Filìpây 2:5

Ghàyn e kyi tsɨnè ə̀ Klâys Njisə̀s.

Filìpây 2:19

Ə ze fə nyi kə Pɛ̂pɛ kyiŋə, m mə kwaʼtə̀ se tomə pə Timotì nə è pəyn môtè ghàyn, ə è kɛse pəyn tsayn èndom vɛ ə ghàyn nyì ətəyn se mi kə ze nəyn m mə saŋnə̂.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Filìpây 3:8

Ə̀ va ke zɛ mə, m fe nâʼà pîghè nə ə̀ nyi kàyntè ènjìsè, ghɛ zhîze e va zɛ ə ze ghaʼa tsɛ̂ se ke Njisə̀s Klâys kə Pɛ̂pɛ. Kûmə̀ vəyn, mə màʼà ghɛghe əkɨ̂m, fe ghəynghe kə eliŋ kə m kaʼa m ke Njisə̀s Klâys.

Filìpây 3:12

M pìə va nə mə kàynè zhi fɨ, pî nə m se kâynè nyi chichi. M mɔ̀msə̀ kə sə̂ ke Klâys Njisə̀s fɨyn nyi kə vəyn kûmə̀ nə ə̀ nyi eghɛ zɛ è tè chɔʼ mi nə mə nyi wùə ə vəyn sətəyn.

Filemùyn 1:1

Ŋwàʼlè zɨ̀nə ndò sê Pɔ̂l vɛ ə è nyi ə ndɛ ə̀chaʼ kûmə̀ nə è ndàʼà tom èchùŋ kûmə̀ Klâys Njisə̀s, ə ndò pə kəpi se ànyì ə̀ ghâsènì Timotì. Mə è ndùə se soyn ə̀ ghâsènì ə̀ nyi wùə vɛ ə ghasè ghə̀ ghənə fɨaʼà əmɔʼ Filemùyn,