Filemùyn 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Ànyì vɨ̂m, kɔ̂ŋ zɛ ə ò kyi sê ghɨə Fezhə̀ è ndom vɛ ə ò nə̂ ghənə e saŋnə̂ ə fo mi ètəmə, ə nə̀ nə mə sɨŋnə̂! O nə̀yn ghɨə Fezhə̀ghè əkɨ̂m e ko kə nâʼà àchûŋ.

Filemùyn 1:7 Referans Kwoze

2 Kolìŋ 7:13

Ghɛ nə ghɨnə ə nə̀yn ghàs e kyi èfɨəmtê. Ghàs tè nyîə saŋnə̂ nâʼà sə ŋaŋ se fe kə Taytùs saŋnə̂ kûmə̀ èndom vɛ ə ghàyn tè tɔ̀ʼnə è vəyn.

1 Tèsàlonikà 3:9

Ghàs vayn fo àzɔ̀ŋnè se Zhə̀fè endom vɛ ə ke kaʼa ke kwəyn shîŋə̀ kɛ ə ghàs tsə̀mə̀, kûmə̀ nə ghàyn ə nə̀yn ghàs ghe kyi saŋnê etsɨəze.

2 Kolìŋ 7:4

M fɛte ke ndò ghàyn, pfɨnə̀ àngàŋtè nâʼà sə ŋaŋ kûmə̀ ghàyn, ə ghàs ə tetsòs tèkɨ̂m, m pa kyi kendò təmə ghaʼâghè, nyi mə mə lwiyn èsaŋnêzè.

Filemùyn 1:20

Ànyì vɨm, nə̀yn tsâmtè zɨ̀nə sê mi kûmə̀ Pɛ̂pɛ. Nə̀yn nə mə saŋnə̂, kûmə̀ nə ghasè ghò nyi ə ghɔnyìghe ə Klâys.

1 Tèsàlonikà 2:19

M tè kyiŋə se pə̀yn sê ghàyn kûmə̀ nə ə̀ nyi ghàyn ə ghàyn nə̂ nə ghàs ə kwaʼtə̀ lɨmtə, fɨnə nə̂ ghàs esaŋnə̂, kûmə̀ ghàyn, ghàs tə nə̂ ə pfɨ̂nə̀ àngàŋtè ə Pɛ̂pɛ ə̀ ghâsènì Njisə̀s əshi nə ghàs ə tɨm zhi ashìŋə̀ kɛ ə è kɛse pə̂yn.

2 Njɔyn 1:4

M saŋnə̂ nâʼà sə ŋaŋ kə m fe ghɔyn ghɛghe nə̂ kə èghɛ zɛ ə ze nyi səmɔʼ, ndamə kə eghɨ kə Pɨ̀a tè pì sê ghâsènì.

2 Timotì 1:16

M tsə̂mə̀ nə Zhə̀fè tyəyn səyn ekoze sê ghɨ esas ə ndɛ ə Ònèsifolùsghè kûmə̀ nə è və tə nə̀yn m saŋnə̂ kə nyî. È tè pâʼà ghomə̂ nə m nyi wùə ə ndɛ̂ ə̀chaʼ.

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

1 Tèsàlonikà 1:3

Ghàs piə tsə̂mə̀ sê Zhə̀fè, ə Pɨ̀a ghâsènì, ghàs e kwâʼtə̀ kə ghàyn nə̂ ghɛ ghɛ ə ghàyn nyi mə ə kyî kyì epomə̂zè se ghəynghe, kwàʼtə̀ kə kɔ̂ŋ zɛ ə ghàyn kyi nə̂ nə ghàyn ə fɨaʼà sə ŋaŋ, è kə kwaʼtè zayn ə Pɛ̂pɛ Njisə̀s Klâys fɛtə tɛ.

1 Kɔlìŋ 16:18

Ghənə ə tɨ̀msè təm ghɨmə kèpî èghɨ kə ghənə tɨ̂msè ghanə. Ghàyn e ngɨmnê ə̀ghɨ nyi kə ghɨnə mə.