Ɛfesùs 4:32 - Ŋwàʼlè ə̀ Fèzhə̀ Mkâyn Mə̂ Fèm

³² Ghàyn e tɔ̂ʼnə̀ fɨnə kosə̂ èsəyn sê ghɨ mɔ̀ʼɔ, lɛ̂sə̀ fo ə̀ghɨ mɔʼɔ kè kə Zhə̀fè tè lɛ̀se fo ghàyn tɔynə̂ ə Klâys.

Ɛfesùs 4:32 Referans Kwoze

Ŋwàʼlè ə̀ Mâk 11:25

Ə ò tyəm nâʼà pî ashìŋə̀ àkè se tsə̀m, kyi eghɛ ghâyn wùə, gho lɛ̀sə̀ fo vəyn kə Pɨa vɛo vɛ ə è nyi ekwùtwəyn pɔŋ lɛ̂sè fo sèpi sɛse.

2 Kolìŋ 2:10

Shîŋə̀ kɛ ə ghàyn lɛ̀sè fo ghɨə ətə̂ èghɛ zɛ ə ghənə nyi mə ə nə̀yn, mə lɛ̀sə̀ fo kəpî ghənə. Ghɛ zɛ m lɛsè fo, ezhoghɛ ghɛ zhîze fə nyi kə m lɛse fo, ə zə nyi ke kûmə̀ ghàyn ə Klâys ə shi.

Ɛfesùs 5:1

Ghàyn nyi nyî nyi əghɔ Fezhə̀, Fe kɔ̂ŋɔ̀ ghàyn nâʼà sə ŋaŋ. E za tyə̀nə̀ nə ghàyn kyi sə̂ ndamə endom vɛ ə Zhə̀fè ndamə ətəyn.

Tom èchùŋ kè kə Lûk tè nyaʼ 6:35

Pîza m piə sê ghàyn nə, ghàyn kɔ̂ŋɔ̀ sèpàyn saynse, nə̂ chùŋ sê ghənə, samsə̂ èfɨa sê ghənə naʼapi ezhoghɛ ə ke va nə ghənə tə kɛsə̂ fo. Ə ghàyn nə̀ zâ, ə mâʼte vaynve tə nə̂ ə və ghaʼa kə nyi, ə ze ə fɨnə tyə̂nə̀ nə ghàyn nyi ke nâʼà əghɔə Fezhə̀ fɛ fe ngaŋte kwəyn kûmə̀ nə fe tɔ̂ʼnə̀ è ghɨ piə è ghɛ ə ghe ndamə fe kê va chùŋ.

Tom èchùŋ kè kə Lûk tè nyaʼ 6:37

Kə ghàyn nə saʼa ghɨə, kə ə tə tàʼa saʼa ghàyn. Kə ghàyn nə pofsə̂ ghɨə, kə ə tə tàʼa pofse ə ghàyn. Ghàyn lɛ̂sə̀ fo ə̀ghɨ, kə ə tə lɛ̂sè fo ghàyn.

1 Kɔlìŋ 13:4

Kɔ̂ŋè nyi ewəynsê ewìynze è təm əchûŋghè; ə̀ vachi sə̂ naynə̂ àfɨa kɔ̂ŋə̀ nə ə̀ fe nyì sə̂ kyi gho, pî se pfɨ̀yn angàŋtè, pî sə kyi èghaŋsê ewìynze.

Tom èchùŋ kè kə Lûk tè nyaʼ 17:4

Ə è nə̀yn ghɛ pi sê gho naʼapi shîŋə̀ te shyàʼ ə fetuʼ, nə̂ naʼapi ashìŋə̀ àkè, pə̀ chyatə̂ ghò, piə nə, zhi tə fɨnə mɔ̂mə̀ va, ò lɛ̂sə̀ fo kə ndò vəyn.”

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

1 Njɔyn 2:12

M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.

Ŋwàʼlè ə̀ Pɔ̂l sê ghɨə Lûmghè 12:10

Ə nâʼàpî ndè ə kɔ̂ŋə̀ ànyì ə̀ vəyn è təm ə vəynghe əkɨ̂m. Ə nâʼàpî ndè ə fo èkɔʼsê se ànyì tsɨ̂ə tsɛ̂ kə è fo sê ngɨŋə̂ vəyn.

1 Njɔyn 1:9

Ə ghâsènì kyi komə̂ ewìynze kûmə̀ sèpi sə ghasènìse, ə Zhə̀fè lɛse fo sepi sə təynse, ə È shu zose ghâsènì nâʼàpî ə ghe vɛ e va chichi ə ghâsènì endam ə Vəyn əshi. È nə̀ nə̂ nyiəmə kûmə̀ nə È pìə pi nə ghɛ, È və nə̀ kə zamə.

2 Kolìŋ 2:7

Zôyn, ghàyn pɨl lɛ̂sè fo vəyn, ə fo vəyn è təm ə zɨtəghe, endom se nə̀yn nə kə è və kosə̂ kyaʼà tsɛsə̀, mə è kàʼa è laynse pfɨ mɨsè.

Njə̂m 5:11

Ghàyn ke ndô nə ghàs njìə ə̀ghɨ ghɛ ə ghənə wəynsə wiynve nə Zhə̀fè ə pɔsê ghənə. Ghàyn ə tə zɨ kûmə̀ èwəynsê ewìyn ə Njopzè kə è tè wəynse, ghàyn ghɛ ə fe ghɛ zɛ ə Zhə̀fè tè nə̀yn sê vəyn ə kwùŋse, kûmə̀ nə Pɛ̂pɛ nyîə kosə̂ èsəyn, nə̂ chùŋ.

2 Kolìŋ 6:6

Ghàs ə tyə̀yn nə ghàs nyi əghɨə Fezhə̀ kûmə̀ nə ghàs ndamə tèndam tezote, kyi ètɔf, wəynsə èwiyn, tɔ̂ʼnə̀, kyi Sèzuʼ se Ŋwaʼase, fɨnə kɔ̂ŋɔ̀ ə̀ghɨ mɔ̀ʼɔ nâʼà səmɔʼ.

Tom èchùŋ kè kə Lûk tè nyaʼ 11:4

Lɛ̀se fo ghɛ ghàs ghepiə pɔ̀msə ghàs lɛ̀sə fo nâʼàpî ndè vɛ ə è nə̀yn pi sê ghàs. Kə ò nə̂ za nə mɔ̂mè pəyn sê ghàs.”

Tom èchùŋ kè kə Lûk tè nyaʼ 1:78

Ə̀ tə nə̂ esəyn eko èghaʼâ ə Fèzhə̀ fə ghasènìfe kə zhwi nə zɨnə mə payn ə ghâsènì ətu.

2 Pità 1:7

pî kə ghàyn nə̀ Zhə̀fè e saŋnə̂, ghàyn e kyi àshîŋə̀ əghɔ nyì ghaynghe, famə ashìŋə̀ kɛ ə ghàyn kyi sè ghɔnyì ghaynghe, ghàyn e kyi kepî èkɔ̂ŋ.

Ətefɨ̂aʼ 28:2

Ghɨ endaʼ ətəyn ghɛ ə ghàs tè kote ə tsâmtə̀ ghàs. Gholze ə zhə̀tə̀ se tso, fofke e kwɨlə ghàs, nyiəmə, ghənə ə fɛtə̂ èwus nə ghàs zɨte, nə̀ pə̀yn achûŋ sê ghàs.