Ɛfesùs 4:24 - Ŋwàʼlè ə̀ Fèzhə̀ Mkâyn Mə̂ Fèm

²⁴ Ə̀ tè zaʼle ghàyn nə ghàyn nji wiyn efe vɛ ə tè fɛte nə ve nə fusə̂ Fèzhə̀ sə ndamə kàyntè èndam ə chichi è vəyn fɨnə zo.

Ɛfesùs 4:24 Referans Kwoze

2 Kolìŋ 5:17

Ə wùə nyi yî Klâys, è ve nyi wùə e fe, mə ndamə vəyn ze mɨ zə tsɛ̀, ze fe ze ze pə̂yn.

Ɛfesùs 2:10

Ghâsènì nyi efɨaʼ ə Fezhə̀ zə ghoze. Fe fɛtə̂ ghâsènì tɔynə̂ ə Klâys Njisə̀s nə ghâsènì nə ndamə èndam echûŋ zɛ ə è tè se nyi mə è və tè pɨaʼtê ndəm nə ghâsènì ə ndamə.

Ŋwàʼlè ə̀ Pɔ̂l sê ghɨə Lûmghè 13:14

Pîza ghàyn e pɨl kyi ètsɨsə̂ ə Pɛ̂pɛ Njisə̀s Klâyszè. Kə ghàyn ndəm tuke əghɛ ghɛ ə njà ewìyn kyiŋə, kə ghàyn tə nəyn kə wiyn vɛ ə ve chiyntə ghàyn nə ghàyn nəyn pi kyiŋə.

Ɛfesùs 6:11

Ghàyn nji fɨa eghɔ̀ŋ vɛ ə Zhə̀fè fo sê ghàyn nâʼà èkɨ̂m kə ghàyn ke se nò m̀nàŋ mɛ ndə̂plè pɨaʼtə.

Ŋwàʼlè ə̀ Pɔ̂l sê ghɨə Lûmghè 6:4

Mô mɛ ə ghâsènì tè fi chwîtə̀ nə ghâsènì ə kwu, ə vɛ ə pfɨ̂mə̀ ghâsènì è Vəyn. Zɨnə mə tè kyayn se nə̀yn nə ghâsènì kyi ndam efeze. Zɨnə mə nyi kepî èghɨ kə pɨ̀a tè zòmse Klâys, è pɔmsê ə Vəynze endam efeze.

2 Kolìŋ 3:18

Ghâsènì əkɨ̂m nyîə kyi èpomsê ə Fezhə̀zè shîŋə̀ kɛ ə kyaʼ tə ghasènìte nyi ndɔ̀ʼɔ kɨyte, ə kyì epomsê nə zɛ mə, ə ze pə̂ se Pɛ̂pɛ, mə è nyi Sezuʼ, se kwiynə̂ ghâsènì nə ə nyi ke kə vəyn kə ghâsènì ə kyi èpomsê zɛ ə ze nyanə nduə kə èshike.

2 Kolìŋ 4:16

Ə̀ za nyi eghɛ zɛ ə ghàs pɔ va sə̂ nə̂ èfɨ̂aʼ nə zɨ̂yn. Naʼapi kə njà sewìyn sasse pɔylə ndùə, zuʼ sas se e tɛ nduə kə èshike.

Ŋwàʼlè ə̀ Pɔ̂l sê ghɨə Lûmghè 13:12

Tuʼve se nyi ke se zo, pɨəynke se panə mɨ̂sə̀ pə̂ ndò. Ə ghâsènì zàmaʼà ə̀ghɛ pi ghɛ ə ghâsènì tè nə̂, ə maʼ fɨa eghɔ̀ŋ vɛ ə nô ətəyn əfètə̂ epayn.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

Ŋwàʼlè ə̀ Pɔ̂l sê ghɨə Lûmghè 8:29

Ghɨ ghɛ ə Zhə̀fè tè nyi mə fe ə kàynè chitê nə tsɨnè ə̀ ghənə ə nyi kə zə Vâ Vəyn, kə vayn nə vɨnə mə tə pəyn ə è və nyi Vâ ə̀shi se ghɔnyì ə vəynghe.

Njɔyn 17:17

Nə̀yn nə ghənə zo kwəynə̂ tɔynə̂ səmɔʼ Zɛ̂zè. Kyə̀ Zɛze nyi səmɔʼ.

Ngàleshyà 6:15

Kɨ̀sə se nam ghaynghe, kɨ̀sə ə tàʼa se, zɨnə mə kyi va ghɛ zhîze se nə̀yn. Ghɛ etɛ nyi ke nə, Zhə̀fè nəyn, ə ò kɛse ə ô nyi wùə èfe.

Ngàleshyà 3:27

Nâʼà ghàyn əkɨ̂m ghɛ ə tè fi môm ə Klâys ezə, nyi kə ghɨ ghɛ ə ghe nyi mə ə màʼ Klâys Njisə̀s ə ghàyn ewìyn kə sendzɨs.

1 Kɔlìŋ 15:53

Kûmə̀ nə wiyn vɛ ə ve fîə kyi se kwiynə pə̀yn se vɛ ə ve fîə va, ə wiyn vɛ ə ve tə kwuə ə kyi se kwiynə pə̀yn se vɛ ə ve tə kwuə va.

Ɛfesùs 2:15

È və kim nâʼà lwɔ̂ŋ ə Njûsvè ekɨ̂m tɔynə̂ ə vəyn ekwu nə zɨ̂yn kə ghɨ ghasènìə fɨ ke sə wùə èmɔ̀ʼ tɔynə̂ ə vəyn, ə pɔ̂ynè ə nyi.

Ipilù 12:14

Ghàyn mɔmse nâʼà è tyaʼke sə̂ ndamə è pɔ̂ynè ghayn ghɨghə ə̀kɨ̂m fɨnə mɔ̀msə̀ nâʼà è tyaʼa sə̂ nyi è ŋwâʼzè kûmə̀ nə ə wùə va è ŋwâʼzè ə vəyn endam, ə è tə tàʼa fe Pɛ̂pɛ.

Ipilù 1:8

Pîza ə̀ tè nyi kə fe wâmnə̀ kûmə̀ Va vəyn, fə pìə nə: “Fɔ̂yn vɛve ə Zhə̀fè tə ndamə faŋə kəndò! Ò saʼa ə̀ghɨ ghɛghe kɔ̂ŋə̀ va ghɨ mɔ̀ʼɔghe tsɛ̂ yîghe.

Tom èchùŋ kè kə Lûk tè nyaʼ 1:75

nyi ke ə̀ghɨə və, tyəm ke chichi ə ve shi se zaʼâ kə tuʼ mə̂ ghâsènìm tə kɔʼ mi.

Ŋwàʼlè ə̀ Pɔ̂l sê ghɨə Lûmghè 7:6

Pîza, zôyn ghâsènì ə fɨ etyə̀ àtyaʼ alàŋkè kə ghâsènì nyi mə kwu. Nyiəmə ghâsènì fɨyn va etyə̂ àlâŋ kə ekɔ̂s. Zɨnə ə nə̀yn zôyn ghâsènì e chûmtə̀ èndom efeve se fɨ̂aʼ se Zhə̀fè. Ghâsènì fɨaʼà se Vəyn endom vɛ ə Zuʼ sə Fezhə̀sè tsà sê ghâsènì, ə̀ vachi se chùmtè elwɔ̂ŋ vɛ ə nyi mə ə nyàʼ tsosê.

Ŋwàʼlè ə̀ Pɔ̂l sê ghɨə Lûmghè 12:2

Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.

2 Pità 1:4

Ə̀ nyi èndom nə vɨ̂yn ə Zhə̀fè lwiynse tsɨ̂nè tɛ ə fe tè tsɨ̀ne nə fe tə fo tèfo tə m̀kɔʼnètè mə kɛve vayn kàʼa ə ve zhɔyn, ə te tsamte ghâsènì kə ə tə fɨ ə ghɛ əpi ghɛ njà èwìyn kyiŋə fa mbi. Zɨnə mə nə̀ nə̂ kə ghâsènì ə nyi chichi kə Fezhə̀.