Ɛfesùs 4:15 - Ŋwàʼlè ə̀ Fèzhə̀ Mkâyn Mə̂ Fèm

¹⁵ Ə ghâsènì pɨlə wàmnə̀ kə səmɔʼ tyə̂nə̀ èkɔ̂ŋ, ə ghâsènì ndəmə ke ndom tekɨ̂m ə nyi kə Klâys vɛ ə è nyi atu sê ghâsènì.

Ɛfesùs 4:15 Referans Kwoze

1 Njɔyn 3:18

Ghɔyn ghɨmə, kə ghâsènì ə kɔ̀ŋɔ̀ kə è choze. Ghâsènì kyi sə̂ tyə̂nə̀ èkɔ̂ŋ əghɛ ghɛ ə ghâsènì nə̂, kɔ̀ŋɔ̀ kə nâʼà səmɔʼ.

Ɛfesùs 4:25

E za tyə̀nə̀ nə ghàyn kyi se mâʼà akaŋ nə nâʼàpî ndè nə wàmnə̀ kə səmɔʼ sê ànyìə vəyn kûmə̀ nə ghâsènì ə̀kɨ̂m tsɨ̂ynte nyi ke èpɨas ewìynve emɔ̀ʼ.

1 Pità 1:22

Zôyn kə ghàyn se nyi mə ə shù təm ghaynghe, kɔŋə̀ kəpi sèngɨŋ saynse tɔynə̂ ə səmɔʼ zɛ ə ghàyn zɨ, ghàyn ndu ke èshike sə̂ kɔ̂ŋə̀ sèngɨŋ saynse səmɔʼ è təm ghaynghe əkɨ̂m.

2 Pità 3:18

Pîza ghàyn e ndəmə̂ ndûə kə èshike ə afùʼ, è tɔf ə Pɛ̂pɛze è sɔ̀zà ə̀ ghâsènì Njisə̀s Klâys. Ə pomsêzè ə nyi sê vəyn zôyn, è kɨsè sə teshìŋə̀ tèkɨ̂m! Ə ze ə nyi ke zamə.

Ɛfesùs 2:21

Ə̀ nyi vəyn vɛ ə è kokyi ndɛ nə zɨ̂yn, è ze kɔʼɔ se fɨ sə ndɛ ètsə̀mə ə̀ Pɛ̂pɛ.

Ɛfesùs 1:22

Zhə̀fè tè fo efɨa èkɨ̂m ə və gho ə fɨnə ndə̀mə̀ vəyn nə è və nyi àtu əghɛ ə̀kɨ̂m ə ndɛ ə̀ Fèzhə̀.

1 Pità 2:2

Ghàyn e pɨl nyi ke kə əghɔ ə pɔ ghɛ ə chìŋ m̀yiyn mə èzôm zafə ghənə, mə yîyn nə mɨ̂nə̀ mə nyi ewâmnè ə Fezhə̀zè, mə shîŋə̀ kɛ ə ghàyn mɨ mêynmè, ə ndə̂mə̂ kɔʼɔ, ə kyi esɔzaze.

Ŋwàʼlè ə̀ Pɔ̂l sê ghɨə Lûmghè 12:9

Ə nâʼàpî ndè ə kɔŋə̀ ə̀ghɨ è təm ə vəynghe əkɨ̂m. Ə nâʼàpî ndè ə pânə̀ pi è təm ə vəynghe əkɨ̂m. Ə nâʼàpî ndè ə fɛtê tyəm sə̂ nə̂ kə èghɛ zɛ ə̀ nyì ze chûŋzè.

Njɔyn 1:47

Kə Njisə̀s fe Nàtanyèl e pə̂ se Vəyn, È və wàmnə̀ kûmə̀ vəyn ə pìə nə, “Ə̀ vɨ̀nə nyì ke nâʼà kàyntè ə̀ wùə Isìlây səmɔʼ pìə nə kaŋke va ətəyn.”

Ɛfesùs 5:23

Ghàyn ke nə wùndômə̀ nyi nyî nyi àtu sê zhwiə vəyn kèpi èghɨ kə Klâys nyi atu sê ndɛ ə̀ Fèzhə̀ mə za nyi ewiynə vəyn, ə sɔ̂zâ vəyn ghɨ ətəynghe.

2 Kolìŋ 4:2

Ghàs ə zàmaʼà ghɛ ə ndətə è ghɛ ə ghoməghe; ghàs nə̀ va ghɛ mə ghàs lesə̂ ə̀ghɨ, pî sə̂ kwiynə̂ tom ə̀ Fezhə̀. Ghàs pɨlə ndàʼà səmɔʼ ə ndayn, momsə̀ se ndamə ə Zhə̀fè əshi endom kə nâʼàpî ndè vɛ ə è fe ghàs, ə təm ə vəynghe ə saŋnə̂.

2 Kolìŋ 8:8

M pìə va nyiə nə m fo sə alàŋ, pîza m tyə̂nə̀ kə se ghàyn ndom vɛ ə ghɨ mɔ̀ʼɔ kyiŋə se tsàmtè nâʼà sə ŋaŋ, kə m fe nə kɔ̂ŋ zaynze nyi səmɔʼ mə nyi akaŋ ə.

1 Kɔlìŋ 11:3

Pîza m kyiŋə nə ghàyn fe kê nə, Klâys nyi atu sê nâʼàpî wùə endômə̀ èkè, wùə ndomə̀ e nyi àtu se zhwîə vəyn, Zhə̀fè nyi àtu se Klâys.

Ɛfesùs 1:4

Tsɔ̀fə kə è pom mbi, ə̀ tè se nyi mə è və chɔʼtê ghâsènì tɔynə̂ ə Klâys nə ghâsènì tə pə̂ ə nyi əghɨ zoghe, kyi va tsasze ə Zhə̀fè əshi.