Biblia Todo Logo
Bib sou entènèt

- Piblisite -




Ɛfesùs 2:2 - Ŋwàʼlè ə̀ Fèzhə̀ Mkâyn Mə̂ Fèm

2 Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Gade chapit la Kopi




Ɛfesùs 2:2
64 Referans Kwoze  

Ghàyn nəyn nyi kûmə̀ nə ghâsènì nô va ghɨghe. Ghâsènì pɨlə nô sèzu se pi sɛ ə se tàyntə̀ tsɛ̂ ekwùtwəyn è twɔʼ vɛ ə ve saʼa mbi zɨ̀yn nâʼà èkɨ̂m è zhə̀ mə mbimè.


Ghâsènì nyiə ke nə ghâsènì nyi əghɔ Fezhə̀, ke kepî nə wùə èpi nyi wùə vɛ ə è kyi ghɨ ghɛ ə ghe ke va Zhə̀fè.


Ghâsènì əkɨ̂m tè ndamə kə kə ghɨ ə pi nə ghɨ̂yn sə shi, nə̂ kə əghɛ pi ghɛ ə njà sewìynse ə ghasènìse kɔ̂ŋɔ̀, ə̀ fɔmə pî ghè, e nə̂ kə ndò. Ndamə senjà se wìyn nə sɨ̂yn tè tyə̀nə nə ghâsènì nyîə kwəynə̂ kə se tə kyî etsôs eghaʼâvè sê Zhə̀fè kə ghɨ mɔ̀ʼɔ.


Shîŋə̀ kə pə̀yn kə Zhə̀fè saʼ mbi zɨ̀nə̀, ə tyaʼa fɔ̀yn vɛ ə è saʼa mbi zɨnə pfɨ.


Kə wùə tə lesê ghàyn èwâmnè ezomze. Ə̀ nyi kûmə̀ ə̀ghɛ nə ghɨ̂nə̀ ə Zhə̀fè nyɔ̂ʼsə̀ tɔŋ sê ghɨ ghɛ ə ghe zɨə va vəyn.


Ghàyn nyi əghɔ pɨ̀a vâynvè, ndə̂plè, kɔ̂ŋɔ̀ kə sə chûmtə̀ tè kwaʼtè tə vəynte. È tè zhwiə əghɨ kè ə zhə̀te, wàmnə̀ va ghɛze səmɔʼ kûmə̀ nə è kyi va səmɔʼ. Shîŋə̀ kɛ ə è wamə kaŋke, è lotə̂ wamnə̀ kə èwâmnè ə vəynze, kûmə̀ nə è nyi wùə àkaŋ, nyi pɨ̀a sê kwaŋve.


Ə tè zaʼle nə ghàyn maʼa ndam emɨ zaynze kûmə̀ nə kwâʼtè tepite taynte tè nyîə pofsə̂ ghàyn.


Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.


Ghənə pomə va pɔ̀m nə kwaʼtè tə ghənə̂tè nyi mə Zhə̀fè epi fə mbi fɨnə fe ə ndə̀m ə alɨm. Fe nyi mə fə ndə̀tè nə kə ghənə ə fe èpayn zɛ ə ze nyi ə ghənə ewìyn, mə nyi epayn zɛ ə ze ndô pə̂ ə Tom Èchùŋ zɛ ə è tsà kûmə̀ èpomsê ə Klâyszè, mə È lote nyi kə Fezhə̀.


kûmə̀ nə nâʼàpî va Fezhə̀ èkè nyi mə è və tɨm zhi mbi. Ə̀ nyi ekyî epomə̂ ə ghasènìze ə ze nə̂yn nə ghâsènì tɨm zhi mbi.


Zôyn ghàs kàʼa tsayn ghɨ ghɛ ə̀ nyi ə ghɔ Fezhə̀ghè, è ghɛ ə nyi ə ghɔ ndə̂plèghè. Nâʼàpî ndè vɛ ə è ndamə va chichi, kɔ̂ŋə̀ va ghɨ epomə̂ ə mɔ̀ʼɔghe, è paʼà ndò pəyn chi se Zhə̀fè.


Ghàyn e zɨə Fèzhə̀. Kə ghàyn fɨyn nəyn əghɛ ghɛ ə njà sewìynse tè kyiŋə nə ghàyn ə nə̂ kə ghàyn tè nyìəm ke va Zhə̀fè.


È zə ko nyàm èkwə̀mnə zɛ ə tè tɔŋtə nə ndlangɔ̀yn ə è tè nyi mbam è mɨ za, e tɔŋtə̂ kəpî vəyn nə satàyn ə kolə zə̂yn sə sepìŋ kam.


Pîza ghàyn nyi ə ghɔ Fezhə̀ghè ə ghɔyn ghɨmə mə ghàyn ə nò zhi fɨ̀aʼtè sə akaŋse, kûmə̀ nə zuʼ sɛ ə se nyi ə ghàyn ewìyn nyîə kyi àtyaʼ ke tsɨ̂ə tsɛ̂ kə ghɨ̀ kɛ ə ghənə nyi ə mbi.


Ghàyn se nyi mə ghàyn ə pofsê shîŋə̀ tsɨəke sə mɨ, ndamə kə ghɨ ghɛ ə̀ vachi ə̀ghɨ Njûsghè. Ghàyn tè ndamə tendamte nyələte, shi ghaynghe e tsɨlə, ghàyn mɨə m̀lɨ̂ m̀ me ko ghàyn ə ndùə elùʼ azhi, ghàyn e nə̂ kə kə sepu, səynə̂ èwiyn èlɨ̀ mə èmɨəm, è ngɨmnê èfɨaʼsèzè ə tendom teghoməte lâŋ ə Fezhə̀kè e pomə̂ va.


Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.


Klâys ə tə fo ngɨŋ ə vəyn ə kwuə kûmə̀ sèpi sə ghasènìse se sɔza ghâsènì fa ə mbi èpi, se nə̀yn eghɛ zɛ ə Zhə̀fè pɨ̀a ə̀ ghâsènì tè kyiŋə.


Kə ghàyn nə ndamə kə njà saynse wìynse kyiŋə, pîza ghàyn pɨl za ə Zhə̀fè fo kwàʼtè efe sê ghàyn, kə ghàyn ə kyi tsɨnè èfe. Zɨnə nə̀ nə̂ ə ghàyn ə ke, nə̂ ə̀ghɛ ghɛ ə Zhə̀fè kyiŋə. Ghàyn nyìə ke chùŋ, ke ə̀ghɛ ghɛ ə ghe nə̂ nə Zhə̀fè ə saŋnə̂, ke ghɛ ə ghe nyi chichi.


Ghàyn ghɨ ghɨ̀nə̀ ə nyi mə ə zà Zhə̀fè nyi! Ghàyn ke va nə ə ghàyn nyi sesoyn sê mbi, ə ghàyn ə nyi sèpàyn se Zhə̀fè ə? m pîə kwəynsə̂ nə ə ghàyn kyiŋə sə̂ nyi èsoynve sê mbi, ə ghàyn nəyn ngɨŋ saynse sə̂ nyi sèpàyn se Zhə̀fè.


M tè pìə chîə va kûmə̀ ə̀ghɨ fa mbi ə ghe ndamə ndam enyɨŋə nə ə zəynghe è ndômnèghè, è ghɨ ə shiə fɨəghe, è ghɨ ə chɔŋə, è ghɨ ghɛ ə ghe ngɨmnə fɨ̂aʼsèvè, kûmə̀ nə ə wùə nyì se tə əghɨ ə mbi nə ghɨynə̀, ə è laynse za ke ndò mbi zɨ̀nə̀.


Pità ə pfɨfə nə, “Ànàniyàs, ò za nə Satàyn nji ə ghò ətəm kûmə̀ ghè? Zôyn satàyn ə nə̀yn nə ò wam sê Zuʼse Ŋwaʼase ə ò ndətə pɨaʼa kɛ kɛ ə ò pəʼle fɨa vɛ ve ətəyn.


Ə ghàyn fè nyi kə əghɨ mbiə mə ghənə kɔ̂ŋɔ̀ ndò ghàyn kə ghɨə ghənə̂ghè. Ə̀ zo se nyi mə mə tə chitê fɨse ghàyn ə mbi, ghàyn e sè fɨyn va ə̀ghɨə mbiə. Ə̀ za nyi eghɛ zɛ ə ghɨ mbiə panə̀ ghàyn sətəyn.


M nə̀ fɨnə wàmnə̀ va sê ghàyn zôyn sə aghaf kûmə̀ nə vɛ ə è chisə mbi zɨ̀nə̀ pə̀ ndò. È kyi va tyaʼ kyîke, ke tsɛ̂ kɨmke,


Ghənə kyiŋə kə fèzhəmə̂ nə fe payn ə ghənə nyiŋə è zhwi ə̀ wùə, chɨ̀ŋ ə̀ ghənə̂ se nə̀yn ə pi pɔ tsɛ̂ va. Ghənə lə̂ŋtə̀, ghɨ ghɛ ə pɔ ə ghənə epomə̂ ə pfɨ̂ə njiə atam. Wùə vîvè vayn kàʼa è tsɛ ghənə è shiə fɨəghe. Ndi ə̀ Fèzhə̀ nyi ə ghənə ə tu!


Ə è fɨyn tyəyn èndom vɛ ə Zhə̀fè tə saʼa ghɨghe ətəyn, kûmə̀ nə fɔ̀ynə̀ mbi vɨ̀nə nyi mə ə kàynè saʼ vəyn.


Kè kə Njondàs fi mɨ̂sə̀ pə̂yn payn ə kwaŋ ətəynke nyî, Satàyn ə njiə mɨ̀sə̀ kə ndò ə vəyn ewìyn. Njisə̀s ə pìə sê vəyn nə, “Zàŋse nə̀yn ghɛ zɛ ə ò kyiŋə se nə̀yn.”


Ə nə̀ kwɨlə̂ sè zhiə ashìŋə̀ ezhwikwɨləke, ə̀ nyi zâ mə ndə̂plè ə fo kwâʼtè epize sê Njondàs Èskalɔ̀t, ə va Shimùyn, nə è pəʼle Njisə̀s.


Njisə̀s ə pìə sê ghənə nə, “Ghàyn nyi əghɨ mə ghàyn ndò fa chi, pîza M ndo pə̂yn ekwùtwəyn. Ghàyn nyi əghɨ mə ə ndo pə̂yn fa mbi, pîza M vachi wùə ə̀ mbi zɨ̀nə̀.


Ghɨə mbighe vayn kaʼa payn ghàyn, pîza panə̀ Mi kûmə̀ nə M tyə̀nə̀ paynsə̂ tèndom tə ghɛ ə pi ə ghənə̂tè.


Fûʼ ətəynke e nyi mbi, ngwàʼ èchùŋ zɛ e nyi əghɨ ghɛ ə ghe nyi etyə̀ èfɔ̀yn ə Fezhə̀vè, yîyn epike e nyi ə̀ghɨ ghɛ ə ghe nyi ə̂ ndə̂plè etyə̀.


Nâʼà ə̀ghɨ ə̀ kɨ̂m ə chi tə ngɨmnə̂ zə̂ynzè, ə̀ tsɛ̂ kə va ghɨ ghɛ ə tè nyi mə ə nyàʼ zɨə ghənə̂zè tsɔ̀fə kə pom mbi əfètə̂ ŋwàʼlè ə̀ghɨ ndaməghe mə ə̀ ghənə kyi Vâ Ndzè vɛ ə tè zhwi.


Pîza, nâʼàpî ndè vɛ ə è nə̀yn pi nyi vayn sê ndə̂plè, kûmə̀ nə ndə̂plè tè zhə̀te se nə̀yn ə pi kè ə zhə̀te ə̀ mbi. Ghɛ zɛ ə ze tè nəyn kə Vâ Fèzhə̀ pəyn tè nyì se pofsê ə tefɨaʼ tə ndə̂plètè.


E lote nyi ndò nə wûə ətəyn kyi va se kwàʼtè nə zhi kaʼa ə zhi kyi fɨa kyîke sê Pɛ̂pɛ.


Kûmə̀ nə Ndemàs nyîə kɔ̂ŋə̀ èfɨa ə mbi ə̀ zôynvè, ə tə za mi, ə ndùə ə Tèsàlonikà. Kɨ̀lisèns ə ndù ə Ngàleshyà, Taytùs ve ndù ə Ndàlàmatyà.


Epàm ətəyn, wùə vɛ ə è tè nyàʼa ghɛ fɨnə tɔ̂ʼnə̀ è tɔ̂ŋ nə zɛ ə nə̀, ghɨghe ə kɨmə̂ mɔŋ, è və ke pì sê ghənə nə, “Ghɨghe əkɨ̂m nyîə ke nə ghàyn ghɨ Ɛfesùsə̀ kyi sə̂ tɔ̂ʼnə̀ è ndɛ ètsə̀mə ə̀ Atemìs, fɨnə tɔ̂ʼnə̀ è chi zɛ ə ghâsènì kɔʼsə zâ, mə ze tè ndò ekwùtwəyn ə tânə̀ ə chi.


Njisə̀s ə fɨnə tɔŋtə Shimùyn ə piə nə, “Shimùyn, Shimùyn, o kɛ nə Satàyn ə ndɔyn ndom se shə̀ʼ ə ghô kə ə nə̂ shə̀ʼə̀ m̀pfɨ̂ŋ,


Pɛ̀ èfɨ̀aʼ ə fe eghɛ zɛ ə wùfɨ̀aʼ è wamə nə vɛ nə̀yn ə tsìtə̀ endom etɔf vɛ ə è fè fɛte ghɛ vəynze ətəyn.” Njisə̀s ə wàmnə̀ za, ə ke pi nə, “Ghɨə mbiə nə̂ tɔfə ə tendom tɛ ə ghənə fɛtə̂ ghɛ ə ghənə ətəyn tsɛ̂ ə̀ghɔyn epanə.


Va wùə ə pə̀, zhiə èfɨazhiəu, mɨə m̀lɨ, ə piə nə è vɛ è zhiə tsɛ̂sə̀, mɨə tsɛ̂sə̀, fɨyn nyi è soyn yî ghɨ ghɛ ə ghe tənə tâksè è ghɨ piə mɔ̀ʼɔ̂! Pîza, Zhə̀fè tyə̀nə̀ nə tɔf eghaʼâ ə vəynze nyi ke nâʼà səmɔʼ tɔynə̂ əghɛ ghɛ ə Fe nə̂ ə ghənə tendam.”


Tsì ə̀mɔ̀ʼɔ̂ nə se ndu esɛ̀mbɛ ə waŋə m̀lɨ mɛ ə m̀ tè nyi ə zə̂ynzè akaŋ awulə. Kyə̀ ètɛ zhîzè ə fɨə pə̂ əfekyə̀ fə efɔ̀ynfè ə ndɛ̂ ètsə̀mə nə, “Ghɛghe əkɨ̂m ə mì!”


Tɔynə̂ ə sechwìə sekayntə sɛ ə tè za nə è zə nə̂ ə nyàm èpamə ə̀shi zɛ əshi, è zə lesə̂ ə̀ghɨ ə̀kɨ̂m ghɛ ə tè ndamə əchi. Nyàm èpamə ə̀təyn ə tsà se ghənə nə ghənə fɛte fɨ̂aʼsèkè sə̂ kɔʼsə̂ nyàm èpamə ə̀shi zɛ ətəyn ə tè ndəmse è fɛ̂ eghɔ̀ŋze pîza è pa ndamə zâ.


Ə màʼà fɨsə̂ nyàm èghaʼâ zɛ ə tè tɔŋtə nə ndlangɔ̀yn ə chi. Ə̀ tè nyi mbam ètuʼ əshi zɛ ə tè tɔŋtə nə ndə̂plè, fɨnə tɔŋtə̂ kəpî Satàyn. Ə̀ tè nyi zə̂yn zɛ ə è tè lɛsə ghɨ mbiə əkɨ̂m. Ə màʼa tsosə̂ zə̂ynzè ə chi yî tsì sə zə̂ynsè kè sekɨ̂m.


Ngwàʼ zɛ ə è tè tàynte əfètə̂m m̀sòlèndzɔŋ nyi kə wùə vɛ è zɨə ghɛ ə Fezhə̀zè, ghɛ mbiə è kɔŋè kûmə̀ èghaʼ ə mbize ə lwiynsə̂ ə̀təm ə vəynghe. Zɨnə mə ə nə̀ vəyn è vayn kaʼa è kwiyne ə və sepi.


pîza fɨmsê ə mbize è kɔ̂ŋ zɛ ə ghənə kyi sê ghaʼtə mbite, è ghɛ mbi ə mɔ̀ʼɔ ə pə̀ ghâŋtə̀ ə̀təm ə ghənə̂ghè, zə tàʼa mu etwɔm ə ghənə endam.


È ve tsɨs fumə zôyn, saʼa nâʼà sèzuʼ sèkɨ̂m è twɔʼve ekɨ̂m, ngaŋtə tsɛ̂ nâʼàpî fɔ̀yn èkwə̀ ə mbiə zôyn è mbi zɛ ə è tə pə̂.


Ghàyn ghɨ ghɛ ə̀ vachi ə̀ghɨ ə Njûsghè, kə ghàyn lɛse ghɨ ghɛ ə ghe tè nyì sə shi. Ghàyn nyi əghɨ ghɛ ə̀ vachi ə̀ghɨ Njûsghè epîə, ghɨə Njûsə̀ tɔŋtə̂ ghàyn nə, “Ghɨ ghɛ ə tàʼa se ənam əghənə̂ghè,” tɔŋtə̂ sèngɨŋ sə ghənə̂sè nə, ghɨ ghɛ ə nyi mə ə se namə ghənə̂ghè. Ghənə tɔŋtə̂ nyi pîza namə nyi nyî, ə̀ se va Zhə̀fè, ə̀ se ə̀ghɨ è gho.


Ghàyn tè tyəm nâʼà sə aghaf, paʼsə̂ va sê Zhə̀fè, pîza zôyn e sè nyi mə ghàyn ə pə̀yn paʼsê tɔynə̂ ə Klâys Njisə̀s, kûmə̀ m̀ndəm mɛ ə è tè sɨs ə ghâsènì ətu tsɔ̀fə kə è kwu.


M pîə sê ghàyn ezə ə Pɛ̂pɛze fɨnə kwəynsə̂ nə kə ghàyn fɨyn ndam kə ghɨ etumə. Ghənə kyi ke tèkwâʼtè tə azùŋə zuŋte.


Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.


Ghɛ zɛ ə Zhə̀fè mə nyi Pɨ̀a njìə nə ə̀ nyi endom vɛ ə ve zo, kwəynə̂ se chùmtè ə Fezhə̀ ətəyn nyi nə, ə tɔ̀ʼnə̀ è ghɔkwuə, è zhwiə kwughe ə ghənə ezə ngəʼze, fɨnə tɔ̂ʼnə̀ è ngɨŋə̂ vəyn nə kə ghɨ ə mbighe tə nəyn vəyn nə è və nə̂ ə̀ghɛ ə nyələ ghɛ ə ghənə nə̂.


Swiv nou:

Piblisite


Piblisite