Ɛfesùs 2:11 - Ŋwàʼlè ə̀ Fèzhə̀ Mkâyn Mə̂ Fèm

¹¹ Ghàyn ghɨ ghɛ ə̀ vachi ə̀ghɨ ə Njûsghè, kə ghàyn lɛse ghɨ ghɛ ə ghe tè nyì sə shi. Ghàyn nyi əghɨ ghɛ ə̀ vachi ə̀ghɨ Njûsghè epîə, ghɨə Njûsə̀ tɔŋtə̂ ghàyn nə, “Ghɨ ghɛ ə tàʼa se ənam əghənə̂ghè,” tɔŋtə̂ sèngɨŋ sə ghənə̂sè nə, ghɨ ghɛ ə nyi mə ə se namə ghənə̂ghè. Ghənə tɔŋtə̂ nyi pîza namə nyi nyî, ə̀ se va Zhə̀fè, ə̀ se ə̀ghɨ è gho.

Ɛfesùs 2:11 Referans Kwoze

Kòlosè 2:11

Kə ghàyn nyì sə afɨa àmɔ̀ʼ ghâyn ghə̀ Klâys, Klâys ə se nam ghaynghe. Se ə nam nə zɨ̂nə̀ vachi zɛ ə ghɨ msɔ̀ŋghe se wùə. Ə̀ nyi Klâys ə è se nam ghaynghe ə Sezuʼ. È və njì tsɨsè tsɨnè zâyn zə èpi.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Kòlosè 3:11

nə sə nɨŋ zhîzè ə va se ghɨə ghɛ ə̀ vachi ə̀ghɨ ə Njûsghè, è ghɨə Njûsə̀, sə nɨŋ e va sê ghɨ ghɛ ə nyi mə ə se nam ə ghənə̂ghè, è ghɛ ə nyi ndɔ̀ʼɔ se. Sə nɨŋ e va se wùə àtum è wùə mbvɨyn, kɨ̀sə ə̀ nyi akɔ̂s, kɨ̀sə ə̀ nyi vɛ ə è va sə akɔ̂s, pîza ə̀ nyi Klâys se ghɛ ətəynghe əkɨ̂m, nyi ə ghənə əfètəyn ə̀kɨ̂m.

Kòlosè 1:21

Shîŋə̀kè tè nyì ndô kɛ ə ghàyn tè nyì ndu sə aghaf sê Zhə̀fè, nyi sèpàyn sə Vəynse kûmə̀ əghɛ əpi ghɛ ə ghàyn tè nə̂, è ndom vɛ ə ghàyn tè kwàʼtə ətəyn.

Filìpây 3:3

Ə̀ nyi ghâsènì kə nyi mə ə se nam ə ghasènìghe endom vɛ ə kyi se se ətəyn. Zuʼse tsâmtə̀ ghâsènì nə ghâsènì ə ngɨmnə̂ Fèzhə̀. Ghâsènì nyiə saŋnə̂ kə ghâsènì nyì sə afɨa àmɔ̀ʼ ghasènìəghə̀ Njisə̀s Klâys. Ghâsènì ke ndô nə ghɨ msɔ̀ŋghe vayn tsàmtə ghâsènì.

Ɛfesùs 5:8

Ghàyn nyi nyî mə ghàyn tè nyì kepî əfètə̂ àpɨəyn efɨma nyi kə ghɨ nə ghɨyn, pîza sè nyi zôyn mə ghàyn ə nji əfètəyn èpayn ə Pɛ̂pɛ. Ghàyn e ndamə kə əghɔyn epanə.

Ngàleshyà 6:12

Ghɨ ghɛ ə ghe kitə ghàyn nə ghàyn se nam ghaynghe nyi ghɛ ə ghe kyiŋə sə̂ tyə̂nə̀ èwiyn əghɛ ə senjà sə ewìynse. Ghənə nə̂ kə zɨnə mə kûmə̀ nə ghənə fànə̀ nə ə nə̀ tsəfsè ghənə ezhoghɛ ə ghənə zaʼlə ghɨ kûmə̀ èkwu ə Klâyszè awâmnè.

1 Kɔlìŋ 12:2

Ghàyn ke ndô nə ə̀ tè nyi kə ghàyn tè nyìəm va əghɨ poməghe, e ləʼsə̀ ghàyn ə tendom te tsɨəte nə ghàyn ə ngɨmnə̂ èfɨaʼsè mə ve kyi va ndamze.

1 Kɔlìŋ 6:11

Yîghe ə ghàyn ə fètəyn tè nyì kepî za, pîza zôyn e sè nyi mə ə shù tsɨ̂sè pi saynse ə nə̀ nə ghàyn ə nyi èŋwaʼze, ə fɨnə nə̂ nə ghàyn ə nyi chichi ə Zhə̀fè əshi tɔynə̂ ə Pɛ̂pɛ Njisə̀s Klâys, tɔynə̂ kɨ̀sə ə Sezuʼ sə Fezhə̀ fə ghasènìfe.

Ngàleshyà 2:15

“Ghâsènì èngɨŋ sə ghasènìse nyi əghɨ Njûsə̀ kè nâʼà epîə, vachi ə̀ghɨ ghɛ ə va əghɨ ə Njûsə̀ mə nyi əghɨ ə pighe,

Ŋwàʼlè ə̀ Pɔ̂l sê ghɨə Lûmghè 2:26

Ə ghɨ ghɛ ə̀ va əghɨ ə Njûsghè, nyi ndɔ̀ʼɔ se nam ə ghənə̂ghè, kɔʼsə̂ èghɛ zɛ ə lâŋkè pìə, ə Zhə̀fè faŋ zayn se njì ə ghənə kə ghɨ ghɛ ə nyi mə ə se nam ə ghənə̂ghè ə?

Ŋwàʼlè ə̀ Pɔ̂l sê ghɨə Lûmghè 2:27

Nyiəmə, ghɨ ghɛ ə ghe chûmtə̀ lâŋkè, pi kə ə̀ nyi mə ə paʼà se nam ə ghənə̂ghè, ghənə tyə̂nə̀ se ghàyn ghɨə Njûsghè nə ghɛ ghɛ ə ghàyn nə̀, ghe va chichi. Ə nyi mə ə se nam ghaynghe, ghàyn e kyi èlwɔ̂ŋ vɛ ə nyi mə ə nyàʼ ə ŋwàʼlè pîza nə̂ va kə lwɔ̂ŋ ətəynve kyiŋə

Ŋwàʼlè ə̀ Pɔ̂l sê ghɨə Lûmghè 11:17

Ə fɨaftə̂ sèngɔyn sə fekàʼ fə olìf fɛ ə nyi mə ə zho ndô, ndûə pasə̂ ewìyn ə fekàʼ fə olìf fɛ ə fe nyi ə mbvɨyn mə fe tsɨ̂yn ndəmə ke sə fəynfe ə ngɨŋ. Ghàyn ghɨ ghɛ ə̀ vachi ə̀ghɨ ə Njûsghè nyi kə sengɔyn sə fekàʼ fɛ ə fe ndəmə ə mbvɨyn mə fe kyîə kəpi m̀mo mə m̀ ndò pə̂yn ətə̂ tèghàŋ tə fekàʼ fechûŋfè.

Ɛfesùs 2:2

Ghàyn tè ndamə kə ə sepi nə sɨ̂yn kə ghàyn tè pa chûmtə̀ ə̀ghɛ ə mbiə, zɨə sê fɔ̀yn vɛ ə è saʼa zuʼse pi sɛ ə se tàyntə̀ tsɛ̂ ekwùtwəyn, ə nyi sèzuʼ sɛ ə se chisə ghɨ ghɛ ə ghe zɨə va sê Zhə̀fè.

Matyò 20:7

Ghənə pə̀ynsə̀ nə, ‘Ə̀ nyi kûmə̀ nə wùə paʼà njì ghàs efɨ̀aʼ.’ È və pìə sê ghənə nə ghənə pɔŋ səʼ ə fɨ̂aʼà ə vəyn afùʼ.