Ɛfesùs 1:7 - Ŋwàʼlè ə̀ Fèzhə̀ Mkâyn Mə̂ Fèm

⁷ Klâys ə tè zhɔyn tuə ghasènìke è ndə̂m mə vəyn mɛ ə è tè sɨs kə è kwu, Zhə̀fè ə ke lɛ̀sə fo sèpi sə ghasènìse. Zɨnə mə tyə̂nə̀ àfùʼ kɛ ə fe kyi sê ghâsènì.

Ɛfesùs 1:7 Referans Kwoze

1 Pità 2:24

È və tə pɨàʼà pi sə ghasènìse ə ndùə è səynse awâmnè. È tè nəyn nyi kə ghâsènì ə pɨlə ndamə chichi, pi e fɨyn kyi va ghɛze se nə̀yn ə ghâsènì etsɨsə̂. Ə̀ nəyn tefiŋ tɛ ə è tè kyi nə ghàyn tɛ,

Ŋwàʼlè ə̀ Pɔ̂l sê ghɨə Lûmghè 3:24

Təm əchûŋ ə Fezhə̀ghè ə nə̀yn, Zhə̀fè fe fe njî ghɨghe kə ghɨ chichighe. È və fo fùʼ ə vəynke kè sə ndô. È nəyn zamə kə Njisə̀s Klâys nyi mə È və fo ngɨŋə̂ Vəyn se sɔzà əghɨ ghɛ ə ghe pomə sê Vəyn.

Kòlosè 1:14

Zhə̀fè ə lɛ̀sè fo pisə ghasènìse kûmə̀ nə Va ə vəyn ə zhɔyn tuə ghasènìke è ndə̂m mɛ ə è tè sɨ̀s awâmnè.

Ipilù 9:22

Ə̀ tè nyi etuʼ vɛ ə Lâŋà chisə ghɨ, ə̀ tè kwùʼ nyi ke m̀fɨa m̀shàʼ nyi ə tè shùə va è ndə̂mə̀, mə ə vayn kaʼa lɛse fo pi mə ə paʼà tsosê ndə̂mə̀m.

Matyò 26:28

Ə̀ mɨ̂nə̀ nyi mndəm mɨ̂m mə nyi mkâyn me fɛ̂m. Ə tə sɨsə̀ m̀ndəm mɨ̂m mɨ̂nə̀ əghɨ etsɨəghe elùʼ kə Zhə̀fè lɛse fo sèpi sə ghənə̂sè.

Etyə̂yn ə paynsêzè 5:9

Ghənə tə fɨyn zhəm njàŋ e fe, è pìə nə: “O kwəyn se fiə ŋwàʼlè èngɛ, è kɨsè se zhòm alɛ se ŋaʼsə zə̂ynzè, kûmə̀ nə ə tə zhwi gho, ndə̂m mɛmè ə zhɔnə ètu əghɨ̀vè ə fo se Zhə̀fè əghɨ mə ə fɨ pə̂yn ke tâŋ tekɨ̂m, wàmnə̀ tèwâmnè tekɨ̂m, ə fɨə pə̂ ndaʼ tekɨ̂m, ə fɨə pə̂ kəpî luʼ tekɨ̂m ə nyi əghɨ ətendaʼ tèkɨ̂m ə mbi, kyaʼà tèkyaʼ tèkɨ̂m. Ò tè zhɔyn àtuə ghənə̂kè è ndə̂m mɛ̂m, ə kɛsə̂ fo ghənə sê Zhə̀fè.

1 Njɔyn 2:12

M nyâʼà ə̀ghɛ nə ghɨ̂yn sê ghàyn ə ghɔyn ghɨmə kûmə̀ nə Zhə̀fè ə lɛ̀sè fo pi saynse kûmə̀ èzə ə Njisə̀s Klâyszè.

Filìpây 4:19

Zhə̀ fɨmfe nə̀ fo nâʼàpî àkè kɛ ə ghàyn kyiŋə, ə vəyn ə fètə̂ èghaʼ etsɨə zɛ ə È kyi tɔynə̂ ə Njisə̀s Klâys.

Ɛfesùs 2:7

È tè nəyn nyi kə ə tə nə ə nyi pî etuʼ èkè, əghɨə fe nə tɔ̂ʼnè ekayntə ə vəynze kyi va liŋze, ə nyi zɛ ə è kɔ̀ŋɔ̀ ghâsènì ətəyn ə tyə̂nə̀ tɔynə̂ ə Klâys Njisə̀s.

1 Kɔlìŋ 1:30

Pîza ə̀ nəyn Fezhə̀ nə ghàyn ə nyi sə eghɛ èmɔ̀ʼ ghâyn ghə̀ Klâys Njisə̀s, ə nə̀ nə è və nyi ètɔf eghaʼâ ə ghasènìze, ə nə̀ nə ghâsènì ə tyəm chichi ə Zhə̀fè əshi tɔynə̂ ə Klâys, ə fɨnə tɔynə̂ kəpi ə Klâys ə nə̀ nə ghâsènì ə nyi è ŋwâʼzè, ə zhɔnə àtu ə ghasènìke.

Ɛfesùs 3:16

Zhə̀fè nyiə kyi èghaʼ nâʼà sə ŋaŋ. Ə̀ za nyi eghɛ zɛ m tsə̂mə̀ nə fe fo tyaʼa ə ghàyn ə təm tɔynə̂ ə və Sèzuʼ,

2 Kolìŋ 8:9

Ghàyn kendô fùʼ kɛ ə Pɛ̂pɛ ə̀ ghâsènì Njisə̀s Klâys tè tyə̀yn sê ghâsènì. È tè nyi wùə èkɛ, ə kɛsə fɨfə kûmə̀ ghàyn, kə fɨfə Vəynke nəyn, kə ghàyn ə nyi ə̀ghɨ kɛghe ə Zhə̀fè shi.

Ŋwàʼlè ə̀ Pɔ̂l sê ghɨə Lûmghè 2:4

Kə ghàyn nə nji nə təm ə əchûŋ ə Fezhə̀ èghaʼâ ghè, è wəynsê ewìynze va eghɛ zhîze. Shîŋə̀ etyâ kɛ ə Zhə̀fè nyi mə fə fo sê ghàyn nyì se nə̀yn nə ghàyn maʼa pi saynse.

1 Njɔyn 2:2

Ə̀ nyi vəyn vɛ ə tè fo sə efo kûmə̀ sèpi sɛ ə ghâsènì tè nəyn, È və kwuə se zhɔyn atu ə ghasènìke, ə̀ va ke ə ghâsènì ə tu, pîza sê ghɨghe ə kɨ̂m ə mbi.

Taytùs 2:14

È və tə fo ngɨŋ ə vəyn se sɔ̀sè ghâsènì ə sepi sekɨ̂m, se fɨnə nə̀yn nə ghâsènì zo kwəyne sə̂ nyi ə̀ghɨ vəyn ghə ngɨŋghe, mə ə fo ngɨŋ sə ghənə̂sè sə̂ nə̂ èfɨaʼ echûŋzè.

Ətefɨ̂aʼ 2:38

Pità ə pə̀ynsə̀ sê ghənə nə, “Nâʼà ghàyn ə̀kɨ̂m kwiyne təm ghaynghe ə ghɛ ə pi, ə ghàyn fi môm se tyə̀yn nə ghàyn ə pomə sê Njisə̀s Klâys kə Zhə̀fè lɛse fo ə̀ghɛ ə pi ghaynghe, ə È fo ghàyn è fo ə Vəynze, mə za nyi se Zuʼse Ŋwaʼase.

Matyò 20:28

E za nyi kepî eghəs kə Va Wùə tè tàʼa pə̀yn nə ə fɨ̂aʼà sê vəyn. È tè pə̀yn sə̂ fɨ̂aʼà sê ghɨ, se fɨnə fo ngɨŋə̂ ə̀ vəyn se sɔzà əghɨ tsɨəghe.”

1 Njɔyn 4:10

Ndom vɛ ə ghâsènì kàʼa kê kûmə̀ èkɔ̂ŋ nyi nə, Ə̀ vachi nə ghâsènì tè kɔ̀ŋə ndô Zhə̀fè, pîza nə è tè kɔ̀ŋə ndô ghâsènì ə tomə Va Vəyn nə è pəyn kwu ə ghâsènì ə tu kûmə̀ sèpi sə ghasènìse.

Ətefɨ̂aʼ 20:28

Ghàyn e tɔ̂ʼnə̀ è ngɨŋ saynse è ghɨ ghɛ ə Zuʼse Ŋwaʼase fo sê ghàyn nə ghàyn ə chisə̂ ghənə. Ghàyn e tɔ̂ʼnə̀ è nɔ̂yn ə ghɨə pomə ə Fezhə̀ kɛ ə Va vəyn tè kwu kûmə̀ ghənə se nə̀yn nə ghənə ə nyi ə̀ ghɨə vəynghe.

1 Pità 3:18

M pîə nyî kûmə̀ nə Klâys tè kwu ke shîŋə̀ze emɔ̀ʼ ətû ə̀ghɨ̀ ə pighe. È tè nyi wùə ə̀ chichi, ə kwuə kə è kàʼa è nji pəyn è ghâsènì sê Zhə̀fè. Ə̀ tè zhwi vəyn pîza Zuʼsə Fezhə̀sè ə nə̀ è və zòmə̀.

Ɛfesùs 3:8

M nyi ke nâʼà wùə vɛ ə è tətə kwûŋsə̀ əfètə̂ əghɨə Fezhə̀, pîza mə fə tɔ̀ʼnə̀ è mi nyi ə nə̀ nə mə wâmnə̀ sê ghɨ ghɛ ə̀ vachi ə̀ghɨ ə Njûsghè, ndâʼà èghaʼ ekayntə zɛ ə ghɨ ghɛ ə ghe pomə sê Klâys kyi,

Ətefɨ̂aʼ 10:43

Ə̀ nyi kûmə̀ Vəyn ə fɨ̀aʼtè sekɨ̂m tè wàmnə̀ pîə nə, ə̂ pomə pi ndè sê Vəyn, ə Zhə̀fè lɛ̀sè fo əghɛ ə piə vəynghe. Zɨnə mə tə kyanə̀ atyaʼ kɛ ə ke nyi ə Vəyn ezə.”

Njɔyn 20:23

Ə ghàyn lɛ̀sè fo pi piə ndè, ə pi vəyn ə nyi mə ə və lɛ̀sè fo. Ə ghàyn tàʼa lɛ̀sə fo ə piə wùə, ə nyi mə ə paʼà lɛ̀sè fo pi ə̀təyn.”

Ŋwàʼlè ə̀ Mâk 14:24

Njisə̀s ə pìə sê ghənə nə, “Ə̀ mɨ̂nə̀ nyi mndəm mɨ̂m mə̂ m̀kàyn mɛ ə sɨ̂s sê tsɨ̀tsɨ̂ ə̀ghɨ̀.

Taytùs 3:6

Zhə̀fè ə tə fo Zuʼse ŋwaʼase sê ghâsènì se tsɨ̂ə kə nyi tɔynə̂ Njisə̀s sɔ̀zà ə̀ ghâsènì.

1 Timotì 2:6

vɛ ə è fo ngɨŋ ə Vəyn ə kwu se zhɔyn atu əghɨ̀ ə̀ kɨ̂mkè. Kə shîŋə̀ kɛ ə Zhə̀fè tè chɔʼ kwəyn, Zhə̀fè ə nə̀ nə Njisə̀s Klâys ə nyi chwìə nə zhi kyiŋə se sɔzà əghɨ ə̀kɨ̂m.

Kòlosè 2:13

Ə̀ tè nyì sə shi, ghàyn e nyi kəpiə ghàyn kwu ndô kûmə̀ èlwɔ̂ŋ ə Fezhə̀ vɛ ə ghàyn tè kyim. Ə̀ tè nyì fumə ashìŋə̀ ndɔ̀ʼɔ Klâys nyiəm nji tsɨsè tsɨnè èpi ə ghàyn ewìyn. Pîza Zhə̀fè ə fo ghàyn èndam efeze zôyn kə è zòmsè ghâsènì, ghasènìghə̀ Klâys. È və lɛ̀sè fo pi sə ghâsènì sekɨ̂m.

Kòlosè 2:2

M nə̂ nyiə mə se fo ghənə è təmghe, kə kɔ̂ŋ zɛ ə ze nyi ə ghàyn ə fètəyn, ə ze nəyn ə ghàyn ə nyi kə wùə èmɔ̀ʼ. M kyiŋə nə ghâynghə̀ ghənə əkɨ̂m ndəm təm ghaynghe əkɨ̂m, kə ghɨ ghɛ ə ghe ke ghɛ ə Fezhə̀ghè mə ghɨə tè paʼà kê. Ghɛ nə zɛ mə nyi Klâys è ngɨŋə̂ vəyn.

Kòlosè 1:27

Pɨaʼtê ə Fezhə̀zè nyi nə è nəyn ə ghɨə vəynghe ke nə ghaʼa Klâyszè, è pomsê ə vəynze nyi kepî ndò se ghɨ ghɛ ə̀ vachi ə̀ghɨ ə Njûsghè. Ghɛ endətə zɛ ə ze nyi əfètə̂ ə̀təyn nyi nə, ghàyn ndəm ə ghàyn ətəm nə ghàyn tə kyîə ndò pomsê zɛ ə Zhə̀fè pì nə zhi tə fo ndò se ghɨə vəynghe.

Ɛfesùs 2:4

Pîza, Zhə̀fè nyîə kosə̂ èsəyn sê ghɨ nâʼà sə ŋaŋ fɨnə kɔ̂ŋɔ̀ ə̀ghɨ nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 9:23

Zhə̀fè tè kyiŋə kəpîə se tyə̀ynə paynsê epomsê èghaʼâ vəynze etûə ə̀ghɨ̀ ghɛ ə è tè kyi kosê esəyn sê ghənə. È və kàynè pɨaʼtê ghɨ nə ghɛ mə kə ghe fi pomsê ə Vəynze.

Ətefɨ̂aʼ 3:19

M pîə sê ghàyn nə, ghàyn kwiyne təm ghanə ə ghàyn əghɛ ə pighe, ə ghàyn kɛse pəyn sê Zhə̀fè, kə Fe shu tsɨ̂sè ə̀ghɛ pi ghaynghe.

Tom èchùŋ kè kə Lûk tè nyaʼ 24:47

ə fɨyn kyi sè zhə̀tə ə Njèlusalɛ̀m sè tsà eghɛ ə Fezhə̀zè ə vəyn ezə, nə ghɨə kwiyne təmə kə Pɛ Zhə̀fè lɛse fo sèpi sə ghənə̂sè.

Tom èchùŋ kè kə Lûk tè nyaʼ 1:77

fo ètɔf nə ghɨ və sɔse, chwîtə̂ sê ghənə nə ə lɛ̀sè fo pise ə ghənə̂sè.

Etyə̂yn ə paynsêzè 14:4

Ə̀ ghɨnə nyi ə ndômnè ghɛ ə ghe tè ndəm ngɨŋ sə ghənə̂sè sə̂ nyɨ̂ŋə̀ va è zəynghe, ə faŋə kə zamə è zə ghənə̂zè. Ə̀ nyi ghənə ə tè chùmtə Va Ndzè nâʼàpî ghayn kə è tè nduə. Zhə̀fè ə tə zhɔyn fɨsê tu ə ghənə̂vè ə fètə̂ ə̀ghɨ̀ msɔ̀ŋghe ə chi, ə fo ghənə kə m̀tam mə shîəm sê Zhə̀fè è Vâ Ndzè.

Ɛfesùs 1:6

E za tyə̀nə̀ nə ghâsènì kyi sə̂ tsîtə̀ Fèzhə̀ kûmə̀ ètɔʼnè ekayntə zɛ ə è tyə̀yn sê ghâsènì tɔynə̂ ə vâyn èkɔ̀ŋ ə̀ vəyn. Ə̀ tè kɔ̀ŋ ke vəyn se nə̀yn nyî.

Matyò 6:12

Lɛ̀se fo pi sɛ ghàs nyi mə nə̀yn, kèpi eghɨ kə ghàs lɛ̂sə̀ fo ghɨ ghɛ nə̂yn pi sê ghàs.

Ŋwàʼlè ə̀ Pɔ̂l sê ghɨə Lûmghè 3:25

Zhə̀fè tè fo Vəyn kə emâʼte nə È kwu ə ghâsènì ətu. Ə ghɨə kyi lɛsè efo ə ghɛ pize kûmə̀ kə ghənə pomə sê Vəyn. Zhə̀fè tè nəyn zɨnə mə se tyə̀yn nə zhi nyi chichi. Ə̀ tè nyì sə shi, Zhə̀fè e kolə ə̀təm sê ghɨə Vəynghe, pɔynsə̂ va ghɨ ghɛ ə tè nə ghɛ əpighe.

Ɛfesùs 1:8

Fe tɔ̀ʼnə̀ ndò è ghâsènì endom kayntəve.

Ɛfesùs 1:14

ə nyi chwìə se tyə̀yn nə tuʼfe tə kɔʼɔ kwənə, ə ghâsènì kyi fɨa kɛ ə Zhə̀fè tsɨ̀nə̀ endom nə vɨ̂yn, ə ghɨghə tsîtə̀ Fèzhə̀ kûmə̀ èpomsê ə vəynze.

Ɛfesùs 1:18

M tsə̂mə̀ kəpì nə Zhə̀fè nəyn əkwâʼtè zayn zəmə, ə ghàyn ə ke nə ghàyn tə kyîə èfɨa echûŋ vɛ ə Fe pɨaʼtə̂ sê ghàyn è ghaʼ e Ŋwaʼa zɛ ə Fe ndə̂m sê ghɨə Fezhə̀,