Ɛfesùs 1:13 - Ŋwàʼlè ə̀ Fèzhə̀ Mkâyn Mə̂ Fèm

¹³ Zhə̀fè ə fi kepî ghàyn ghɨ Ɛfesùsghè ə sɔ̀zâ ghàyn tɔynə̂ ə Klâys kə ghàyn zɨ tom è chùŋ zɛ ə è nyi səmɔʼ ə pomə. Ə̀ tè nyi kə ghàyn pomə, Fə chwìə ghàyn è Zuʼse Ŋwaʼa sɛ ə Fe tè tsɨ̀ne,

Ɛfesùs 1:13 Referans Kwoze

2 Kolìŋ 1:22

È və ndə̀m chwìə ə̀ Vəyn ə ghâsènì ewìyn, ə fo Sèzuʼ se Ŋwaʼase ə ghâsènì ətəm se tyə̀yn nə Fe tə fo mɨ̂sə̀ èfɨa vɛ ə Fe tsɨ̂nè.

Ɛfesùs 4:30

Kə ghàyn nə nə̂ Zuʼse Ŋwaʼa Fèzhə̀ sɛ ə tè chwìə ghàyn è səynse ə saŋnə̂ va. Ə tè chwìə ghàyn è səynse se tyə̀yn nə tuʼfe tə pə̂, ə Zhə̀fè zhɔyn mɨ̂sè àtu kaynke.

2 Timotì 2:19

Pîza ze tɛ se nə̀ʼsè achi ə ndɛ kɛ ə Zhə̀fè se nyi mə Fə ndə̀m, ə nyàʼà etûə ə̀təyn nə, “Pɛ̂pɛ nyîə ke ə̀ghɨ ghɛ ə̀ nyì ghə və, mə nâʼà ə̀ghɨ ə̀kɨ̂m ghɛ ə pîə nə ə nyi sê Pɛ̂pɛ, kyi se kə̀mnè epàmə ə̀ghɛ ə piə.”

1 Tèsàlonikà 2:13

Ghàs fo kəpî àzɔ̀ŋnè sê Zhə̀fè shîŋə̀ tekɨ̂m kûmə̀ nə kə ghàyn tè zɨte tom ə̀ Fèzhə̀ zɛ ə ghàs tè pə̀yn tsayn sê ghàyn, ghànə pomə̂ nə tom ə̀təyn ndo pə̂yn sê Zhə̀fè, ə̀ vachi sê wùə m̀sɔ̀ŋ. Tom nə zɨnə fɨ̂aʼà ndò ə ghàyn ə fètəyn ə ghɨ poməghe.

Ŋwàʼlè ə̀ Pɔ̂l sê ghɨə Lûmghè 4:11

Ə tè piə se ə̀ nam ə vəynghe mə Zhə̀fè ə kàynè nji vəyn. Se ə nam ə vəynze tè nyi chwìə se tɔ̀ʼɔ̀ chichi ə̀ vəyn ə Zhə̀fè əshi kûmə̀ èpomə̂ ə vəynze. Pi kə Zhə̀fè tè pomə vəyn kə wùə chichi, ə tè paʼà se nam ə vəynghe. Zɛ mə tè nyì se nə̀yn nə Aplàghâm ə nyi pɨ̀a sê ghɨghe əkɨ̂m ghɛ ə nyi mə ə paʼà se nam ə ghənə̂ghè mə ghənə nyi chichi ə Zhə̀fè əshi kûmə̀ nə ghənə ə pomə̂ Zhə̀fè.

Taytùs 2:11

E kyi sə̂ nyi nyî kûmə̀ nə fùʼ ə Fezhə̀ kɛ ə ke pə̂ esɔzaze nyi mə ke ə pə̀yn se ghɨghe əkɨ̂m.

Ngàleshyà 3:14

Klâys tè nə̂ nyî kə pɔsêzè zɛ ə Zhə̀fè tè tsɨ̀ne sê Aplàghâm pɔŋ ndu sê ghɨ ghɛ ə ghe tè va ə ghɨ ə Njûsghè tɔynə̂ ə Klâys Njisə̀s. È tè nəyn nyi kə tɔynə̂ ə ghâsènì ekyî epomə̂zè, ə ghâsènì kyî Zuʼ sɛ ə Zhə̀fè tè tsɨ̀ne.

Ŋwàʼlè ə̀ Pɔ̂l sê ghɨə Lûmghè 1:16

M ghomə̂ va se ndàʼa tom èchùŋ kûmə̀ nə è nyi atyaʼ ə Fezhə̀ kɛ ə ke nyi mə kə pə̀yn èsɔzaze sê ghɨ ghɛ ə ghe pomə sê vəyn, se zhə̀tə pə̀yn se ghɨə Njûsə̀ se nduə fɨ sê ghɨ ghɛ ə̀ va əghɨ ə Njûsghè.

Ətefɨ̂aʼ 2:33

Zhə̀fè ə njì Vəyn elùʼ ekɔʼnəve, ə Vəyn ekɔyntwɔve. È və fo Vəyn è Zuʼse Ŋwaʼa sɛ ə È tè tsɨ̀ne nə È tə fo sê vəyn. Njisə̀s ə pɔŋ fo Zuʼse Ŋwaʼa nə sɛ se ghàs, ə̀ nyi səynse ə se nə̂ ghàyn e fe fɨnə zɨə nâʼàpî èghɛ èkè zɛ ə ze kyânə̀ ndâyn.

Njɔyn 14:26

Tsàmtè zɛ ə Pɨ̀a nə̀ tomə ə mi ezə, mə za nyi Sezuʼ se Ŋwaʼase, nə̀ zaʼlə̂ ghàyn è ghɛghe əkɨ̂m, ə è fɨyn nəyn ə ghàyn pɨəyte nâʼàpî ghè vɛ ə m nyi mə mə tsàyn sê ghàyn.

Njɔyn 1:17

Zhə̀fè tè fo alâŋ tɔynə̂ ə Mosîs, pîza fùʼkè è səmɔʼ ə pə̀ tɔynə̂ ə Njisə̀s Klâys.

Tom èchùŋ kè kə Lûk tè nyaʼ 24:49

Ghàyn ə kɛ nə, m nyi tom efe zɛ Pɨ̀a vɨm te tsɨ̀ne sê ghàyn. Pîza ghàyn tsɨsə kə fayn endaʼ sè zaʼâ kə tyaʼ nə ke ndo ekwùtwəyn, ə ke tso ə ghàyn ə tu.”

1 Pità 2:10

Ghàyn tè va əghɨə Fezhə̀ sə shi, pîza sè nyi zôyn. Zhə̀fè tè kosə̂ va sə̂yn sê ghàyn pîza sè kosə̂ zôyn nâʼà sə ŋaŋ.

Ŋwàʼlè ə̀ Pɔ̂l sê ghɨə Lûmghè 6:17

Pîza zɔ̀ŋnèkè nyì se Zhə̀fè. Ghàyn ghɛ ə ghàyn tè nyi kɔ̂svè etyə̂ ə̀ghɛ ə pighe, ghàyn ə zàmaʼà ndom nə vɛ mə, ə nyaʼâ chumtə̀ ə̀ghɛ ghɛ ə ghe nyi səmɔʼ è təm ghaynghe əkɨ̂m.

Ətefɨ̂aʼ 1:4

Tuʼve ə zo tuʼ fîfe, ghənə e zhiə, È və tsɛsə̀ sə alàŋ sê ghənə nə, “Kə ghàyn ndo ə Njèlusalɛ̀m zôyn. Ghàyn lɨmte fo zɛ ə M tè tsayn nə Pɨ̀a Vɨm və tsɨ̀nə̀ se fo sê ghàyn.

Njɔyn 15:26

Tsàmtè nə̀ ndô pə̂ se Pɨ̀a. È nyi Sezuʼ sɛ ə se nə̀ nə̂ nə ghɨghe ə ke səmɔʼ. Kə M nə nə mə nyi ghâsè Pɨ̀a, M nə tomə vəyn sê ghàyn, ə nyi vəyn vɛ è nə tsâ ghɛ sê ghàyn kûmə̀ Mi.

Ətefɨ̂aʼ 13:26

Pɔ̂l ə pìə kwəynsə̂ nə, “Ghɔnyì ghɨm ghetɔ̀ŋ ə ndɛ Aplàghâmghè, è ghayn ghɨ ghɛ ə̀ vachi ə̀ghɨ ə Njûs ghɛ ə ghe nyi fâyn, ngɨmnə̂ kəpî Fèzhə̀, tom èchùŋ zɨ̀nə è pə̀ è sɔzaze sê ghɨ nyi mə ə tom sê ghâsènì.

Njɔyn 6:27

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Tom èchùŋ kè kə Lûk tè nyaʼ 11:13

Ə ghɨə piə nyiə kə ghàyn nyiə se ke se fo efɨa echûŋvè sê ghɔyn ghaynghe, ə nâʼà Pɨ̀a vâyn vɛ ə è nyi ekwùtwəyn faŋ zayn se fo sezuʼ se Ŋwaʼase sê ghɨ ghɛ ə ghe pfɨf sê vəyn ə?”

Etyə̂yn ə paynsêzè 7:2

Mə fɨnə fe tsì zhîzè è ze fɨə pə̂ apàs kɛ ə zhwize fɨə ətəyn è ze kyi àlɛ ə Fezhə̀ fɛ ə fe ndamə ə və̂ gho. È zə pɨa nâʼà è kyə̀ è tɛ se tsì sə Fezhə̀ sɛ sè kyàʼ ə Zhə̀fè fo tyaʼa sê səynse nə se pofse chike è kɨsè njwî ə fengwaŋ vɛ

Njə̂m 1:18

Ə tè chɔʼne vəyn nə ə piə ghâsènì tɔynə̂ ə tom ə̀ səmɔʼ kə ghâsènì kyi luʼ əshive ə fètəyn èfɨa èkɨ̂m vɛ ə è tè pom.

Ipilù 2:3

E za tyə̀nə̀ nə, kə ghâsènì se nyi mə zɨə ghɛze kûmə̀ èsɔza ekayntə zɛ ə Zhə̀fè fo, ə ghâsènì tàʼa zɨ, ə ghâsènì tə tàʼa tə fɨ ə ngəʼ zɛ ə Zhə̀fè nyi se tə fo. Tom nə zɨ̂yn nyi mə ə̀ tè ndàʼa ke nâʼà Pɛ̂pɛ sə shi, ghɨ ghɛ ə ghe tè zɨ, ə tə tyə̀yn paynsê sê ghàs nə ze nyi ke nâʼà səmɔʼ.

2 Timotì 3:15

Ò pɨ̂əytə̀ kəpi kə ò tè pa nyi wâ, mə o ə kàynè kê ghɛghe ə ŋwàʼlè ə̀ Fèzhə̀, mə ə̀ nyi əghɛ nə ghɨyn ə ghe kaʼa ə ghe fo ghô ètɔf eghaʼâ zɛ ə ze pə̂ è sɔzaze tɔynə̂ ekyî epomə̂zè ə Klâys Njisə̀s.

2 Timotì 2:15

Mɔ̀mse nâʼà è tyaʼa se nə̀yn nə Zhə̀fè fe nə ò nyi wùə èfɨ̀aʼa vɛ ə è ghomə va sə̂ nə̂ èfɨ̂aʼ ə vəynze, fɨnə zaʼlə kə səmɔʼ zɛ ə è nyi ə Vəyn ə tom èchùŋ.

Ɛfesùs 4:21

E nyi ke nâʼà səmɔʼ nə ghàyn ə tè zɨ ghɛ kûmə̀ vəyn, e fɨnə zaʼlə ghàyn è ghɛ ghɛ ə ghe nyi səmɔʼ kûmə̀ Njisə̀s.

2 Kolìŋ 6:7

Zhə̀fè ə fo tyaʼa sê ghàs, ghàs e ndàʼà kə èghɛ zɛ ə ze nyi səmɔʼ sê ghɨghe. Fɨa eghɔ̀ŋ vɛ ə ghàs nô è vəyn fɨnə kɨ̂ŋtə̀ sèngɨŋ sasse ətəyn nyi tendom tə chichite.

Njɔyn 3:33

Pîza pîndè vɛ ə è fi tom ə̀ Vəyn lotə̂ pîə ndò nə Zhə̀fè nyì səmɔʼ.

Njə̂m 1:21

E za tyə̀nə̀ nə ghàyn kyi se mâʼà endam nyələze è kɨsè ndam epofze. Ghàyn tsose ngɨŋ saynse ə ghàyn pomə tom zɛ ə Zhə̀fè nyi mə fe ə ndə̀m ə ghàyn ətəm kûmə̀ nə tom ə̀təyn nyi kàʼa è sɔza ghàyn.